မြန်မာ့ဂုဏ်ဆောင် လက်ဝှေ့ကျော်မောင်သောင်း

၁၉၄၇ ခုနှစ် ဧပြီလ ၁၇ ရက်နေ့ည အင်္ဂလန်နိုင်ငံ၊
လန်ဒန်မြို့ တိုရန်တို အားကစားကွင်းကြီးရဲ့
ပေ (၂၀) ကြိုးဝိုင်းအတွင်း ဖြစ်၏။

မြန်မာလူမျိုးကိုယ်စားပြုလက်ဝှေ့ကျော် မောင်သောင်းနှင့်
အင်္ဂလိပ်လူမျိုးကိုယ်စားပြု က အင်္ဂလန်ပြည်
လိုက်ဝိတ်တန်း ချန်ပီယံ ဒေါက်ဂလပ်စမင် ဖြစ်ပါ၏။

အရင်ဆုံး မြန်မာလက်ဝှေ့ကျော်
မောင်သောင်းအကြောင်းကို အနည်းငယ်
မိတ်ဆက် ရမည်ဆိုလျှင် ..

မောင်သောင်းကို ဖခင် ဦးဖိုးခင် (ရဲဝန်ထောက်) နှင့်
အမိ ဒေါ်စိန်တို့က ၁၉၁၇ ခုနှစ် ၁၆ ရက်
ကြာသပတေးနေ့မှာ မွေးဖွားခဲ့သူဖြစ်ပြီး
နေထိုင်ခဲ့တာက အမှတ် (၈)၊ ကနေဒီလမ်း၊
ရန်ကုန်မြို့မှ ဖြစ်ပါသည်။
အသက်၁၀နှစ်မှစ၍ လက်ဝှေ့ထိုး စလေ့ကျင့်ခဲ့ပြီး
၉တန်းနှစ်၌ မြန်မာကျောင်းသားတစ်ယောက်အား
အင်္ဂလိပ် ကပြား၃ယောက်က ဝိုင်းထိုးနေသည်ကို
ဝင်ရောက်ကူညီပြီး ထိုကပြား ၃ ယောက်ကို မထနိုင်အောင်
ထိုးခဲ့သဖြင့် ကပြားကျောင်းအုပ်ဆရာကြီးမှ
ကျောင်းထုတ်ခဲ့လေ၏။
ထိုအချိန်က မြန်မာနိုင်ငံတွင် မြန်မာလူမျိုးများ
စစ်မှုထမ်းခွင့်၊ လက်ဝှေ့ထိုးသတ်ခွင့်မရှိပေ။
ထို့ကြောင့် အိန္ဒိယသို့သွားရောက်ခဲ့ပြီး
ငွေကြေးမတတ်နိုင်သဖြင့်
၁၉၄၁ခုနှစ်တွင် S.S. BUIMR အမည်ရှိသင်္ဘော၌
ငွေကြေးမရှိသဖြင့် မီးထိုးသမားအဖြစ် ဆောင်ရွက်၍
ဘုံဘေသို့သွားရောက်ခဲ့ပြီး
ဘုံဘေရှိ ကြေးစားလက်ဝှေ့အဖွဲ့ပိုင် ကလပ်များ၌
လက်ဝှေ့ပညာကို ဆက်လက်သင်ယူခဲ့လေသည်။
ထိုနှစ်၌ပင် မောင်သောင်းတစ်ယောက်
ဖယ်သာဝိတ်တန်းမှ အိန္ဒိယလက်ဝှေ့ကျော်
အာ(ရ်)ကေဒေး (R.K.DEY) နှင့် ပထမဆုံး ထိုးသတ်ခဲ့ရပြီး
မထိုးခင် အင်တာဗျူး၌ပင်ပထမဆုံးပွဲအဖြစ် ထိုးသတ်မည့်
မောင်သောင်းက
လက်ဝှေ့ပွဲပေါင်း (၃၀) ကျော်ထိုးထားပြီး
(၂၅) ပွဲကိုအလဲထိုးထားသည့် အာ(ရ်)ကေဒေးကို
ပထမအချီ၌ပင် အလဲထိုးမည်ဟု ပြောဆိုခဲ့သည်။
၎င်းပြောဆိုသည့်အတိုင်းပင်
ပွဲစပြီး ၁မိနစ်ကျော်အကြာ၌ အာ(ရ်)ကေဒေးအား
ညာဖြတ် (Right Cross) လက်သီးဖြင့်
အမှောက်ထိုးပြီး အနိုင်ယူခဲ့သည်။
(စကားချပ် - ယင်းပွဲမှာ ၃ မိနစ်ထိုး၊ ၂ မိနစ်နားဖြင့်
(၆)ချီပွဲဖြစ်သည်။)
ထိုနှစ်၌ပင် ၀ါရင့်ကြေးစား လက်ဝှေ့ကျော်များဖြစ်သော
ဘိရွိုင်းကို ဒိုင်ပွဲရပ်ဖြင့်လည်းကောင်း၊
အေမာနွတ်(စ်) နှင့် အီပီပေါ(လ်)ကို
အလဲထိုးဖြင့်လည်းကောင်း
မောင်သောင်းမှ ဆက်လက် အနိုင်ယူခဲ့သည်။

၁၁. ၉. ၄၁ တွင် ၀ါရင့် ကမ္ဘာ့လက်ဝှေ့ကျော် SAIBANSING နှင့်
ကာလ်ကတ္တားမြို့၌ (၁၀)ချီပွဲ ထိုးရာ မောင်သောင်းက
ဒုတိယအချီတွင် အလဲထိုးခြင်းဖြင့် အနိုင်ယူခဲ့သည်။

အတိုချုပ်အားဖြင့် မောင်သောင်းထိုးသတ်ခဲ့သော
လက်ဝှေ့ကျော်များမှာ
၁။ ဂျော်နီကတ်တလင်း (အင်္ဂလန်)
၂။ ဂျင်မီကော(သ်) (စကော့တလန်)
၃။ ဒိုင်စွန်ပေါင် (ထိုင်း)
၎။ ဂျိမာရှယ် (အမေရိကန်)
၅။ အီကစ်စင် (ကနေဒါ)
၆။ မစ်ကီဝေါလ်ကား (အမေရိကန်)
၇။ နိဂရိုး ဂန်းဘုတ်ဂျက် (အမေရိကန်)
၈။ မလင့်မလီယာနိုး (အမေရိကန်)
၉။ ဂျော့အဲလစ် (အင်္ဂလန်)
၁၀။ ကလဲယားလင့်ကပ် (အမေရိကန်)
၁၁။ ယန်းတာလီ (ဖိလစ်ပိုင်)
၁၂။ ဂိုင်းဒင်းဘွိုင်း (စင်ကာပူ)
၁၃။ အာ(ရ်)ကေဒေး (အိန္ဒိယ)
၁၄။ အယ်ဘိုးဝစ် (အိန္ဒိယ) တို့ဖြစ်သည်။
မောင်သောင်းသည်
ကြေးစားပွဲပေါင်း (၂၀၀) ကျော် ထိုးသတ်ခဲ့ပြီး
မောင်သောင်း၏ လက်သီးချက်ကြောင့်
နံရိုးကျိုး၊ မေးရိုးပြုတ်ပြီး လက်ဝှေ့လောကမှ
ရာသက်ပန် နားသွားရသူ (၆) ဦးအထိ ရှိခဲ့သည်။
ထိုအချိန်မှာပင်
အင်္ဂလန်၌လည်း ဒေါက်ဂလပ်စမင် အမည်ရှိ
ကမ္ဘာကျော်ကြေးစား လက်ဝှေ့သမားတစ်ဦး
ပေါ်ထွန်းနေသည်။
အင်္ဂလန်၌ သူ့ကိုယှဉ်ပြိုင်ဘက် မရှိတော့၍
တခြားနိုင်ငံက လက်ဝှေ့သမားများနှင့်
ထိုးနေရသော အချိန်လည်းဖြစ်သည်။
နောက်ဆုံး၌ မြန်မာ့သွေးသည်
အင်္ဂလိပ်တို့ထက် ပိုနီကြောင်း သက်သေပြလိုသော
မောင်သောင်းသည် အင်္ဂလန်ထိသွားရောက်၍
ဒေါက်ဂလပ်စမင်ကို စိမ်ခေါ်လေတော့သည်။
အိန္ဒိယ၌ အင်္ဂလိပ်လူမျိုး လက်ဝှေ့ကျော်တစ်ဦးကို
မျက်နှာတစ်ပြင်လုံး စုတ်ပြတ်သတ်အောင် ထိုးပြီး
အနိုင်ယူထားသော မောင်သောင်းကို
သွေးကြွေးဆပ်ချင်သဖြင့် ဒေါက်ဂလပ်စမင်က
လက်ခံလေတော့သည်။
ဤသို့ဖြင့် ဧပြီလ ၁၇ရက်နေ့တွင် လက်ဝှေ့သမားနှစ်ယောက်
ကိုယ်အလေးချိန်စစ်၊ ဆေးစစ်လက်မှတ်ထိုးပြီးနောက်
ပြသနာတက်ကြလေတော့သည်။
ကိစ္စအားလုံးပြီး၍ လက်ဝှေ့သမားနှစ်ယောက်
လက်ဆွဲနှုတ်ဆက်သောအခါ ဒေါက်ဂလပ်စမင်က
"ကျုပ် သူနဲ့လက်ဆွဲပြီး နှုတ်မဆက်နိုင်ဘူး။
ဒီလူဟာ မြန်မာလူမျိုး ဖြစ်တယ်။ မြန်မာလူမျိုးတွေဟာ
ကျုပ်တို့ အင်္ဂလိပ်လူမျိုးတွေရဲ့ ကျွန်ဖြစ်တယ်။
ကျွန်နဲ့ သခင်ဟာ လက်ဆွဲနုတ်ဆက်ရိုး ထုံးစံမရှိဘူး´"´

ဟု ဆိုကာ မောင်သောင်းလက်ကို ပုတ်ချလေတော့သည်။
မောင်သောင်း၏ လက်ဝှေ့မန်နေဂျာ ဂျိုးဇက်ဟင်နရီက-

"မင်း အဲဒီလိုပြောဖို့မသင့်ဘူး ထင်တယ်။ လူမျိုးရေးကို ထိခိုက်ပြီး
အကြောင်းမဲ့ ပြောတာဟာ အောက်တန်းကျလွန်းပါတယ်´´" ဟု
ဆိုသော်လည်း

ဒေါက်က
"ပြောသင့်လို့ပြောတာပဲ။ ကျုပ်တို့လူမျိုးတွေရဲ့ ကျေးကျွန်ဖြစ်တဲ့...´"´

ဒီမှာတင် မောင်သောင်းက-

``ဟေ့ကောင် မင်းပါးစပ်ကို ပိတ်လိုက်စမ်း။ ငါ့လူမျိုးနဲ့ ငါ့တိုင်းပြည်ကို
ထိပြီးမပြောနဲ့ ငါမခံဘူး။ တို့မြန်မာလူမျိုးဟာ ကျွန်လူမျိုးမဟုတ်ဘူး။
သခင်လူမျိုး၊ ဘုရင်လူမျိုးကွ။ မင်း ကောင်းကောင်းသတိထား၊
မင်းနဲ့ငါ ဒီနေ့ည သတ်ရမယ့်ပွဲဟာ ငါ့အတွက် ဒေါ်လာရဖို့
မဟုတ်တော့ဘူး။ ငါ့မြန်မာပြည်အတွက် သတ်မှာဖြစ်တယ်။"

စသည်ဖြင့် မောင်သောင်းက လက်ညှိုးထိုး၍ တုန့်ပြန်ပြောဆိုပြီး
တယောက်နဲ့တယောက် စားတော့မတတ် ရန်စောင်ကြလေတော့သည်။
ရောက်လာကြသော သတင်းထောက်များနှင့် ပရိတ်သတ်များမှာလည်း
အုတ်အုတ်ကျတ်ကျတ် ဖြစ်တော့သည်။

အထက်ပါကဲ့သို့ အခြေအနေကို ထိန်းသိမ်းရန်
ကြေးစား လက်ဝှေ့ပွဲသွင်းသူ မစ္စတာ ဟူးဘက်(ဒ်)စတုန်းနှင့်
ဘေးလူများ ၀င်ရောက် တောင်းပန်လေတော့သည်။

သို့သော် မောင်သောင်းအနေဖြင့်
"မြန်မာလူမျိုးတွေဟာ အင်္ဂလိပ်ရဲ့ ကျွန်´"
ဟူသော စကားသည်
သူ၏နှလုံးသားကို အားပါးတရ အထိုးခံရသကဲ့သို့
နာကြည်းသွားလေပြီ။
မည်သူ၏ တောင်းပန်မှုကိုလည်း လက်မခံနိုင်တော့။

ထိုကြောင့် ၀ိုင်းအုံနေသော သတင်းထောက်များ၊
အင်္ဂလိပ်လူမျိုးများကို တစ်ချက်ဝှေ့ကြည့်ပြီး

★ ``ခင်ဗျားတို့ အင်္ဂလိပ်တွေဟာ လက်နက်အားကိုးနဲ့ အနိုင်ကျင့်ပြီး
မြန်မာပြည်ကို စစ်(၃)ခါတိုက် သိမ်းပိုက်ခဲ့တယ်။
မြန်မာတွေဟာ သတ္တိကောင်းပေမယ့် လက်နက်မကောင်းလို့
အင်္ဂလိပ်တွေကို အရှုံးပေးခဲ့ရတယ်။ ဒီနေ့ည ထိုးသတ်မယ့်
လက်ဝှေ့ပွဲဟာ အင်္ဂလိပ် - မြန်မာ စတုတ္ထစစ်ပွဲပဲ။
ဒီနေ့နိုင်တာကမှ တရားသဖြင့် နိုင်တာဖြစ်မယ်။
မင်းတို့အင်္ဂလိပ်လူမျိုး လက်ဝှေ့သမားကို
ဥပဒေဘောင် စည်းမျဉ်းထဲကအတိုင်း အင်္ဂလန်နိုင်ငံ
အင်္ဂလိပ်လူမျိုးတွေရှေ့မှာ အသေထိုးပြပြီး
မြန်မာတွေရဲ့ ဂုဏ်သိက္ခာကို ပြန်ဆည်ပြမယ်´´★

ဟူ၍ ရဲရဲတောက်တောက်စကားကို စိန်ခေါ်
ပြောဆိုလေတော့သည်။

အရပ် ၅ပေ ၆လက်မပဲရှိတဲ့ လူပုလေးမြန်မာမောင်သောင်းက
အရပ် ၆ပေရှိတဲ့ အင်္ဂလန် လိုက်ဝိတ်တန်းချန်ပီယံကို အင်္ဂလန်မြေ
အင်္ဂလိပ်လူမျိုးတွေရှေ့မှာ အသေသတ်ပြမည် ဆိုသည့်
ကြေငြာချက်ကို သတင်းစာထဲထည့်လိုက်ရာ
၁၉၄၇ ဧပြီ ၁၇ရက်နေ့ညမှာ လန်ဒန်မြို့ တိုရန်တိုလက်ဝှေ့ရုံကြီး
လူ ၃၀၀၀၀(သုံးသောင်း)ကျော်ဖြင့်ပြည့်ညက်ပြီး
လန်ဒန်မြို့သားတွေ အလုပ်တွေပစ် လက်ဝှေ့ရုံထဲ
စိတ်ရောက်နေကြပါတော့တယ်။
ကြိုးဝိုင်းဆီ ဒေါက်ကလပ်စမင်လမ်းလျှောက်ဝင်လာတာနဲ့
အင်္ဂလိပ်ပရိတ်သတ် ၃၀၀၀၀ရဲ့အားပေးသံက ကွင်းပွင့်လုမတတ်ပါ။

မောင်သောင်းလည်းဝင်လာရော
အားနာပါးနာ လက်ခုပ်တီးသူတောင် မရှိခဲ့ပါဘူး။
မောင်သောင်းက ကြက်သွေးရောင် ကတ္တီပါဝတ်ရုံကြီး ခြုံပြီး
ဝင်လာကာ ဝတ်ရုံပေါ်မှာ မြန်မာမောင်သောင်း လို့အင်္ဂလိပ်လိုရေးထိုးပြီး
မြန်မာ့ဒေါင်းအလံကို အစိမ်းရင့်ရောင် အဝါရောင်တို့ဖြင့် ပုံဖော်ထားပါတယ်။

ပွဲစ၍ လွှတ်လိုက်သည်နှင့် မောင်သောင်းက
ဒေါက်ဂလပ်စမင်၏ အသည်းနှင့် ကျောက်ကပ် တည်နေရာကိုသာ
သဲသဲမဲမဲ လိမ့်ထိုးလေတော့သည်။
ပြင်းထန်သော လက်သီးအားကြောင့် ဒေါက်ဂလပ်မှာ
ထိမိလေတိုင်း ရှုံ့မဲ့သွားပြီး အတွေ့အကြုံရ ထိချက်များလာလျှင်
နံရိုးကျိုးမည်ကို မောင်သောင်းက သိနေလေသည်။
ဤသို့ဖြင့် ဘတစ်ပြန် ကျားတစ်ပြန်ဖြင့် ထိုးသတ်ရင်း
အချိန်စေ့၍ ပထမအချီ ပြီးလေသည်။
ဒုတိယအချီ၌ မောင်သောင်း၏ ညာပင့်လက်သီးက
ဒေါက်ဂလပ်၏ အသည်းနှလုံးနေရာကို ကောင်းစွာထိမိရာမှ
ဒေါက်ဂလပ်လဲကျသွားပြီး ကြိုင်းဝိုင်းဒိုင်က အမှတ်စဉ်ရေရာ
(၈)ရောက်မှ ပြန်ထလာနိုင်ခဲ့လေသည်။
ထိုနောက် ဒေါက်ဂလပ်မှာ ခံစစ်ဖြင့် ခုခံကာကွယ်ရင်း
ဒုတိယအချီကို ပြီးဆုံးစေခဲ့လေသည်။
တတိယအချီနှင့် စတုတ္ထအချီတွင်မူ ဒေါက်ဂလပ်က လက်ရည်သာခဲ့ပြီး
ပဉ္စမအချီတွင် မောင်သောင်း၏မေးရိုးကို ထိမိ၍
မောင်သောင်းလဲကျခဲ့ကာ အမှတ်စဉ် (၄) တွင်
ပြန်ထလာနိုင်ခဲ့သည်။
စတုတ္ထအချီပြီးခါနီးတွင် ဒေါက်ဂလပ်၏ မျက်ခုံးပေါက်ပြဲပြီး
သွေးစိမ်းကျလာပြီး ၎င်းအချီ၌ ဒေါက်ဂလပ်မှာ အထိနာခဲ့သော်လည်း
မောင်သောင်းက အမှတ်ဖြင့် ရှုံးလေသည်။
ဆဋ္ဌမအချီ လွှတ်လွှတ်ချင်းတွင် မောင်သောင်းက ခပ်ရဲရဲဝင်သတ်ပြီး
ပူးမိသည်တွင် ဘယ် ညာ ပင့်လက်သီးဖြင့် အားပါးတရထိုးလိုက်ရာ
ဒေါက်ဂလပ်မှာ ကြိုးတန်းပေါ်တွင် လန်နေပြီး နံဘေးနှစ်ဖက်ကို
မောင်သောင်းက ဆက်ဖိထိုးလေသည်။ Combination ခေါ်
ပူးတွဲဆင့်လက်သီးချက်ကို ဆယ်လုံးလောက် ဆက်တိုက်ထိုးပြီး
နောက်ဆုတ်လိုက်သည်တွင်
အင်္ဂလန်ချန်ပီယံကြီး ကြမ်းပြင်သို့ ကုန်းနမ်းလေတော့သည်။
ယင်းအချိန်တွင် ဂျူရီအဖွဲ့မှ အချိန်မစေ့ဘဲ ခေါင်းလောင်းတီးခြင်းဖြင့်
ညစ်ခဲ့သော်လည်း မောင်သောင်း အနိုင်ရလိုက်သည်။
သတ္တမအချီ၌လည်း မောင်သောင်းက အတင်းဝင်ပူးကပ်သတ်ကာ
ဒေါက်ဂလပ်က အပူးမခံလို၍ ၀ိုင်းလည်တွင် ရွေ့ပြောင်းကာ
ခံစစ်မှ ထိုးလေသည်။ ၎င်းအချီပြီးခါနီး၌ ထောင့်တနေရာတွင်
မောင်သောင်း၏ ဘယ် ညာ ပင့်လက်သီးမိပြီး ဒေါက်တစ်ယောက်
ဒူးညွှတ်ကျသွားသော်လည်း ပွဲပြီးခေါင်းလောင်းက ဒေါက်ကို
ကယ်လိုက်ပြန်လေသည်။
အဋ္ဌမအချီ လွှတ်လျှင်လွှတ်ချင်း မောင်သာင်းက အတင်းတရကြမ်း
ဝင်ထိုးလေသည်။ ဒေါက်ဂလပ်ကလည်း သူ့သေမင်းနံဘေး
နှစ်ဖက်ကို လက်မောင်းဖြင့် ကာကွယ်လေသည်။
ဤသို့ဖြင့် အဋ္ဌမချီစ၍ (၂) မိနစ်ခန့်တွင် ဒေါက်ဂလပ် ကြိုးဝိုင်းထောင့်၌
ပိတ်မိနေ၍ မောင်သောင်းက ဖိထိုးနေစဉ်အတွင်း အလစ်တွင်
ဒေါက်ဂလပ်၏ ညာပင့်လက်သီးတစ်ချက်ကို ပင့်ထိုးလိုက်သည်တွင်
မောင်သောင်း၏ နှာခေါင်းသို့ တိုက်ရိုက်ထိလေတော့သည်။
ဒီတွင် ဒေါက်ဂလပ်က ဘယ်ထောက်လက်သီး နှစ်လုံးနှင့်
ညာဖြတ်တစ်လုံးပါ ထိုးလိုက်ရာ ကြမ်းပြင်ပေါ်သို့ မောင်သောင်း
ခွေကျလေတော့သည်။
ဒေါက်၏ထိုးချက်မှာ ခံနိုင်ရည်မရှိသူဆို မေ့လျှင်မေ့၊ သေလျှင်
သေလောက်နိုင်သောလည်း စိတ်ဓာတ်ပြင်းထန်သော မောင်သောင်းက
ဒိုင်အမှတ်မရေခင်ပင် ချက်ချင်းခုန်ထလိုက်သဖြင့် ဒေါက်ဂလပ်ပင်
အံ့သြလေးစား သွားရလေသည်။
သို့သော် အချိန်စေ့သွားသဖြင့်
မောင်သောင်းလည်း ကံကောင်းသွားရလေသည်။
န၀မအချီ လွှတ်လွှတ်ချင်းတွင် ဒေါက်က ကျားနာခဲသလို
အရင်ဝင်ထိုးပြီး မောင်သောင်းက ခုခံကာကွယ်ရင်း
ဒေါက်၏ နံဘေးနှစ်ဖက်ကို အားကုန်ထိုးလေတော့သည်။
အားပါလှသော ဆင့်လက်သီး လေးငါးလုံးကို ဆက်ကျုံးလိုက်သည်နှင့်
ဒေါက်ဂလပ်တစ်ယောက် နောက်သို့ လန်သွားလေတော့သည်။
အတွေ့အကြုံ ရင့်နေပြီဖြစ်သော မောင်သောင်းက နောက်ထပ်
ဆင့်တွဲလုံးများကို ဒေါက်၏ နံဘေးနှစ်ဖက်ကို ဆက်တိုက်
ထိုးလွှတ်လိုက်သည့်နောက်ဝယ် အင်္ဂလိပ်လူမျိုးတို့၏
လက်နှစ်ဖက်မြောက်လျက် လဲခွေကျသွားလေတော့သည်။
ကြိုးဝိုင်းဒိုင်က မသာယာသော မျက်နှာအနေအထားဖြင့်
အမှတ်စဉ်ကို ရေတွက်လေတော့သည်။
ယင်းအချိန်၌ ပရိတ်သတ်များက
``ဒေါက်ဂလပ် ထ၊ မြန်မြန်ထ´´ ဟု အားပေးလှုံ့ဆော်သော်လည်း
ဒိုင်လူကြီး၏ လေးလံသော အမှတ်စဉ်ရေတွက်မှုသာ (၁၀) ထိ
ရောက်ရှိခဲ့ပြီး ဒေါက်မှာ လုံးဝ ပြန်မထနိုင်တော့ဘ
ဲ ရှုံးနိမ့်သွားခဲ့လေပြီ။
အဲဒီမှာ ပရိတ်သတ်တွေက မောင်သောင်းကို သတ်မယ်ဆိုပြီး
လက်ဝှေ့စင်ပေါ်တက်ဖို့ကြိုးစားကြလို့ ရဲတွေက
လက်ချင်းချိတ် တားထားခဲ့ရ၏။ မောင်သောင်းကတော့
အောင်နိုင်သူအပြုံးနဲ့ အင်္ဂလိပ်တွေကို ကြည့်နေလိုက်ပါတယ်။
အင်္ဂလိပ် သူရဲကောင်းကြီး မြန်မာမောင်သောင်းရှေ့ဒူးထောက်ခဲ့ရပြီ မဟုတ်ပါလား။
နောက်တစ်နေ့ လန်ဒန်မြို့ The Evening News နဲ့ Sports News
သတင်းစာတွေမှာ

"အသေသတ်တဲ့ မြန်မာမောင်သောင်း။
ချန်ပီယံ ဒေါက်ဂလပ်စမင် သေဆုံးရှာ။´"

သတင်းပါလာပါတယ်။ ဒေါက်ဂလပ်စမင်ကို
လန်ဒန်ဆေးရုံက အရေးပေါ် ခွဲစိတ်ကုသခဲ့သော်လည်း
နံရိုးနှစ်ချောင်း ကျွံဝင်သွားပြီး အဆုတ်ကွဲသွားသဖြင့်
ည ၁၀နာရီ ၄၅ မိနစ်မှာ ဆုံးသွားကြောင်း ပါလာသဖြင့်
အင်္ဂလန်တစ်နိုင်ငံလုံး ဝမ်းနည်းပူဆွေးခဲ့ရလေတော့သည်။

မြန်မာမောင်သောင်းကတော့ သတင်းထောက်တွေရဲ့ အင်တာဗျူးမှာ
ဒီလိုဖြေခဲ့ပါတယ်။

``နယ်ချဲ့အင်္ဂလိပ်ကို တို့မြန်မာတွေ လက်နက်ချင်းမတူမျှလို့
စစ်ရှုံးခဲ့ရပေမယ့် နယ်ချဲ့အင်္ဂလိပ်နဲ့ငါ တစ်ယောက်ချင်း တူညီတဲ့
လက်အိတ်ကို စွပ်ပြီး ပေ ၂၀ ကြိုးဝိုင်း စစ်တလင်းမှာ
စစ်ခင်းရာမှာတော့ အင်္ဂလိပ်တွေ ငါ့ကို ဒူးထောက်စမြဲပါ။
ငါ့ လူမျိုးနဲ့ ငါ့တိုင်းပြည်ကို ကျွန်လုပ်ထားတဲ့ အင်္ဂလိပ်တွေနဲ့
ကြိုးဝိုင်းထဲမှာတွေ့ရလေတိုင်း ငါ့အရိုးတွေ ကွဲကွဲ၊
ငါ့အသားတွေကြွေလို့ ငါ့အသက်ပင်သေပါစေ
တစ်လက်မမှ မဆုတ်တမ်း ငါတိုက်ပွဲဝင်မယ်လို့ ဆုံးဖြတ်ထားတယ်။
အဲဒီဆုံးဖြတ်ချက်ကို သေသည်အထိငါမပြင်´´
ဟု ပြောကြားခဲ့လေသည်။

မောင်သောင်းသည် မတရားနည်းဖြင့်သာ မြန်မာတို့ ကျွန်ဖြစ်ရသည်။
တရားနည်းလမ်းကျပါက ကျွန် လုံးဝမဖြစ်နိုင်ကြောင်းကို
အင်္ဂလန်ပြည် အင်္ဂလိပ်လူမျိုးတို့၏ ရှေ့တွင် ထိုးသတ်မည့်
လက်ဝှေ့ပွဲ၌ အင်္ဂလိပ် - မြန်မာ စတုတ္ထစစ်ပွဲဖြစ်ကြောင်း
ရဲရဲတောက် စိမ်ခေါ်ပြောကြားပြီး မြန်မာ့သတ္တိနှင့် စွမ်းရည်ကို
အမျိုးသားစိတ်ဓာတ် ပြင်းထန်စွာဖြင့် အသွေးနှင့်အသက်ကိုရင်းပြီး
သက်သေပြခဲ့လေတော့သည်။

(မှတ်ချက် ။ ၁-၉-၇၈ ရက်နေ့ထုတ် စန္ဒာမဂ္ဂဇင်းမှ
ရွှေဘို ဘာမထီခင်အောင်၏ ဆောင်းပါးကို မှီငြမ်းရေးသားထားသော
မေတ္တာရှင် (ရွှေပြည်သာ)၏ အင်္ဂလိပ်-မြန်မာ စတုတ္ထစစ်ပွဲ
ဝတ္ထုတိုကို ကောက်နုတ် ဖော်ပြခြင်းဖြစ်ပါသည်။)

မျိုးချစ်စိတ်ဖြင့် မိမိအမျိုးအနွယ်ကို
မိမိတတ်သော ပညာရပ်များဖြင့်
ကာကွယ် စောင့်ရှောက်နိုင်ကြပါစေလို့ ဆုတောင်းရင်း .

ခရက်ဒစ် ....မူရင်း
#Poe Nyan ထံမှ ကူးယူတင်ပြပါသည်

ကိုလိုနီခေတ်က လက်ဝှေ့ကျော်မောင်သောင်း

မြန်မာ့ဂုဏ်ဆောင် လက်ဝှေ့ကျော်မောင်သောင်း