Unique and Beautiful Origami Flowers

ဒီနေ့ ပန်းသုံးပွင့်ကို စက္ကူခေါက်ခြင်းဖြင့် ပြုလုပ်ထားပါတယ်။ ထိုပန်းတွေကအရမ်းလှပြီး ထိုပန်းတစ်ပွင့်စီကို စက္ကူတစ်ရွက်တည်းဖြင့်သာ ခေါက်ရတာပါ။ ပန်းသုံးပွင့်ကို အရောင်သုံးမျိုးဖြင့် ခေါက်ထားပါတယ်။ သူတို့ကို ဘယ်လိုပြုလုပ်ရမလဲဆိုတာ ပုံများဖြင့် အဆင့်ဆင့် ဖော်ပြထားသလို စာလည်းရေးပြထားပါတယ်။ လိုအပ်တာတွေက ရောင်စုံစက္ကူ၊ ကတ်ကြေး၊ ခဲတံနဲ့ပေတံစသဖြင့်ပါ။

ပထမအဆင့်မှာ အလျားအနံတူညီတဲ့ စက္ကူတစ်ရွက်ကို ဖြတ်ပါတယ်။ ထိုစက္ကူကို တစ်ဝက်စီလေးကြိမ်ခေါက်၍ အနားတစ်ဘက်မှ ခေါက်ချိုးမျဥ်းနှစ်ခုကို အတူတကွထား၍ ခေါက်ရမှာပါ။ ထိုအနားကို အပေါ်သို့ပုံအတိုင်း ခေါက်၍ ပြန်ဖြည်ပြီး အစွန်းတစ်ခုကို လည်းခေါက်ပါတယ်။ ကျန်တဲ့အနားသုံးဘက်ကို ထိုနည်းအတိုင်း ခေါက်ပြီးနောက် ရရှိထားတဲ့ ခေါက်ချိုးမျဥ်းများအတိုင်း စုစည်း၍ခေါက်ပါတယ်။ အစွန်းလေးခုကို အတွင်းဘက်သို့ ခေါက်ချိုးမျဥ်းများအတိုင်းခေါက်၍ ကျောဘက်မှ ပွင့်ဖတ်တစ်ခုစီရဲ့အလယ်မှ ခေါက်ချိုးမျဥ်းတွေကို ပုံအတိုင်းခေါက်၍ ပွင့်ဖတ်ပုံစံများဖြစ်အောင်ဖြန့်ပါတယ်။