琴日講過朝早返工個陣,香港已經掛緊一號風球,到食完lunch差唔多兩點個陣就改左做三號風球啦.仲話預計會係夜晚十點改掛八號風球喎,聽完我都得啖笑.以香港天文台既衰樣,睇佢個死款都會半夜落晒波,然後全港第二朝正常返工,冇計啦,香港人真係好撚鐘意返工囉.我仲好記得2018年山竹個陣,第二日全港冧晒樹,啲路塞死晒,但天文台可以取消晒所有風球,搞到全港市民上演左一幕劫後餘生返工記.
我好記得個次至少有一半人遲大到,有啲仲要差唔多兩點先到公司.咁個陣未有疫情嘛,我仲係係深圳出門,所以對我冇乜影響,不過個次就好玩囉.全港市民好集心,屌到天文台同政府上火星.打完風立立亂班仆街照落波夾硬要人返工.唔強制休息一日,香港地人情紙咁薄.你去呼籲啲老細睇諒?我真屌你老味囉.
有左個次經驗之後,我地成村人都完全唔抱任何期望,預左第二朝要返工,不過居然有驚喜喎,天文台半夜好似改掛左9號風球,雖然到7:40改返做8號,仲話預計11點改返3號,但我地都多左半日假,都叫賺左架啦
今朝早我就慢慢係屋企食個住家早餐,之後再訓返陣,到11:30左右再起身準備提早食lunch,其實我諗住自己落去買飯架,不過我阿媽難得有精神,就煮埋我個份,真係好,平日lunch都有住家飯食.雖然唔係特別好餸,但我都好滿足啦,加上呢啲環境,暫時唔使愁三餐已經好感因.萬幸囉.
食完飯,hea下hea下寫下post,睇下新聞,就準備出門口,不過今朝訓下醒下,搞到突然好頭痛,因為我係一個好容頭痛既人,所以屋企長期一堆panadol係到看門口.炸炸林啪返兩粒先,唔係既話返到公司肯定得個坐字,乜都做唔到.
你地睇下,呢個世界真係冇咩可以阻到香港人返工,一話改返三號風球,條街就即刻成村人排隊等車返工.好在我住得夠近,唔係排隊等車都等死我.12:45,安全到達公司.又要開始扮工啦!聽日見.
香港比澳門好好多啦，以前香港掛8號風球，澳門都仲系3號，狂風暴雨都要返工，然后香港D客又放假哦，明明甘近。