Good morning my country people. How una dey? I'm fact how una take dey manage for this period wey the price of SBD and steem dey break man pikin heart anyhow. Many of us don't dey lose how I know but make una no forget say no be the first time wey dis kind thing dey happen be this and e no go still be the last. Dem talk say wetin go up, go must come down but for this levels, e go still go up again. Just dey do your thing dey go. They say instead make bad thing happen make rain kuku fall.
Ehen! E don happen again. No fear no be bad thing happen. This time na beta thing don happen. You know say today na Sunday and na the day for our ogbonge program wey we dey call "naijapidgin hotseat"
Today for this hot seat na big masquerade na im naijapidgin don catch o. But before I tell you who this person be make I first explain wetin be hotseat before some people go think say we dey put fire for seat carry person put on top make e burn. Oyibo go talk say figuratively na wetin e mean be that but this time around na questions we go sama the person and na so the person go dey answer for our naija language wey be pidgin English.
The questions no get limit o. We dey ask questions concerning steemit and even personal life. You too fit join ask your own question as we dey give opportunity to people make they still follow our celebrity quest yarn small. This no be wetin you suppose miss even if you dey miss every other thing on top steemit.
Before I go use talk finish the matter, the ogbonge celebrity guest wey we want fry today na the person wey Dem dey call @surpassinggoogle. Ehen! No be open your mouth make fly no enter. Naija pidgin don Waka go Philippine say make dey carry come back to naija come follow we naija people yarn. Wetin @surpassinggoogle get to tell us? Me no know? Come the show make you hear am yourself. I no dey say Dem shoot bird im mama fly...hehehehe.
Okay the time wey dis ogbonge program dey happen na 1800hrs for naija time or wetin we dey call 6pm and the venue na naijapidgin discord server. Bring yourself but no come alone, carry a friend come wey go carry another friend come.
My country people na so I talk am reach o. If you miss this one na im be say the pot we village people used to cook you still dey on top fire.
Una happy Sunday o.
Na @zizymena carry dis one come una domot.
Footnote
**If you would like to support us,
Please follow our curation trail Or delegate SP to @naijapidgin account.
We are naijapidgin community with a mission to *promote and get the fast growing Nigerian community on this network fully engaged in a language they cherish passionately. As well as help minnows*
Join our discord severs for fun, interactions and voice shows VIA
We broadcast both in English and pidgin live on discord channels.
On discord we have the following shows and lectures:
- Real-Life Talk with @preciousimo
[Tuesdays by 8pm]
Lectures on Block chain, Steemit and Cryptocurrencies [Wednesdays by 6pm]
Relationship talk with @rosyblessing [Thursdays by 8pm]
Steemit Diary + Amebo with @rebeccafl [Fridays by 8pm]
Variety night show with @itoroarchibong and @imbigdee. [Sundays by 5:30pm]
- Special Hotseat [Sundays 8pm]
Dont miss it
Naijapodgin Team:
The brain behind the running of this great platform remains the wonderful and dedicated personality, one who truly gives their time and best for Nigerians on the blockchain...
@zizymena|@oliverwilliams|@horlaide|@mittymartz|@nmalove|@preciousimo|@rosyblessing|@akintunde
Avatar designed by @mittymartz
Una try. I go like show for dis una matter. But i wan know whether @surpassinggoogle na omo naija fellow? I don hear the guy tori wella and na my naija people dey always talk about am. Make una no vex na ask I ask ooo.
Yes the guy nah true naija pikin
Correct.
How indeed! @surpassinggoogle be an ogbonge guest. He is one of the most generous steemians I know and his initiatives (I so so much love ulogs is really great)
Nice one @naijapidgin
Trust me na... I must come finish @surpassinggoogle with questions. I promise am that one
Omoh I just dey show here o, I no even know say una dey run this kind matter here sef. Una dohhh