ကိုယ်ဖြစ်ကေ ကိုယ်ခံ၊ ကိုယ်ညံ့ကေကိုယ်ခံလီကတ်နှန်းရာ။
ပေါ့ဆမှုတစ်ခုအောက်မှာ ဒေနှစ်လေ့အယင်နှစ်တိပယှောင်ဈီးထဲကဖလားတစ်လုံးဝယ်ပနာအိပ်ရီးပျက်မျက်နှာထက်ကမျက်ချီးတိကိုနီဖင်မထိုးခင်သစ်ယင်း နောက်နှစ်ရာသီဒေပိုင်မျိုးထပ်မဖြစ်ရအောင်ဆုတောင်းလီရဖို့ဗျာလ်။
ဖလားဗလာနန့်ဒေရာသီကိုမကုန်ဆုံးချင်ကေလေ့မတတ်နိုင်လိုက်ဗျာလ်။အိမ်ကွင်း၊ အဝီးကွင်းကန်ရရေဘောလုံးပွဲတိမှာအနိူင်၊အရှုံး၊သရေဆိုစော်ဟိကေလေ့ စစ်ပွဲမှာတော့ နိုင်ကေနိုင်၊မနိုင်ကေရှုံး၊သရေဆိုစော်တစ်ခါလေ့မဟိ ဆိုရေ ခံယူချက်၊သတိတရားတိနန့် ခရီးဆက်၊ခရီးထွက်နီရေ။
အခွင့်အရီးဆိုစော်ကရာသီပေါ်သီးနှံမဟုတ်ရေအတွက်ရလာရေအခွင့်အရီးကို ရရေအချိန်မှာရအောင်ယူတတ်ဖို့အရည်အချင်းတိလိုရေ။ကိုယ်ကရလာရေအခွင့်အရီးကိုရအောင်မယူတတ်ကေအခွင့်အရီးကကိုယ့်ကိုပြန်ယူလားတတ်စော်ကလောကဓမ္မတာ။
ယင်းပိုင်ပျာလ်ကိုယ်ကဂိုးမ,သွင်းနိုင်ခကေသူများကကိုယ့်ကိုဂိုးပြန်သွင်းလားလီဖို့။တစ်ခါတစ်ရီအခွင့်အရီးကိုကိုယ်ကဖန်တီးရ ရေပိုင်ဖန်တီးရလာရေအခွင့်အရီးကိုလေ့ထိထိရောက်ရောက်အကျိုးဟိဟိအသုံးချတတ်ဖို့လိုရေ။ အခွင့်အရီးရဟိရဲ့သားနန့်ယင်းအခွင့်အရီးကိုအသုံးမချတတ်ရေလူရေမယ်စကြာဝဋ္ဌာမယ်ကိုပိုင်ဆိုင်ထားရေ အမြုံထီးနန့်တူရေ။
တော်လှန်ရီးထဲမှာကျရေနီရာကကျရေတာဝန်ကိုထမ်းနီရရေအခါကိုယ်တိုင်ဂိုးသွင်းတတ်ဖို့လိုရေပိုင် သူများတိဂိုးသွင်းနိုင်ဖို့အတွက်ဖန်တီးတတ်ဖို့လိုရေ။ကျနော်ရို့တိအတွက်တစ်ကိုယ်ကောင်းဆန်ပနာ ကိုယ်ဂိုးသွင်းဖို့စော်ကိုရာစိုင်းပြင်းနီရေကစားသမားတိထက်အခြားကစားသမားတိဂိုးသွင်းနိုင်ဖို့အတွက် ဂိုးဖန်တီးပီးမှုကောင်းရေကစားသမားကောင်းတိပိုလို့လိုအပ်နီရေ။
ယေကေလေ့ဒီမာရီယာပိုင် အနီကတ်ပြမခံရအောင်တော့မလိုအပ်ရေဒေါသကိုထိန်းနိုင်ဖို့လိုရေ။ယေဇုနန့်ဒေါသဆိုစော် မလိုအပ်တေအချိန်မှာထွက်ကေ "အနီကတ်" ရတတ်တေဆိုရေအသိတစ်ခု ရလိုက်ရေ။