Macam Piasan Lam Buleun Puasa

Idroekuh hireun, kadang cit han ek lon seumike, lam bulen puasa macam lagei dum ureung takalon, na yang update status bak fesbuk cara peugot eh bate, peugot teh dingin, cara peugot eh teler, pue tingoh mumang atau pu tingoh di peupungoe pungoe droe ngak bek payah puasa. Pue di meuayang bak bab ie lupie tingoh cot uroe timang, hawa di gob-gob hana ditupue sapue, meunye rhoh ku buka puasa uap gara gara ku kalon resep es teler bak fesbuk kiban? Pue ek netem tanggong jaweb?

Yang gura lom na aneuk muda di jak kheun keu ulama yang kon-kon sabab hana setuju wate ulama peugah sembahyang taraweh 8 rakaat nyan bidah, adak meudeh menyoe hana setuju kon jeut di peugah secara sopan beradab dan beretika, geu peugah lei tungku tuboh ulama nyan meu racon, maksud meuracon kon tajak pajoh asoe tuboh ulama lheh nyan mate teuh, tapi maksud disinoe na keuh bek sagai sagai ta peubroek ulama, sabab ulama warisatul ambiya, soe barang kasoe yang beubroek ulama masa lam donya, singoh tanggong keudroe bak uroe dudoe. Ata ladom aneuk muda na ilme bacut ka embong, sang sang droe paleng beutoi, ata gob puebuet salah bamandum, makajih hana salah meunyoe na peraturan pileh pimpinan yang ka umu 40 thoen u wateuh, pue laen ka dewasa ka tuha, ka leu geuseumike wate geupeugah haba, kon geu pelheuh su laju kiban galak droe, abeh teupeh hate gob man sabohnyan, ureung eumbong jangan kan di kalon lei gob, meu binatang luat di kalon geutanyoe menyoe embong.

Ilme nyan nur (cahaya) , dan nur Allah han akan geubri keu ureung yang pubuet maksiet, emboeng nyan salah sboh katagori buet maksiet, jadi menyoe na ureung yang meu ilme tapi embong dan hana adab, bisa jadi ilme yang geutuntut nyan salah. Idroe kuh ilme cit ka tan, jadi ku ikoet mantong pue yang teungku peugah, menyoe hana meuphon masalah agama tanyoeng bak tengku, bek bak google, ata lawetnyoe ladom geutanyoe cit ka mangat teumanyoeng bak google, kon kupeugah google hana beutoi, menyoe tatume link yang beutoi ya Alhamdulillah, tapi menyoe ta tume link hana beutoi, rhoh ta pateh, ka rhoh ta pubuet ata salah enteuk, nyan menyoe droe teuh mantong yang salah hana that bahaya, tapi rhoh tapeutroeh bak gob ata yang salahnyan dan di pateh pue yang ta peugah, nyan yang bahaya.

Na lom model ureung lam bulen puasa nyoe, di rumoh puasa, troh lam lampoh soh geu seumajoh pu yang na, ladom cit dipakat ngon lom, supaya na yang tem taguen mie ngon rhah pingan, wate na ureung gampong kalon, ka geupeugah droe saket pruet, ciret, wate ta kalon cupe mie sep jai campli cina, man ek ta pateh. Kecuali geupeugah droe ka pungoe, nyan laen calitra, menyoe geupeugah droe han sep umoe pat tajak pateh, bule bansaboh tuboh ka ditimoh, takalon ruman katuha jih ngon yah. Puasa nyan ibadah rahasia, hana soe tupue tanyoe na tapuasa atau hana, menyoe na Alhamdulillah, menyoe hana cuma Allah dan droe teuh yang tupue, ureung laen pane dijak tupue kecuali ka kepergok wate pajoh bu cot uroe. Puasa wajeb ateuh ureung islam, baliq dan berakal. Jadi hana di deng wajeb bak aneuk mit atau ureung pungoe. Menyoe ka aqil baliq tapi hana dipuasa, berarti 11 12 ngon ureung pungoe. Laen pue tapeugah teuma.

Na lom ureung, asai malam geumeujaga bak keude kupi, lheh suboh baro geu eh sampe rab jeut wate buka puasa, sep hek geuh bak geu eh, hana geuteume istirahat meusiminet. Geupeugah teuk bak tanyoe bahwa gobnyan mangat that puasa, hana geurasa deuk meubacut, beuh kiban cara tarasa deuk menyoe gadoeh lam tika eh, bak geu pike eh nyan ibadah, si uroe supot geu eh beudoh wate buka.

Kasep sampoe disinoe lon teumuleh, dan nyoe kon lon kheun keu gob, tapi nyoe lon kheun keu droekuh sebagai bahan peuingat bek sampe lon lagenyoe sabe, beunalah perubahan lam bulen mulia nyoe, jadi lon lake meuah menyoe na kata kata yang hana berkenan. Wassalam..

Terima kasih buat semua rekan-rekan steemit yang telah meluangkan waktu mengunjungi blog saya, semoga sukses menyertai kita semua. Amiin

vote @good-karma sebagai witness anda

Hormat saya, @hericopter

Congratulations! This post has been upvoted from the communal account, @minnowsupport, by hericopter from the Minnow Support Project. It's a witness project run by aggroed, ausbitbank, teamsteem, theprophet0, someguy123, neoxian, followbtcnews, and netuoso. The goal is to help Steemit grow by supporting Minnows. Please find us at the Peace, Abundance, and Liberty Network (PALnet) Discord Channel. It's a completely public and open space to all members of the Steemit community who voluntarily choose to be there.

If you would like to delegate to the Minnow Support Project you can do so by clicking on the following links: 50SP, 100SP, 250SP, 500SP, 1000SP, 5000SP.
Be sure to leave at least 50SP undelegated on your account.