金、股、滙、油及Crypto都俾反應，各自各精彩，隻隻嘢都有戰爭避險premium。股市最神奇，暫時按着一格一格向下滑，不敢輕舉妄動，似等襟的一刻，才做反應俾你睇！當然港股則逆天和反物理定律，只可升，不能跌。神說有光，便有光，帶領大家去天國的美好願景一樣！算吧啦！快揭盅了，屆時最衰都係「邊個、邊個」的言論又舖天蓋地一面倒。
回正題，美元一面倒，兌任何貨幣，不論歐羅、英鎊、澳紙及日本円的表演均四腳朝天，只有巴西和墨西哥俾唔跌企住先。這說明甚麼呢？近期沒有評論滙的專家講兩句，可能忙於「做世界」，唔得閒打招呼。弱美元早已運行半年多，連老散都清楚向下。族長早已通水叫大家揸澳紙都有唔錯的升幅，上望0.85是第一站，料見0.9以上。Trump的如意算盤是外貿，趕及今年內有明顯起色，搞得好好體體，過聖誕。其實，他心知要調理美國經濟是需要耐性和務實，心急無時間一回事，但慢則會夜長夢多，難埋尾！
近日Trump招待科威特Sabah Al-Ahmad Al-Jaber Al-Sabah為乜？心照啦，見皇族富豪簽大deal，講的是中東各國的關係，實際是講金又講心。至於肥仔金單嘢，睇心情囉！外貿成果奠定來年的部署，不容有失！反之，亦是踩冧對手的最好時機，加上亞太區戰雲密佈，對外貿、做生意定必重創，睇土匪就清晰。今晚有數據出，到時便笑都眼淚水都標！
匯市方面，巧合齊齊到位了，如USD index，gold和英鎊(1.322)，故本周暫時沒有前膽性的動向，連bitcoin亦轉趨平靜。暴風雨在Miami和Florida做成非常嚴重的破壞，人類面對自然天災，基本上是逃避為上策，無乜嘢可以做，借此靜思己過最好不過，自省！
土匪與南韓反了面，USD/JPY見107。任何外貿Deal都無So兼日後蝕滙水，而且越南亦受軍事威嚇。總之，土匪在亞太區已成魔頭，神憎鬼厭。雖然印度佬袋了200億，但是往後無下文，關係亦唔會有乜搞作... ...還有一露一帶派錢就有人排隊，但搵食就四個大字「找死去搶」，有好下場咩？所以年尾埋單結賬負幾多億才是重點。不過，無相干，開機印OK啦！掛在口邊打仗還是要$，無點成事呢？不過土匪是宇宙最強，一定得！等多個周末，到月中後，料有眉目或甚至漫天風火，人類的末日來臨到你我的面前了！
11月去日本旅行, 要買定啲日圓嗎?
趁有機會，USD/JPY衝上110，不妨買d JPY傍身去旅行自用。不過在日本用crypto currencies，回來後把親身體驗分享給大家知，好嗎？
回說圖表裡的訊息，Trump早已打開口牌gold standard和US dollar reboot。這就是剛開始的模樣，還有FOMC的成員走下一個再走落去... ...現時餘下一人是Jay Powell。相信革新Fed的最後部署近乎完成了。族長評估的US dollar index會回到08年時的低位，問題是「一步到位」？抑或「有秩序地」完成任務。