چیف جسٹس آف پاکستان نے گزشتہ روز ایک کیس کی سماعت کے دوران اپنے ریمارکس میں بتایا ہے کہ وطن عزیز میں2ڈیم بنانے پر اتفاق رائے ہوگیا ہے ان آبی ذخائر کیلئے فنڈز کی فراہمی سے متعلق چیف جسٹس میاں ثاقب نثار کا یہ بھی کہنا ہے کہ قرضہ معافی کیس میں وصول ہونیوالی رقم استعمال میں لائی جائیگی قرضہ معافی کیس میں بعض کمپنیوں نے75فیصد رقم واپس کرنے پر آمادگی ظاہر کردی ہے اس مد میں مجموعی طورپر54ارب روپے کی ریکوری متوقع ہے عدالت عظمیٰ کا کہنا ہے کہ نادہندگان کے کیسوں میں دوسرا آپشن کیس بینکنگ کورٹ جانے کا ہے جو صرف3روز میں فیصلہ کرے گی اس ضمن میں یہ بھی کہا جارہا ہے کہ بینکنگ کورٹس جانے والے کیسوں میں متعلقہ افراد کی جائیدادیں کیس سے منسلک کردی جائینگی اور کورٹ کے فیصلے تک معاف کرائی گئی رقم عدالت میں جمع کروانا ہوگی اس میں کوئی دوسری رائے نہیں کہ وطن عزیز میں یکے بعد دیگرے برسراقتدار آنیوالی حکومتوں نے آبی ذخائر پر مطلوبہ توجہ مرکوز نہیں کی کسی ڈیم کو سیاسی اختلاف کے باعث فائل میں بند کردیاگیا تو کسی اور کیلئے سرجوڑ کر فیصلے کرنیکا وقت ہی نہیں نکالاگیا بات یہاں تک پہنچی کہ عالمی ادارے قلت آب سے متعلق وارننگ جاری کرنے لگے ۔
دوسری جانب کھربوں روپے کے بیرونی قرضوں تلے دبی اور اندرون ملک تجارتی خسارے اور دیگر بدانتظامی کی شکار معیشت میں اربوں روپے کے قرضے ہڑپ کرلئے گئے بینکوں اور حکومتی اداروں کا سارا زور تعلیم اور دوسری ضروریات کیلئے دوچار لاکھ روپے قرضہ لینے والوں سے ریکوری پر رہاکیونکہ یہ سادہ لوح شہری قرض ہڑپ کرنے کا طریقہ نہ جانتے تھے خواتین کے چند ہزار روپے کے عوض بینکوں میں پڑے زیورات تو باقاعدگی کیساتھ نیلام ہوتے رہے تاہم اربوں روپے دبا کر شاندار گاڑیوں میں گھومنے والوں کو کسی نے نہ پوچھا اس ساری صورتحال میں آبی ذخائر سمیت انتہائی اہمیت کے حامل معاملات بھی نظرانداز ہوگئے غریب ہر مشکل کاشکار ہوتارہا اور نوازا ہوا طبقہ اپنے اثاثے بڑھاتا رہا وقت آگیا ہے کہ تمام سٹیک ہولڈر ماضی کی غلطیوں کا ازالہ کرنے کیساتھ مستقبل کی حکمت عملی طے کریں بصورت دیگر ہماری اکانومی بری طرح متاثر ہوگی اور قلت آب کیساتھ جڑے مسائل مزید شدت اختیار کرتے جائینگے۔
مہاجرین کے قیام میں توسیع
وفاقی کابینہ نے افغان مہاجرین کے پاکستان میں قیام کی مدت مزید تین ماہ بڑھا دی ہے اس مدت میں مزید توسیع کا معاملہ اگلی حکومت پر چھوڑ دیا گیا ہے کابینہ کے فیصلے کی روشنی میں مدت قیام میں توسیع کی سہولت صرف رجسٹرڈ افغان مہاجرین کو حاصل ہوگی توسیع کا فیصلہ درست یا غلط ہے اس بحث میں پڑے بغیر اس سے جڑے دیگر دیگر معاملات توجہ کے متقاضی ضرور ہیں ان میں سے ایک خیبرپختونخوا کے انفراسٹرکچر پر مہاجرین کے باعث مرتب ہونیوالا بوجھ ہے صوبے میں خدمات کے ادارے پہلے ہی آبادی کے دباؤ اور وسائل کی کمی کے باعث مشکلات کاشکار ہیں افغان مہاجرین کو مدت قیام میں توسیع دینے کیساتھ ضروری ہے کہ خیبرپختونخوا کی صورتحال کو مدنظر رکھتے ہوئے خصوصی فنڈز جاری کئے جائیں یہاں کے تمام سٹیک ہولڈر اداروں سے مہاجرین کے قیام سے متعلق مشکلات کا پوچھا جائے اور انکے حل کیلئے موثر اقدامات اٹھائے جائیں۔
Congratulations @bilalkirmani! You received a personal award!
You can view your badges on your Steem Board and compare to others on the Steem Ranking
Do not miss the last post from @steemitboard:
Vote for @Steemitboard as a witness to get one more award and increased upvotes!