Sebago Raja, uronyo Tuwanku meuhajat nak peutrang bak gata mandum, pu nyan Blockchain. Bek chein di gop chein di geutanyo. Pu hom. Sabab ladom tanyo na sok hayeu pih nyo, peugah nyo peugah jeh, padahai watee tacek, tan meuphom pu yang kadipeugah nyan. Lagee blockchain panena mandum rakyat geutanyo diteupu ata nyan. Maka Tuwanku Raja wajeb peutrang nak carong rakyat steemotnyo.
Blockchain nakeuh saboh sistem yang hana dipakek le ureung keu 3 wate dipeuget transaksi atawa dimeudagang atawa peukara kirem ngon teurimong peng. Baroken, geutanyo untuk takirem peng keu aneuk keumun atawa keu abuwa biasa tapakek beng. Jadi tajak keudeh u bank, tajok peng bak jih, lheuhnyan dijih dicok peng geutanyo nyan dikirem keudeh keu aneuk keumun tanyo atawa abuwa. Jadi sinan na lhe boh rukon. Pertama phon geutanyo sebago ureung kirem peng, lheuhnyan abuwa atawa aneuk keumun sebago tukang teurimong peng, lheuhnyan lom na awak beng sebago agen tukang kirem peng. Nyan yang katapeubut baroken.
Asai Gamba: http://www.thedrum.com/opinion/2018/01/22/blockchain-takes-ad-fraud-and-the-google-facebook-duopoly
Tapi jino lawetnya blockchain, model-model peukateunnyan hana payah le. Nyan awak beng hana le tapeurle. Keupu taja peukaya jih. Jadi blockchain nyo nakeuh sistem yang hanale dipakek awak ke 3 untuk peukaranyan. Sep si tukang kirem peng manteng ngon si tukang teurimong kameumada.
Ngon sistem blockchain nyo gata jeut kirem peng lewat akun manteng. Miseu neupakek bitcoin, gata jeut kirem ho yang galak dan pajan yang suka, hana meuceh neujak poh 8 beungoh neujak antri bak beng. Tinggal neu teugon hp kabereh. Tapi adak pih meunan bek ragu neuh, sabab catatan kireman ata droneuh nyan dituleh bak mandum komputer parte geng bitcoin. Jadi jai that komputer nyan hanjeut dijak heck le pancuri, sabab meunyo diheck paya diheck mandum. Teuman boh pane mungken jeut dijak heck mandum.
Jadi sistem blockchain nyo mudah-mudahan that aman meunyo tabandeng ngon sistem beng yang na uronyo. Lheuhnyan lom, peukara yum peng kripto nyan hanjeut dijak atoe le negara. Hanjeut dijak atoe galak-galak awaknyan. Meunyo beng nyan dijih dikontrol le saboh-saboh pihak, tapi blockhain nyo hana lageenyan. Blockchain nyo hana dimonopoli le saboh-saboh geng, tapi rame-rame. Nyan meunan.
Lheuhnyan lom lam blockchain nyo hanjeut dijak korupsi le parte pancuri sabab dijih leumah dikalon le mandum ureung teumasok geutannyo. Jadi ubena sejarah riwayat nyan mandum jeut talacak, hanjeut dijak som lage model awak beng.
Kajeut meunan dile. Nyo pasti awak gata kamumang. Sabab di Tuwanku pih ka meuhi mumang bak meupeujelaih peukaranyo keu gata mandum.
Asai gamba: https://www.code-brew.com/2017/12/30/blockchain/
Asai Aso:
https://www.andryo.com/id/blockchain/
https://idcloudhost.com/mengenal-apa-itu-teknologi-blockchain/
@tuwanku-raja bakte lon sang ka rangkap jabatan seulawet nyoe. Meuntroe trang peutrang sang ka geupeucat atawa ka geutinggai tanyoe, hingga @tuwanku-raja payah cok but nyan dan peulaku keudroe.
Tapi na jroh cit, nyan peutanda @tuwanku-raja to that ngon rakyat dan memang meurakyat. Pu beurangkapu peugah langsong keudroe. Hana payah pakek ajudan atawa mentroe sare.
Nyan Kewajiban Tuwanku Raja
Bereh that njan pohting @tuwanku-raja, teuma sinan bak blokchain njan lom beuteugoh2 chit bak takirem beulanja, bek sagai2 kiwing chikok tatuleh 'alamat ngeon nan meusaboh lumboi ngeon hurof, saweub hinan hanjeut lee ta cuntrol ZET,,,hehe
Munurot lon tuan tupu blockchain nyan....
Tempat kirem meu kirem......,,,,
Nyemenan?
Hana that lon teupue lom, enteuk lon baca, nyoe teungoh na buet bacut :)
Haha. Tanyong bak Tuwanku nak meuphom
Seb brat galak bak lon baca haba peutrang dari @tuwanku-raja. That get keu peulajaran neubeut ulon bak seupot uroenyoe.
Piyoh-piyoh katrok u istana, neu saweu-saweu Tuwanku
Selamat! Posting anda masuk peringkat 10 kategori Tulisan Dengan Bayaran Terbanyak, di 10 Besar Tulisan Hari Ini di https://steemit.com/peringkat/@puncakbukit/10-besar-tulisan-hari-ini-rabu-25-april-2018 ..
pukajok lonk kosong, alah hai apa syam. Bek kajak meucuca bak Tuwanku Raja