Sajak malem mingguan.
CINTA SUSUGANAN
Cinta mah teu kaci susuganan, Jungjunan.
Babaledogan tina heureuy bari miharep rasa bakal mangkak karembangan dina haté manéhna
Cukup dijawab “mung heureuy” mun katohyan atanapi ditolak
Tapi rikat unggal aya nu imut “hayu badé iraha?”
Majar kabita basa manéhna nembong-nembong hasil pasakan nu ngajak implengan jalan-jalan, rék nyadiakeun modal jang nyieun rumah makan
Méh-méhan poho kana ucap sorangan,
cenah capé mapay-mapay sikluk jeung lamping
Hayang reureuh da umur nuju ka wanci kolot
Tapi geuning haté mah resep kénéh ucing sumput, nya?
Siga négérkeun kenur dina liang belut:
Susuganan!
#RAB, 2020
#sajakSundaRAB #katakataRAB #puisiRAB
NB: foto mung ilustrasi, mamanawian aya nu sono émut ka mantan atanapi gébétan, cekap selewegkeun baé ieu soto mi téh. 🤪