စောစော မအိပ်ဖြစ်တာ အတော်ကြာပြီ။ နဂိုကပင် စောစော အိပ်လေ့ မရှိပါဘူးဆို အာဏာလည်း သိမ်းလိုက်ရော ပိုဆိုးသွားတော့၏။ အတွေးပေါင်း သောင်းခြောက်ထောင် နှင့် အိပ်မရ ညတွေ ဒလဟော မွေးဖွားလေတော့၏။ သာမန်ဆို မနက် ၁ နာရီ နောက်ဆုံးထား အိပ်ရာဝင်သော်လည်း အာဏာသိမ်းပြီး နောက်ပိုင်း မှာတော့ မနက် ၂ နာရီ၊ ၃ နာရီမှ အိပ်ရာ ဝင်ဖြစ်တော့၏။ အိပ်ရာဝင် နောက်ကျတော့ အိပ်ရာ ထချိန်လည်း နောက်ကျတော့၏။
ကတ်သီးကတ်သတ် ပြောလျှင် တော့ ကျနော် အိပ်ရာ ဝင်တာ စောပါ၏။ ဟုတ်တယ်လေ မနက် ၃ နာရီ ဆိုမှတော့ စောတာပေါ့နော့်။ မနက်ကို ၉ နာရီ သို့မဟုတ် ၁၀ နာရီ ထ၏။ လုပ်စရာ ဘာညာ ရှိသည့် အခါမျိုး ဆိုရင်တော့ အစော ထ၏။
စနေ တနင်္ဂနွေ နှစ်ရက်ကတော့ မထချင်လည်း ထရ၏။ အိမ်က တူလေး၊ တူမလေးတို့၏ Online english စာ သင်တန်း ရှိသော ကြောင့် ဖြစ်၏။ သင်တာက သူတို့ ဆိုပေမယ့် ကွန်ပြူတာ ဖွင့်ပေး ဘာပေး၊ မီးအား အနည်း အများ အတင် အချ ကြည့်ပေး ပြုပေး အစရှိသည်တို့ လုပ်ပေးရ၏။ မသိလျှင် ကျနော်ပါ အတန်း လိုက်တက်နေရသလိုပင်။ စနေ မနက်က သိပ်ပြဿနာ မရှိပေမယ့် တနင်္ဂနွေ မှာတော့ ကိစ္စ ရှိ၏။ စနေနေ့ညမှာ ဘောလုံးပွဲ ကြည့်ပြီး နောက်နေ့ မနက် ထဖို့ကား ကျနော့် အတွက် တကယ့်ကို အဆင် မပြေလှပေ။
ဒါပေမယ့် မထချင် မထိုလည်း ထနေရ၏။ အတန်းက မနက် ၉ နာရီ စသဖြင့် ကျနော့်မှာ ၈ နာရီခွဲကျော် ထရ၏။ computer ဖွင့်၊ Zoom meeting ချိတ် စသည်ဖြင့် အဆင်သင့် လုပ်ထားရ၏။ စနေ၊ တနင်္ဂနွေ နေ့မျိုးဆို ကျနော် အိပ်ရေး မဝပေ။ နေ့လည် နေ့ခင်း တရေးတမောလောက် ပြန် မမှေးရဘူးဆိုရင် ထိုနေ့ အဖို့ သာပြီး အဆင် မပြေတော့ပေ။
စိတ်တို သလို စိတ်ဆိုး သလိုလိုနှင့် သိပ်ပြီး အမြင် မကြည်ချင်တော့ပေ။ တနေ့လုံး လိုလို ထိုသို့ ဖြစ်နေသော်လည်း ညနေ ၆ နာရီ ကျော်သွားလျှင်တော့ ပုံမှန် ပြန်ဖြစ်သွား၏။ အိပ်ရေး မဝ ဖြစ်ထားတာ အစော အိပ်ဖြစ်လား ဆိုပြန်တော့လည်း ညမှာလည်း အစော ပြန်မအိပ်ဖြစ်။ အိပ်ရေး မဝတာ မှန်ပေမယ့် အိပ်ချိန်လည်း ပြန် မဖြည့် ဖြစ်ပေ။
ကျနော်က ချေးလည်း မချေး ပြန်လည်း မဆပ်ဘူး ဆိုပြီး ပေကပ်ကပ်နေသည့် အအိပ်ပျက် သမားသာ ဖြစ်၏။ အအိပ် ငတ်သော်လည်း အအိပ် မမက်သဖြင့် ခက်တော့ ခက်သား။ ပြင်မယ် ပြင်မယ်နှင့်ပဲ မပြင်ဖြစ်တာသာ မှန်မှန်နေတော့၏။
အိမ်က ခွေးလေတွေမွေးကတဲက မနက်စာအမှီ မနက်စောစော ထနေရတယ် ဆရာ 😓 !PIZZA
ကုသိုလ် ရတာပေါ့ အေ
!PIZZA
PIZZA Holders sent $PIZZA tips in this post's comments:
kachinhenry tipped donjaun (x1)
htwegyi tipped donjaun (x1)
donjaun tipped viviankay00 (x1)
viviankay00 tipped donjaun (x1)
@uthantzin(10/10) tipped @donjaun (x1)
Learn more at https://hive.pizza.
အိပ်ရေးဝဝ အိပ်ခြင်းကလည်း ကျန်းမာရေးပါ။
သတိထား အိပ်ပေးပါဗျ။ အင်း အိပ်ပြီးဆိုမှ ဘာသတိမှမရှိတော့တာပ
😁
!PIZZA
ဟုတ်ဟုတ် ခုတော့ ပြန်ဂရုစိုက်နေတယ်ဗျ
အမြဲတမ်း အိပ်ချိန်မမှန်တာ အိပ်ရေးပျက်တာ ဆိုရင်တော့ ရေရှည်မကောင်းဘူးအကို ကျန်းမာရေး ထိခိုက်နိုင်ပါတယ်။ !PIZZA
ဟုတ် ညီ
ဂရုစိုက် ပါ့မယ်
အော်-ကိုယ့်ဝဋ်ကြွေးမဟုတ်ပဲ သူများရဲ့ ဝဋ်ကြွေးတွေခံနေရရှာသကိုး ကျွတ် ကျွတ် ကျွတ် ☺
ဟင့်ဟင့်
ဆရာ... နေ့နဲ့ ညနဲ့ မှားကုန်ပါအုံးမယ်... သားကျွေးမှု မယား ကျွေးမှု တွေ အကြောင်း မစဉ်းစားနဲ့ ... အိပ်ရေးပျက်မယ်...😀😁😁. !PIZZA
တွင်းထဲ ဆင်းကြည့်ချင်မိတယ် ကိုဟင်ရယ်
မြွေမျက်လုံးတွေ ဟုတ်မဟုတ် သေချာချင်လို့ပါ။
ဟိဟိ
အယ်လယ် ငါလိုလူ ဒီတိုင်းပြည်မှာ ရှိသေးသဟ Come on Cheer! !LOLZ
lolztoken.com
It was a weapon of math disruption.
@donjaun, I sent you an $LOLZ on behalf of @nyimwa
Use the !LOL or !LOLZ command to share a joke and an $LOLZ. (3/6)
ချီးယား
နေ့အိပ်တာနဲ့ ညအိပ်တာ အိပ်ချိန်တူရင်တောင် အိပ်ရေးဝပုံမတူဘူးရယ်။ ညဘက်ပြည့်ပြည့်ဝဝအိပ်တာပိုကောင်းတယ်။
ဆရာအဲ့တာအချစ်အာဟာရဓာတ်လိုအပ်နေတာXD..jK.. !PIZZA
@alexanderkal77, sorry! You need more to stake more $PIZZA to use this command.
The minimum requirement is 20.0 PIZZA staked.
More $PIZZA is available from Hive-Engine or Tribaldex