Ang paghilom ay di lang sa pilat nakikita,
maging sa emosyong nararamdamang nag-iwan ng sakit,
indikasyon ito ng panibagong pahina ng ating buhay,
madalas sa alaala na lang sila masayang gunitain,
hindi naman natin maibabalik ito,
hindi na rin naman natin ito mauulit pa.
Ang kasaysayan natin ay nagpapatuloy,
umaagos tayo sa daluyan ng panahong
hindi man lang natin hawak kung saan
ito papadpad, hindi natin hinuha ang ano mang
kaakibat na kaparan ang kakasadlakan natin,
at kung minsan pa nababalaho tayo,
nadadapa, nasusugat at muli pinipilit
nating pinatatag ang ating mga sarili
upang sa paghilom ay higit pang
mas magiging matatag tayo sa
pakikibaka natin sa buhay ng walang
habas na sinusuong natin hanggang
tayo may hininga pa!
