Warning: This Is In Acehnese Language ONLY
Saleum Rakan Steemit Meutuwah!
Drawing by @dedybadunk
Assalammu'alaikum Warrahmatullaahi Wabarrakaatuh
Sang ka hana saba lee nyeh? That treip troih uroe Rabu nyou, ta nak lanjut #pehtem lam Basa Indatu teuh lom. Nyou ka troih, bek karu lee. Nyan na Gata Kalon gamba nyan? Untuk siat nyou, Uloen Tuwan akan ngui gamba nyan seubagoe Tanda Konteh Jak Ta #pehtem ka mulai. Tapi Sigalom Uloen Tuwan mulai, Na Pengumuman dilee. Neu baca beu get, bek enteuk peugah **Hana Jelaih, Hana Loen Teupu** dan macam bagoe alasan laen. Saran Loen, miseu neu Resteem, Preih meu si-uroe dilee. Tapi miseu keu mudah Gata kalon bak blog droun, pajan nyang galak jeut chit.
Ureung Cok Hadiah Bak Konteh #pehtem Panton Asmara
| Juara | akun | hadiah |
|---|---|---|
| 1 | @isnorman | 1 SBI |
| Tunang | @lamkote | 1 SBI |
| Komentar | @fauzan11 | 1 SBI - hana jadeh dustsweeper |
| Hiboran | @fauzan11 | 0.1 STEEM |
| Hiboran | @bigbos99 | 0.2 STEEM |
| Hiboran | @khaidir1990 | 0.2 STEEM |
| Hiboran | @rizkidon | 0.1 STEEM |
| Hiboran | @adito | 0.1 STEEM |
| Hiboran | @rayon | 0.1 STEEM |
Pakon Nyang Meunang Teungku @isnorman? Nyou neu baca:
Assalamualaikom warahmatullah
Geunantoe lidah haba long tuléh
Geunanto lon jak bak @cicisaja long langkah
Geunantoe babah syae lon piléh
Meukeusud haba jinoë lon peugah
Haté nyang gundah harap beupulèh
Lam peh tem haba meubalah
Cuba lon surah sa dua barèh
Panton Asmara syit ka lon kubah
Ngon hate luwah jinoe lon tulèh
Keu gata adoë nyan that meutuwah
Moga na balah adoë long gasèh
Adoë geutanyoë hatè lam gundah
Nyak @lamkote meutuwah ka jihantôk bintèh
Ban lon tanyông peuna masalah
Laju jipeugah meusyen keu Dek Ni puteh gleh
Ban kheun lam panton agam meukarat
“Ampon denden meukawen lalat
Si Dek Ni han jitem tapi si @lamkote jikarat”
Ci siat @cicisaja peutupat
Meusaneut that! Teuma pakon Teungku @lamkote meunang Meutunang? Neu baca keudrou neuh, han sanggop loen copy, get that panyang. Meunyou Teungku @fauzan11, miseu neu tem jak kira... dari 97 Komentar, Karap 50 atra gobnyan mantong, hahaha.
Pakon Teungku @khaidir1990 dan Teungku @bigbos99 meutemeung Hiboran 0.2 STEEM? Saweub mandua ureung nyan na reaksi watee ureung pakat tunang. Hadiah akan teukirem segera.
Konteh Jak Ta #pehtem 6 ~ Panton Bebaih
Syarat ngen Cara
- Tuleh Panton, Nazam atawa Cae bak komentar lam Basa Aceh
- Paleng nit 8 bareh, panyang bebaih
- Tunang-balaih demikian juga, saban, sama, serupa syarat jumlah bareh. Tunang ateuh tunang beu meususon sapat.
- Jeut tuleh nan ureung seureuta laen nyang neu pakat tunang/tantang.
- Tema kali nyou Panton Bebaih, Tapi hana si haba dajeu dan meulanggeh.
- Komen laen jeut untuk pertanyaan, tapi bek ji miyup gob teungoh meutunang,
- Ureung Seureuta, miseu neu buka, bek tuwoe balaih miseu na ureung tunang (nyang ta nilai chit).
- Ka mudah nyou, meunan mantong.
Pajan Phon?
~Jinou 01/08/2018 sampai 06/08/2018~
Hadiah
Mantong Pereulee hadiah syit? hansep lapak mantong? hahahaha pasti na lah, boh panee ta peugot Konteh hana hadiah.
| Juara | Hadiah | Ureung Seudia |
|---|---|---|
| 1 | 1 SBI | @cicisaja |
| Tunang | 1 SBI | @cicisaja |
| Komentar | 1 SBI | @cicisaja |
| Hiboran | 1 SBD Total | @cicisaja |
| Laen-laen | ta mita dilee | so neuk sumbang? |
Penjelasan bhah SBI
SBI atawa Steem Basic Income nyan na keuh salah saboih program eksperimen sosial di Steemit. Beda ngon ta jak bloe Vote nyang kayem hana meu asoe, cuma rame robot vote nyang SP jih kadang saban lagee droun teuh dan suwah ta langganan atawa suwah jok link post. Maka SBI nyou pereulee ta daftar ngen 1 Steem mantong maka siumue masa tak posting bak Steemit, si uroe saboh pasti di vote. Maken jai ta teumeung SBI share, maken rayeuk yum Vote teuh. Miseu sineuk sagai, biasa ta teumeung 0.005 meunan, han jeut keu buet sagai ya? tapi sampoe pajan pih teutap di vote miseu na neu posting.
Padum Share beu na, nak ji teubit yum rayeuk bacut? miseu na 100 share, ka ji teubit yum 1 bagi 7 arti jih sibinggu na 7 uroe/7 post. miseu siminggu sigoe ta post, ji teubit 1 lah. Peu na cara hana payah bloe? Na... Neu ikot konteh yang ji peugot hadiah jih SBI lagee nyou. jai lom konteh laen jeut neu kalon bak # steembasicincome. Meunyo Loen, daripada hadiah SBD, leubeh get hadiah SBI. Pakon meunan?
Miseu loen jok SBD, sigou sagai.. han jeut neu bloe steem keu power up, nyang na gadoih bak neu tarek keu bloe pulsa. leubeh get loen jok SBI, adak hana loen vote tulesan droun, na sbi nyang vote. Loen vote han ji teubit sapeu, ji vote lee jih na bacut. maken jai sbi droun, maken rayeuk ji vote. Loen jinou aleh padum ka SBI, pokok jih miseu di vote antara 0.1 dan 0.05 sabee deuh. sang meunyou dumnan yum vote, meu 30 oun ka na, nyou meutamah lom 3 oun teuk saweub loen bloe saham keu awak cok hadiah.
Hana jeulaih syit? hana loen teupeu peugah lee.. sang lam 3 buleuen nyou, na meu 10 surah loen peugot lam 3 bahasa bhah nyan. Leubeh mudah jinou saweub ka na FAQ lam basa toko ji peugot le ureung bireuen nyang mat room Indonesia bak channel discord Steembasicincome.
Mantong na padum boh bentuk hadiah nyang berupa saham meuno, tapi galom mandum loen peulajari, na saboih nyang loen hawa tapi galom syep syarat. nteuk miseu ka loen teumeung akan loen bri thee. Jadi miseu Gata hawa nak meurumpok hadiah, ikot mantong konteh2 nyang syarat jih mudah lagee peugot komentar mantong. Neu cuba mandum konteh dilee, peukara meunang atawa han, nyan bek that ta kira.. mita pengalaman dilee. Kop rame ureung got akai asai careng bak neu tuleh komentar. Uloen Tuwan leubeh jai STEEM, SP dan SBD loen teumeung dari Komentar daripada Loen post keudroe.
OKMK.. Ka jeut neu mulai aju, bek lalee ngon haba #pehtem Uloen Tuwan.
Nibak malam yg cukop sunyi.
Malam yg leupie untuk meujaga.
Meunan umpama ulon meupansi.
Beu seujuk hati dalam neraca.
Sabe tajaga titah ilahi.
Ngon hate suci beu lapang dada.
Mangat merasa beurendah diri.
Bek timoh dengki keu ureung lingka.
Sabe tapeujroh ngon tasantuni.
Ureung islami sabe si bangsa.
Peukaya akhlak ngon peugot budi.
Tapeulajari tentang agama.
Indah lah malam tahajjud beuna
Lheuh nyan ta lanjut wirid ta peuna
Haba neu canek indah lagoina
Haba meuguna narit meuseunia
Hana lon bantah han chit lon bangkang
Kon chit lon tunang nyan panton gata
Saleuem lon peutrouh bak duek cong rangkang
Geunantoe bingkang lon ba keu gata
Ta kuet padee sigalom ujeun raya
Padee ta gulam ta puwo u rumoh
Oh watee udeep ibadat beuna
Bek di akherat u nuraka geu sampoh
Beutoi eu metuwah pesan gata
Udeep lam donya bek that meuseunoh
Ta peu ingat sahabat rakan syedara
Nak bek rugo udeep teuh han teuboh
Saleum mulia sabah loen peutroh
Ukeu @lamkote dan @khaidir1990 nyang mulia
Sabee neu ikot #pehtem nyang bacut runyoh
Saweub na pancuri panton gob geu ba.
oman nyo bahaya that
Paaat bahaya? Ka abeih watee meutunang... bek pijee that nyan.
ka kutupu, long ka abeh wate meutunang, sebab lawet nyoe sibok that , kupeugot martabak ngon @fauzan11
Hana variasi sagai... nak meudeh peugot postingan cara peugot martabak steemit lengkap tutorial laah.. lheuh nyan, mita mesis nyang warna belau.. na ji meukat hai.. mantap lom😉
Sukses beuh keu usaha martabak nya👍👍
Nasehat bacut sapu ...
"Assalamualaikom saleum ulon bi
Keu abi ummi madum saudara
Bacut na haba panjang keuneuk rawi
Judul ulon brie al-quran mulia
Sama sama katateupu rakan meutuah
Bak malam tujoh blah buleun puasa
Al-quran neupeutren nibak rasulullah
Keupeutunyok Arah ummat lam donya
Meuso yang baca rakan meutuah
Nyan kalam allah yang mulia
Oh uroe dudoe pahala geubalah
Ngen rahmat allah tamoeng syuruga
Al-quran rakan pitauget keu imum
Dalam tip bideung amalan gata
Meunye makna jih hana tamuphom
Beudoeh rakan lon ilme tamita
Supaya amalan mangat jet keubut
Pu yang tapubut meureumpek pahala
Larangan tuhan han roh tapubut
Karna kakoeng yang iman lam dada.
Nyo keuh sagai haba sipatah
Haba lon peugah keurakan dumna
Meunye nye neucok rakan meutuah
Tapi nye salah neutik lampaya. "
#Trimoeng geunaseh ..
Teurimong geunaseh ka neu tik panton
Indah bahasa watee loen baca
Sayang that watee loen kalon
Na 4 boh bareih nyang hi atra awai ka na
Tapi bek gundah gata bek rihon
Loen mita cara nak deuh so nyang kuasa
Neu tunang saja panton nyang posting phon
Neu cuba lakee jaweub geuh beu na
Mekeusud hatee ta peumaju panton
Sayang na saja nyang pereule laba
Geu cu panton gob geu puta-puti kop santon
Watee ta tanyoung tak jaweub meu sikrek haba
Panton peuphon haba.
"Assalamualaikom keumandum syedara
Saleum seujahtra dari lon ban teuka
Saleum meuturi keu kak @cicisaja
Nyo katroh lon teuka lam konteh gata
Lom keumandum rakan yang ka awai teuka
Juga lon sapa saleum ulon ba
Saleum meuturi lewat udara
Geulanto tamumat jaroe bandua
Lage yang geupeugah uleu kak cici
Faedah darii konteh nyo rupa
Meunye tameunang hadiah geubie
Saleng meuturi nye meunang hana
Nyo sang kameumada bak lon rasa rasa
Keu ngen puphon haba dile banteuka
Mungken kali ukeu tasambong lom rika
Tatuleh beupanyang beupalak ureung baca."
Wassalam,#saleum meuturi dari @cekmad-bahagia
'Alaikom salam hai @cekmad-bahagia
Saleuem di gata ka ulon sambot
Narit neupeutrouh tanda mulia
Jeut keu syedara darat ngon laot
Kon suai hadiah atawa tunang saja
Bek chit meumada meu su-out suka
Jioh neuh bantrouh hajat beu meugisa
Bah meubahana #pehtem @cicisaja
Neu atou narit ceudah bahasa
Meu atou rima ceudah han sakri
Dak jeut neutamah panton neurika
Get that sep hawa lon keu bahsa tari
Neu rika paneuek teuntee han geuransang
Neu rika panyang goh teuntee han tabaca
Geumba hatee lon bila neu tunang
Keu soe nyang meunang bek boh keunira
Saleuem Kupi Phet @cekmad-bahagia
Balah tunang bek hana sagai.:
'Seunang hate lon rasa bahgia
Katatem sapa ulon @lamkote
Meutamah galak keukonteh nyo rumpa
Meuturi saudara dak hana esbede
Keusuai juara hana peurle tapike
Syit kadeuh lahe ureung ka nyata
Syit keugata wahai @lamkote
Meunurot lahe long kalon rika
Nyo ken long pujo peurle beunalah
Tapi long peugah meunurot yang lahe
Gata lamkote bek syit teuhah babah
Baro nyan tapeugah kahana meuoh le"
Hhhhhh saleum bulukat boh drien @lamkote
Ulon disinoe cuma peuramee
Ibarat jamee khanduri gob ba
Maklum aneuek miet mita ileumee
Adah pih malee bah ta proh haba
Haba ta suson meunurot rihon
Rihon seulimbout keunangan suka
Suka ta peugot narit meu panton
Panton ta rika bah gadoh lara
Seunang lam ate leupie lam jantong
Haba meusanjong nibak abangda
Watee lon peurati meusoe lah nyang ulong
Nama dalam tong @cekmad-bahagia
Kiban hai @cicisaja, pue na hawa bulukat boh drien.
Alhamdulillah, pujoe keu Allah
Sabah meuluwah loen peutroih keu gata
Baek @lamkote pih keu @cekmad-bahagia meutuwah
Ka neu tem seureuta lam konteh pehtem alakada
Jamee baro troih tamong neu piyoh
Panton loen baca indah that rima
Meu'ah loen lakee saweub teungoh gadoh
Loen peusiap ayahanda berangkat tunai rukon keu lima
Beutoi eu rakan peu nyang neu peugah
Ta pehtem sama jeut ngen siapa saja
Nyan keuh meukeusud loen peugot panton bebaih
Nak mudah ta pehtem sabe syedara
Sorry, i do not understand the post, how are you anyway
Posted using Partiko Android
Alhamdulillah, I am fine and how about you? How's the hajj going... told you on the top of this post.. this is acehnese language only and only acehnese could read and join this contest.
Thank you and barakallah
Alhamdullilah i am in makkah now, next week going Madina,
Posted using Partiko Android
are you going back to Makkah later to do all the process, including stay at Mina and Muzdalifah?
Yes
Posted using Partiko Android
Bereih... peugot ju panton, hadiah ka meukirem.. sabah meuluwah ateuh partidipasi droun lawet nyou.
T G mantong cut, nyoe tngoh sepi custumer, nyoe
bak CV purnama "bigbos" lon piyoh siat
ca rebes meunyo meunan, lanjot ju dilee.. nyan bek that jai neu pajoih martabak @igbos99, rugoe geuh enteuk
hahah, teungku @fauzan11 jai that jie pajoh martabak
Yang jeulah kana pat pehtem lom @cicisaja
Peh aju miseu cocok... pokok jih beu mangat ta deungo beu na manfaat bacut sapoe
oman nyoe sang payah tapakat ngoen bah rame lom tajak pehtem, long kupakat @donnyandrian jeut keun, bah rame ,hehe
Nyou konteih terbuka keu s o barangkaso nyang galak #pehtem lam Basa Indatu teuh.. jadi bebaih mantong so nak seureuta..pakat ju, syarat pih ka mudah
alahai cut daci ci, kalheuh ku karang bnoe panton lon,
ka roh meuli..kop palak kuh, kakeuh oh pah signal ku tuleh lom
Tulej bak kertaih dilee.. bek langsung bak hape.. daripada daripada.. hana masalah that.. watee mantong panyang
Assalamualaikum keu banduem syara
Terimoeng genaseh keu cicisaja
Yang ka geu bagi steem ke ulon tuan
Walaupun Hana menang kontes
Nyoe Panton ulon tuan
Salamualaikom e sigom wareh
Hana ta tuleh keu kawen paksa
Sidroe pemuda geuthem meu abeh
Demi peulareh disinyak dara
Dalam cerana ranup seulaseh
Gapu geutindeh keu cukop atra
Meukawen paksa cukop meupaleh
Hate lam seudeh siumu masa
Han tenang geuduk han tenang geu-eh
Seubab peulareh hana dihawa
Keupu bak meja sedia ngon ileh
Meunyoe meucureh hate ngon dada
Wahe pemuda nyang ka meuabeh
Tabie seumileh keu aneuk dara
Mubek tapaksa rasa sigadeh
Hareuta habeh han bahagia
@rizkidon meutuwah, peu keuh nyou atra gata tuleh? Meunyo kon.. leubeh get neu lakee idin dilee bak nyang po dan neu tuleh nan gobnysn hinan. Hanjeut buet meulanggeh meunan bak konteh pehtem.
oman nyo plagiat hai @cicisaja
Teunang.. nyang plagiat chit ta anggap keunong dis.. bek ta peu rhoih sahoe lee..
long baro nyoe kutume baca, sebab dari baro sa sibok that, tengoh ku mukat martabak, dari supot sampek malam ku mukat martabak, nyo baro kupijoh siat,hehe
Mita lawan
Sianeuk tamban, jigrop-grop lambong
Aneuk kikirong, jigrop meuputa
Lon mita lawan, di dlm panton
Nyan kreuh kikitong, bagah neuteuka
Mubek troh datang, yang leumoh jantong
Yang meu ie hidong, hana ku hawa
Yang raya badan, meuheut di ulon
Diateuh panggong, ulon preh gata
Gata lon undang, lam peusan panton
Langkah neuhayon, keunoe neu teuka
Jurus lam reugam, pukulan sudong
Aci neupeutron, pakiban rupa
Yang garang-garang, darah jièk trôn
Galak di ulon, ureung yang kha-kha
'Oh nan lon layang, haba dile phon
Dawa lam panton, meutre teunaga
Tam tum sue beude bak malam uroe
Ka karu lom naggroe ka haroe hara
Di ureung inong peusampo bak lakoe
Su beude bunoe pue keuh tanda bahya
Dilanget matauroe dibumoe padee
Cahya meu blee blee dipeutrang donya
Naggroe Aceh nyoe jino ka cree bree
Siboek ngon partee dimeupakee saboh ma
Ladoem jak u laot ladoem jak u pantee
Mita breuh siaree keu aneuk ngon poma
Semoga Aceh nyoe bek lee meu cree bree
Doa meusaree bak poe rabbana.
Padum bareh panton lagu cut aja kheun
Haro hara judul dari album nyawoung sa
Adak pih bebaih hana so theun
Asoe pike drou leubeh hayeu ta baca
Meunyo ta kalon chit ka jeut keu peukateun
Asai troih pemilu haleu hareum sampoh saja
Hanjeut ta peubeda toh puteh toh pleun
Ka meulawok sajan meusaboh hana guna
Lon kalon lagak sitangkee padee
Bak meu ukeee lagak lepahna
Cae nyawong sa meukeunong bak atee
Maka lon ukee lam panton pehtem na
Kiban u meunan minyeuk
Lagee ku meunan aneuk
Panton jeulaih panyang paneuk
Lagak lagee ouk teu reuk
Kacang panjang geu kheun boh reteuk
Su manok agam geu kheun ji ku'uk
Panton keu hayeu paih ujong ji duek
Asoe pikee droun lom jroih bacut teuk