"" အိမ်မက်လမ်း ""
လမ်းကလေးက လူနှစ်ယောက်ရှောင်သာရုံ လမ်းကျဉ်းလေးဖြစ်သည်။ ဘေးတစ်ဖက်တစ်ချက်ဆီမှာ ခရေပင်များ စီတန်းလျက် ရေအိုင်နှစ်ခုကို အလည်ကခြားထားသော လမ်းကလေးသည် အုံ့ဆိုင်းညိုမြနေကာ နွေရာသီတွင်ပင် အပူဓာတ်မရတတ်သော လမ်းကလေးဖြစ်ပါသည်။
အခုလို မိုးစကျကာစရာသီဦးဆိုရင်တော့ မြေလမ်းကလေးသိပ်သည်းသွားကာ မြေသင်းရနံ့ ခပ်ဖျော့ဖျော့ရနေတတ်သည်မှာ ညွတ်နူးစရာ ခံစားချက်ဖြစ်သည်။
ဒီလမ်းကလေးပေါ်မှာမောင်နဲ့ ခင်လေးနှစ်ကာလတစ်ချို့ ဖြတ်သန်းခဲ့ဖူးပါသည်။
'နေရာဟောင်းဆိုတာ ဝေဒနာဟောင်းတွေဆောင်ယူရာလမ်းပါပဲတဲ့' လမ်းကလေးကို မမြင်ဖူးသလို စိုက်ကြည့်နေမိရာက
စကားလေးတစ်ခွန်းကိုကြားယောင်မိပြန်သည်။
လမ်းကလေးသည် ခင်လေးတို့ ငယ်စဉ်ဘ၀ နေထိုင်ခဲ့ဖူးရာ ရပ်ကွက်လေးနှင့် ဆယ်ငါးမိနစ်ခန့်ကွာဝေးသည်။
အဲ့ဒီရပ်ကွက်ကလေးကိုအကြောင်းကိစ္စတစ်ခုဖြင့် ပြန်ရောက်မိတော့ မထိန်းချုပ်နိုင်သော ခြေလှမ်းတွေသည်
ခင်လေးကို နေရာဟောင်းဆီ ခေါ်ဆောင်လာကြသည်။
ညို့မှိုင်းနေသောကောင်းကင်ကြီးနှင့်ထပ်တူလမ်းကလေးကို ငေးကြည့်နေရင်း ရင်ထဲမှာ အလိုလိုလစ်ဟာမိလေသည်။
မောင်ပြောသလိုပါပဲ ။ ခင်လေးက သိပ်တွေဝေတတ်တာလေ။
လမ်းကလေးရဲ့ ဟိုမှာဘက်စွန်းတွင် ဆက်လျှောက်စရာ ကန်ဘောင်ကမ်းနားရှိပေမယ့်
ခင်လေးနဲ့မောင် လမ်းရဲ့အဆုံးကို တစ်ခါမှ မလျှောက်ဖူးခဲ့။
အစပိုင်းအကြိမ်တွေမှာ သတိမထားမိသော်လဲ အဲ့ဒီဘက်ကိုသွားဖို့ ခေါ်သောအခါ မောင်က ခင်လေး လက်ကိုဆောင့်ရုန်းသည်။
မသွားရဘူးတဲ့။
ဘာဖြစ်လို့လဲ မောင် လို့ စောဓကတက်မိတော့ မောင်က ခင်လေးကို မျက်မှောင်ကုတ်ကြည့်ကာ
လက်ဆွဲပြီး လာရာလမ်းကိုပြန်ခေါ်လာသည်။
ခင်လေးကိုဒေါသရိပ်ငွေ့ငွေ့ဖြင့်ပင် မဆူပူဖူးသော မောင့်ဆီက ရရှိခဲ့သည်
ပထမဆုံး ငြိုငြင်မှုဖြစ်လိမ့်မည်။
အဲ့ဒီဘက်က အတွဲတွေသွားတာတဲ့။ ခင်လေးတို့ကရော အတွဲတွေ မဟုတ်ဘူးလားလို့ ခွန်းတုန့်ပြန်သောအခါ
မောင်ဖြေရှင်းဖို့ကြိုးစားသည်။
မဟုတ်ဘူးလေကွာ အဲ့ဒီအတွဲတွေက..
အသားအရည်ပါးလျားကြည်လင်သော မောင့်မျက်နှာမှာ နီမြန်းလျက်စကားဖြတ်လိုက်သော
အခါ မောင့်ဆိုလိုရင်းကိုသဘောပေါက်ခဲ့သည်။
ဘုရားရေ မောင်ဟာ ခင်လေးကို တန်ဖိုးထားလွန်းလိုက်တာ။
လမ်းဖြတ်ကူးတဲ့အခါ လူထူထူပလက်ဖောင်းမှာ တိုးတိုက်သွားလာရတဲ့အခါမှာ ခင်လေးလက်ကို
တွဲထားတတ်ပေမယ့် အဲ့ဒါကို အခွင့်အရေးယူတာလို့ ခင်လေးမထင်ခဲ့။
မောင် ခင်လေးကို အခွင့်အရေးယူဖူးတယ်ဆိုလျင် တစ်ခါတုန်းက ဒီလမ်းကလေးမှာ လူသူကင်းရှင်းနေချိန်
မျက်လုံးမှိတ်ထားခိုင်းပြီး ပါးလေးကို ဖွဖွ နမ်းခဲ့တာလောက်ပါပဲ။
ခင်လေး မျက်လုံးကို ပြန်ဖွင့်ကြည့်ခဲ့တော့ သူကပဲ ပြန်ရှက်နေကာ လက်ဖ၀ါးနှစ်ဘက်ကို ပွတ်သပ်ရင်း အဝေးကို ငေးကြည့်ကာ ပြုံးနေခဲ့သည်။
ကလေးတစ်ယောက်လို ဖြူစင်လွန်းလှတဲ့ မောင့်ကို ခင်လေး မြတ်နိုးခဲ့တာ ဘာဆန်းမလဲ နော်။
ဒီလိုပဲ မောင်ကလဲ ခင်လေးကို တန်ဖိုးထားလွန်းတဲ့ကြားကခင်လေးတို့နှစ်ယောက် ဘာလို့ ဒီလောက်ဝေးသွားကြတာလဲ?။
ခင်လေးမှာ တစ်ချိန်ချိန် ပြန်ဆုံဖြစ်ခဲ့ရင်ဆိုသော အတွေးဖြင့် မောင့်ကိုမေးစရာ မေးခွန်းများစွာရှိပါသည်။
အတိတ်တွေကို မမြင်အောင် လမ်းကလေးမှပြန်လှည့်ပြီး ခေါင်းငုံ့လျှောက်ခဲ့သည်။ ခေါင်းငုံ့လျှောက်မှ လမ်းလေးပေါ်မှာ
ခင်လေးတို့ခြေရာဟောင်းတွေပြန်မြင်နေရတာ ခက်လှတယ်မောင်။
အကြည့်ကို အပေါ်ပြန်ရွှေ့လိုက်တော့ လမ်းထိပ်အုတ်ခုံလေးပေါ်မှာ ထိုင်နေတဲ့သူတစ်ယောက်က
ခင်လေးရဲ့ အသက်ရှုသံတွေကို ကမောက်ကမဖြစ်စေတယ်။
မောင်ပါပဲ ...
ဘယ်လိုကံကြမ္မာရဲ့ ရက်စက်တဲ့ ကျီစယ်မှုပါလဲ။
သတိရလွမ်းဆွတ်လွန်းလို့ မျှော်လင့်ချက်မဲ့စွာ နေရာဟောင်းကို ရောက်လာခဲ့တဲ့ခင်လေးကို စောင့်ကြိုနေခဲ့တာ မောင် ပါပဲတဲ့။
အခြေအနေအရပ်ရပ်အရ ပတ်သက်လို့မရတော့ ကြောင်း သိသိကြီးနဲ့ လူနှစ်ယောက်လေ..။ အချိန်တွေ ဒီလောက်လွန်ပြီးမှ
ပြန်ဆုံတွေ့ရဖို့ဆိုတာ။
မောင်သည် သူ့ ယူနီဖောင်းလို အမြဲဝတ်ဆင်တတ်သော လည်ကတုံးလက်တိုအဖြူလေးနှင့် ချည်ပုဆိုးကွမ်းရိုးစိမ်းလေးကို
ဝတ်ထားမြဲဖြစ်သည်။
ကုတ်တိုတို နားကွင်းကျယ်ကျယ်ညှပ်တတ်သော မောင့်ဆံပင်လေးတွေထုံးစံအတိုင်းတိုကပ်နေ၏။
ခင်လေးကို နှစ်ပေါင်းများစွာခြောက်လှန့်ခဲ့သော မေးခွန်းတစ်ခုကိုတော့ မေးရလိမ့်မည်။
မောင် ဟု ခေါ်လိုက်မိသော ခင်လေးအသံသည် အဖျားဆွတ် တုန်ယင်နေနိုင်သည်။
ထို့အတူ လှည့်ကြည့်သော မောင့်မျက်ဝန်းမှာ အံ့သြခြင်း လွမ်းဆွတ်ခြင်း မျှော်လင့်တမ်းတခြင်းတို့ အပြည့်အ၀ပျော်ဝင်နေခဲ့သည်။
ခင်လေး မေးချင်သော မေးခွန်းကိုလဲ မေးဖြစ်ခဲ့ပါသည်။
.
.
.
.
.
.
." မအေဠိုးရေ နင် ငါ့ကိုမှတ်မိလား "
.
Original Writer by: Waihan Lin Htin
.
(ဤအထက်ပါ စာပိုဒ်အား မူရင်းစာရေးသူ၏ကြည်ဖြူသောခွင့်ပြုချက်ဖြင့် ကူးယူဖော်ပြပါသည်)
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
"" ညနေခင်း၏ ပါတော်မူခန်း ""
တကယ်ဆို မောင်ဒီနေရာကိုရောက်ခဲ့သည်မှာ မျှော်လင့်ချက်ပါးပါးကလေးသာ ရှိသည်။
တစ်ချိန်တစ်ခါက ရင်းနှီးခဲ့ဘူးသော ကိုယ်သင်းရနံ့ကလေးတွေ ...
အစဉ်အမြဲရွှန်းမြလက်ဖြာနေတတ်သော မျက်ဆံနက်နက်ကလေးတွေ ..
နောက်ပြီး ...
ကတ္တီပါခြေနင်းထက်က ခြေဖမိုး မို့မို့ကလေးများ .....။
" ဟူး ...."
မောင်ပြန်လည် လွမ်းမြင်ယောင်မိတိုင်း ဒီနေရာကို ရောက်ဖြစ်သည်လေ ....
မမှီ့တမှီ မောင့်ပုခုံးထက်ခေါင်းမှေးထားတတ်တဲ့ ခင်လေးနဲ့အတူ ညနေချိန်တွေတိုင်း ... ရှိခဲ့ဘူးတာ ဒီနေရာလေးပါပဲ .. ဒီအုတ်ခုံလေးပဲပေါ့ ..။
မောင် စီးကရက်တွေ ခိုးသောက်တာကို လိမ်ပေမယ့် မောင့်လက်ညိုးနဲ့လက်ခလယ်ကြား စီးကရက်ကစွဲကျန်တဲ့ ဝါကျင်ကျင်သမ်းနေတာတွေကို ဖော်ထုတ်တတ်တဲ့ခင်လေး ...။
မျက်ဆံကလေးထောင့်ကပ်ရင်း ... မောင့်နားရွက်တွေနီရဲလာတဲ့အထိ ဒဏ်ပေးတတ်သေး . ...
" မောင်ရာ .. မလိမ်တတ်ပဲ မလိမ်ပါနဲ့တဲ့ ... "
ကြားမိနေသေးတယ် ခင်လေးရယ် ... ။
မောင်ထိုင်နေတဲ့ ဘယ်ဖက်မှာ .. မောင်တို့လျှောက်နေကြ လမ်းကလေးရှိတယ် ခင်လေး ..
မောင်မကြည့်ရဲဘူး ...
စုံတွဲတွေ .. ဒီလမ်းပေါ်မှာ တွေ့မိတိုင်း မောင်မျက်ရည်ဝိုင်းလောက်အောင် နာကျင်လွမ်းဆွတ်ရတယ် ..
မောင်တို့ ကံကြမ္မာတွေက ဘယ်လိုတွေဆိုးရွားလိုက်လဲကွယ် ...
သိပ်ချစ်ခဲ့ပေမယ့် ... ဝေးကွာသွားကြရတာဟာ .. မောင်တို့အတွက် ကံကြမ္မာက ဖန်တီးရေးဖွဲ့ပြီးသား ဇာတ်ညွှန်းတစ်ပုဒ်လေလား ...။
" ကံကြမ္မာဆိုတာ လူကပဲ ဖန်တီးရတာလို့ ခင်လေး ယုံကြည်တယ် .."
မင်းလေး .. အဲ့လိုပြောခဲ့တာပါ ခင်လေးရယ် ...
မောင်တို့ဖြစ်တည်မှုတွေ၊ အနာဂတ်တွေအတွက် မောင်ကြိုးစားဖန်တီးခဲ့ပေမယ့် .. ဘာကြောင့်များ ...
ဘာ့ကြောင့်များ ... ကံကြမ္မာက မောင်ဖန်တီးသလိုမဖြစ်ခဲ့ရတာလဲ ...။
လက်မခံချင်ပေမယ့် အမှန်တရားမို့ မောင်လက်ခံခဲ့ရပါတယ် ..။
မောင်လက်ခံခဲ့ရပါတယ်လေ ...။
လေတချက် .. ဆတ်ခနဲဝေ့လိုက်မှာ .. မောင့်ရှေ့ကို ငုဝါပွင့်ဖတ်တွေ ကြွေကျလာရဲ့ ...
မင်းသိပ်ကြိုက်တဲ့ပန်းပါပဲ .. ခင်လေး ..
လမ်းလေးထက်မှာ နွေလေရူးကြောင့် ငုဝါပွင့်ဖတ်တွေရှောင်မရအောင် ကျဲပြန့်နေတာတောင် ..
ပွင့်ဖတ်လေးတွေပေါ်မနင်းရက်ဘူးတဲ့လေ ..
သြော် .. ခင်လေးရယ် .. မင်းလေးကသိပ်ကိုနူးညံ့လွန်းလိုက်တာ ..။
" ကမ္ဘာမြေပေါ် ဘယ်သူမှမမျှော်ပေမယ့်လည်း ရောက်လာရတယ် ... ရနံ့ကလည်းမဲ့တော့ တန်ဖိုးမထားကြ ..
ကြွေရချိန်မှာတောင် လူမသိ သူမသိ နဲ့ အနင်းခံဘဝရောက်ရတဲ့ ပန်းမို့ မင်းကပိုချစ်ခဲ့တယ်တဲ့လေ ..။
မောင် မင်းအကြောင်းတွေ မတွေးချင်ဘူး ခင်လေး ..
မောင်သတိရမိတိုင်း နာကျင်ရတယ် ...
ရင်ဘတ်ထဲက နာကျင်ဆို့နင့်လာတိုင်း မျက်ရည်ဝိုင်းတတ်တဲ့ မောင့်ကို ....
အဲ့လောက်မပျော့ညံ့နဲ့မောင်ရာ ... လို့ ဆိုဆုံးမတတ်တဲ့ ခင်လေး ..
ခုတော့ ဘယ်မှာလဲကွယ် ..။
ညနေက မောင်နဲ့အုတ်ခုံလေးကို လက်ပြနှုတ်ဆက်လို့ အလင်းဝတ်ရုံတွေကို ခွာချနေပြီ ခင်လေး ...။
မောင်ပြန်ရတော့မယ် ...
ဒီနေ့လို အမှတ်တရ နှစ်ပတ်လည်မျိုးမှာ မင်းကိုလွမ်းရင်း မင်းအကြောင်းတွေတွေးခဲ့ရတာ နာကျင်ဆို့နင့်ရပေမယ့် ... မောင်ကြည်ကြည်နူးနူးနဲ့ ကျေနပ်ပါတယ် ..
မောင်လှိုက်လှိုက်လှဲလှဲပြုံးမိလိုက်တော့ ထပ်ပြီးသတိရသေးတယ်ခင်လေးရယ် ..
" မောင့်အပြုံးတွေက ခင်လေးကို .. ကြွေကျစေခဲ့တာပါနော် .. " လို့ နှုတ်ခမ်းကလေးကွေးရင်း ပြောခဲ့တဲ့ပုံလေး ..။
မောင် မြင်ယောင်ပါတယ်ကွာ ....
မြင်ယောင်မိပါတယ်.. ။
ပြန်ပြီကွယ် ပွင့်ဖတ်လေးတို့ရယ် ...
မင်းတို့ကို စာနာနိုင်တဲ့ ခြေဖမိုးအစုံလည်းမရှိတဲ့ညနေခင်းကနေ ငါခွာရတော့မယ်လေ ...။
နေလုံးကြီးတိုးဝင်ပျောက်ကွယ်သွားတဲ့အရပ်ကို မျက်နှာမူထရပ်လိုက်ရင်ပဲ ..
ရင်းနှီးနေကျ ကိုယ်သင်းရနံ့လေးနဲ့ မောင့်နံမည်တိုးတိုးကလေးခေါ်သံကြားလိုက်ရတယ် ...
ညနေခင်းက မောင့်ကိုဂယောင်ချောက်ခြားတော့မဖြစ်စေလောက်ပါဘူးနော် ...
မောင်လှည့်မကြည့်ပါ ...
ဒါဟာ ခင်လေးမဖြစ်နိုင်ပါဘူးဆိုတာလည်း စိတ်ထဲကသိနေသယောင် ...
ခြေစလှမ်းလိုက်ရင်ပဲ .. နောက်တစ်ခါထပ်ခေါ်သံကြားလို့ မောင်လှည့်ကြည့်ဖြစ်ခဲ့ပါတယ် ..
" အို ..."
ခင်လေး ..
ဟုတ်တယ် .. တကယ့်ကိုခင်လေးပါပဲ ..
ဒီမျက်ဝန်းမျက်ဆံတွေ ၊ ဒီခြေဖမိုးတွေ၊ ဒီကိုယ်သင်းရနံ့တွေဟာ .. ဘယ်တော့မှ မမှားနိုင်ဘူး ...
ခင်လေး .. တကယ့်ကိုခင်လေး ပါပဲ ...
သြော် .. ခင်လေးက နောက်ထပ်ခြေဖမိုးသေးသေးတစ်စုံတောင် ပိုင်ဆိုင်ထားပြီပဲကိုး ...
နှစ်တွေကဒီလောက်တောင်ကြာသွားပြီတဲ့လား ခင်လေးရယ် ...
မင်းလို မျက်လုံးမျက်ဆံတွေ မင်းရဲ့သမီးလေးမှာလည်း ထုဆစ်ပေးထားနိုင်တာပဲကိုး ...
မောင် .. ဟိုအရင်လိုပဲ လှိုက်လှိုက်လှဲလှဲပြုံးပြလိုက်ပါတယ် ..
မင်းရဲ့နုအိတဲ့နှုတ်ခမ်းအစုံကနေ အရင်လိုပဲ လှလှပပလေး လှုပ်ရွလို့ မေးလိုက်တဲ့မေးခွန်း ..
မောင်မဖြေရက်ခဲ့ပါ ...
မင်းမကြိုက်တဲ့ ယောက်ကျာင်္းတစ်ယောက်ရဲ့ ဆို့နင့်မျက်ရည်ကို မင်းမမြင်နိုင်ခင်ပဲ ကျောခိုင်းလို့ ကွယ်ဝှက်ခဲ့ပါတယ် ...
မောင့်ရင်ထဲကို မင်းမြင်နေမှာမောင်သိတယ် ..
ရင်ထဲကတော့ ...
ရင်ထဲကတော့ ... မောင်ဖြေနေခဲ့ပါတယ် ခင်လေးရယ် ..
.
.
.
.
.
.
" ဖျာသည်မရေ .. နင့်ကိုငါမှတ်မိဘာဒယ်... "
Writer by: Lay Cho
#MSU-061
Nice post
ဘယ်လိုဘယ်လိုကြဘယ်လိုကြီးလား...😳
😅....နောက်ဆုံးစာသားက.... လှသွားပီ။
ဘာလား ဟ
ဘယ်လိုတွေလား😁
ဘာရီးလဲ