Baca "Dalael Khairat" Adat Gampoeng Kamo

      Assalamualaikum sobat Steemians bandum, nyo nakeuh postingan lon tuan paleng baro untuk akhe-akhenyo, kareuna kameupiyoeh uronyan siat leuh puduk rapat ngen @good-karma, @zappl, @karmani, @busy, @kingxiaomi dan nameupadum droeteuk yang hana mungken lon seubut disinoe..

      Jadi lam postingan nyo lon keneuk ceurita bacut keu teuntang salah saboh adat Gampoeng kamoe ( _ .... hana lon seubut nan Gampoeng kareuna "menjaga kode etik jurnalistik"_ ).

Adapun adat Gampoeng nyang lon maksud nakeuh geupeunan "Dalael Khairat".
Kiban sobat Steemians na teupeu Dalael Khairat nyan???, meunye nyan hana teupeu bek le meu en steemit.com le are, wo urumoh cok ija kroeng blo kupiah saboh brangkat keudeh u dayah laju jino beusigra! Male nek-nek teuh meunye nyan hana tateupu.

      Beuka lon brithe keu ureung Aceh yang galom tupu seucara singkat mantong, Dalael Khairat nyan nakeuh saboh kitab atawa buku nyang meutuleh di dalam teuntang keagungan Allah dan Rasulullah beurupa nan-nan Allah nyang Agung dan nan-nan Rasulullah nyang mulia dan mengandung do'a-do'a, selaweut, qasidah di dalam jih, nyan meufahala bagi tanyo nyang baca, kiban kameurie atawa kameuphom ken?

     Jadi keu teuntang adat Gampoeng nyang keneuk lon peugah lam postingan nyo nakeuh baca Dalael Khairat nyan di Gampoeng kamo kajeut keu adat seutiap malam pesta atawa malam "walimatul ursy" dan malam limeong uroe bak ureung musibah.

Ohno keuh ile haba ceurita teuntang adat Gampoeng kamo lon tuan peu akhe dengen Assalamualaikum warahmatullahi wabarakatuh.