Bee Lam Bahasa Aceh

Assalamualaikom rakan sinaroe
Nibak uroe nyoe meurempok teuma
Bee lam bahsa aceh neuk lon peusampoe
Mungken geutanyoe na nyang ka lupa

Bee lam bahasa aceh meumacam bagoe
Tanda bahsa nyoe kaya that sastra
Guepilah-pilah supaya meuho ma
ngat tasusoe nyan bee peu atra

bee nyang keu phoen khieng hai adoe
keunan meusahoe bangke ngon tinja
teuma keu dua khoh geuboh nan
meusapat keunan bee kameng tuha

nibak nyang keu lhee chueng geusaheh
iek si mat saleh nyan bee po atra
ni bak lumpoi peut bee khep meuteuntee
pliek lam jeuee dalam uroe kha

teuma di bee phong bak lumboi limong
keunan peutamong bee gitiek ma'wa
nibak lumboi nam khop hai kawom
bee boh itek kom keu miseue haba

teuma keu tujoh nan jih bee hanyie
kateuntee pasti boh manok dara
teuma keu lapan bee geukheun bee mangat
bak nan ka meuhat keu bungong jeumpa

teuma sikureung minyeuk kasturi
harum han sakri minyeuk syuruga
bee minyeuk ata bak lumboi siploh
Pasoe lam bungkoh lhat u cong para

nyan nyang lon teupeu hai bungong panjoe
syi tunyok jaroe nyang toh bee bak gata
saweub di gata jareung ta manoe
kateuntee adoe gata bee banga

beureuteh jangong rasa that bangoe
teungoh cot uroe ta muek ngon saka h
aba keu gura ulon peu sampoe
bek jeuet keu duroe bak meusyedara.

Mustafa Ibrahim Delima
Anggota FAMe Chapter Pidie Raya