前日罕有約埋高人睇早場，上一次入場港產片已沒有印象（好似是《暴瘋語》）嗱！不要問好不好睇，或者點解入場睇？筆者連自己都唔太明。睇完，沒有想像中或預期中的狂插，反之有不少反思的玄妙處！林敏聰是好演員，盡責帶足全場。有期望，但無驚喜，期待下次可以更好。
睇港產片不抱認真的品嚐是最可悲，總是笑或彈，離場後便delete all！借今次睇港產片的體會，不戴有色眼鏡。首先去理解和思索主題內容，才作評論。
好啦！主題利用一堆香港社會下荒誕離奇的佚事交織串連起來，搏普羅大眾共鳴和意會箇中的含意。笑料不算有surprise；主題圍繞着太空艙，即是比棺材房更荒謬的納米劏房作背景發展出來；幾位主角的支線則是搵戲嚟做，無甚寓意，利用一場接一場的駁位串連，難睇得不投入，甚至覺得有點睇緊電視膠劇，失去電影載體本身的基本（即掛在Ivan口邊的「條橋」和三幕劇的指定法則）。劇情牽強地駁埋一齊，沒有心思及認真地處理每一個場口，甚至演員演出亦「行」得滯，hea住演，兼唔專業，當TV show來交貨。故鬧喜劇不等於亂來，反而更難演得好睇。
劇本處理上，一堆又一堆的時事，一般觀眾不會受落，加上有唔明或唔知做乜的地方。偶爾有一、兩個位捉得到，可惜缺乏內容和哲。舉個例，開始前段，以周柏豪帶觀眾投入，他的角色世界算正常，但太長了。為的是搵戲做，略多餘，不如索性一開始已倒叙，快速交代（刪除了無無謂謂的篇幅）。而林敏聰的阿成由人生高峰急插下滑，搞到現今瘋瘋癲癲的樣子，更能吸引觀眾的目光。坦白說周（靚仔）無特別劇情需要，幸好內心戲不多啦！周與雨橋「阿麗靚湯」（Ivan術語，絕對是搵戲嚟做），唔識俾反應，不是演員出問題。
另外，有不少觀眾稱讚的Bob的演技，但族長真的受不了，難認同，可能超過15年沒有睇電視啩？！與膠劇脫了節，Sorry囉！總之由畫面構圖，到拍攝風格及剪接都幾膠。還有一段最頂唔住，是天台燒嘢食，簡直是虐待觀眾。Bob & 繼聰仍然CCTVB膠劇演繹方式交功課，有點失望！
至於，Baby John則無法入戲，他是最認真去嘗試惡搞演繹及模仿古惑仔的鄭伊健，所以出現反彈效果，整個角色走了。認想一想，鵬哥和阿燦的「撻成一塊」，觀眾自然投入甚中，笑到碌地。又如鵬演繹唱羅記的「幾許風雨」畫面，大家是自然俾反應，這就是演技。Baby John有機會成為笑匠接班人，但要練力和學會如何融入角色中。不過他的角色，講述古惑仔轉型實錄，幾乎點着了筆者藏在心裡的怒火。今日的香港正面對這等為所欲為，無法無天的實況。所以要怪就怪導演沒有細仔度劇本把講故事的張力提升，將一堆時事材料，胡亂炒埋一碟便算！
講D啱聽嘢，欣宜應加多D戲份。不是與繼聰，而是與林敏聰或Baby John嘗試撞D火花出嚟嘛！主題講劏房，導演們的立場是甚麼呢？觀眾沒有牛的反芻的消化功能，責任是導演和編劇，要借演員帶出來，令觀眾意會和接收到囉！族長最有印象是阿成與Bob在山上，阿成中槍的短短1、2分鐘戲，有火花和寓意，不知觀眾有沒有留意？
最後花絮式講結局，竟然首尾呼應，實屬意外，一個字－－好！樓爆人亡作終，點晴式收檔，是圓滿的！
死囉，我連有套咁既戲上演都唔知㖭……
照計陣容（Bob、Baby John、繼聰、周柏豪、林敏聰、欣宜、雨僑……）點都無理由唔知吖？莫非係因為我太少睇電視及廣告，所以連呢套野上演都唔知？
話時話，作者講開CCTVB膠劇，令我更欣賞以往的經典，就正如依家啱啱係深夜重播緊既「壹號皇庭」……