စေတန်ရဲ့သားတော်
အပိုင်း(၁၇)
######################
"မျှော်လင့်ချက် . . . . ကျွန်မမျှော်လင့်ချက်တွေ . . .
ကျွန်မ နိမ်နဲ့ နီးစပ်ဖို့တစ်ခုကိုပဲရှေးရှုလို့ အရာအားလုံးကို မေ့လျော့ခဲ့တယ် . . .
ကျွန်မနိမ်နဲ့နီးဖို့အတွက် လုပ်ခိုင်းတဲ့တာဝန်ပဲလား . . .
ကျွန်မ နိမ်နဲ့ထာဝရဝေးကွာသွားသလိုခံစားလိုက်ရပါပြီ . . ."
အိုင်းစတိုင်းရဲ့ halo နဲ့ တစ်စုံတစ်ခုနဲ့ချိတ်ဆက်သွားပြီးတဲ့ နောက်မှာ စူးရှတဲ့အလင်းရောင်ကြီးတစ်ခုထွက်ပေါ်လာပြီး မျက်လုံးအလွန်စူးလှသဖြင့် မီရာကော အိုင်းစတိုင်းပါ မျက်လုံးများကို မှိတ်ထားလိုက်ကြသည်။
နိမ်ဆိုသောကောင်လေးရဲ့ဘက်မှာကတော့ အလုံးစုံအားဖျော့သွားသလိုခံစားလိုက်ရပြီး သူကိုယ်တိုင်မမြင်ရသော်လည်း သူ့ရဲ့ ကိုယ်ပိုင် halo မှေးမှိန်ပျောက်ကွယ်သွားသည်ကိုလည်းခံစားလိုက်ရသည်။
"ငါ့ . . ငါ့ halo . .
ဟာ . . . မီရာ . . ဘာတွေဖြစ်ကုန်ပြီလဲ . . ."
နိမ်ကတော့ စိတ်ပူဟန်ဖြင့် စေတန့်ခန်းမဆောင်များဆီသို့ အသားကုန်ပြေးထွက်သွားပါတော့သည်။ စေတန်းခန်းမဆောင်မှာ ဖြာထွက်လျက်ရှိသောအလင်းရောင်များက ပိုမိုတောက်ပဆဲ ထွန်းလင်းဆဲ . . . .။
× × × × × × ×
စေတန်ရဲ့ခန်းမဆောင် . . .။
အိုင်းစတိုင်းနဲ့မီရာ နှစ်ယောက်စလုံး သူတို့မျက်လုံးများကို ပြန်ဖွင့်လိုက်ချိန်မှာတော့ အိုင်းစတိုင်းရဲ့ halo က လူတစ်ယောက်နဲ့ချိတ်ဆက်ပြီးဖြစ်နေသည်။ ဒါပေမယ့် ဒီ halo ကပဲ မီရာနဲ့ နိမ်တို့ကို ဝေးကွာစေနိုင်သောအကြောင်းရင်းတစ်ခုဖြစ်နေပြန်လေသည်။
"အိုင်းစတိုင်း . . . နင် . . နင် . ."
"မီရာ . . . ငါကြိုပြောတယ်လေ . . ဒါ . . ဒါတွေအားလုံးစေတန်ရဲ့ အကြံအစည်တွေချည်းပဲ . . . ."
စေတန်ကတော့ လက်ကိုသာ ကာပြကာ -
"အကျွန်ုပ်ရဲ့ အကြံစည်လို့ တကယ်ပဲထင်နေတာလား မီရာ . . . မင်းသေချာပြန်စဉ်းစားကြည့်ပါ . . မင်းကို halo အခု ၄၀၀ ချိတ်ခိုင်းခဲ့တာက တီဂေါလ်လား အကျွန်ုပ်လား . .
နောက်ပြီး နိမ်နဲ့ မီရာနဲ့ကို နီးစပ်အောင် အကျွန်ုပ်လုပ်ပေးမယ်ပြောတုန်းကကော ဘယ်သူကမှမတားပါပဲလျက် သင်ကိုယ်တိုင်က ငြင်းဆန်ခဲ့တာမဟုတ်ပါလားမီရာ . ."
ဟုပြောလိုက်ရာ မီရာကတော့ ဘာကိုမှမယုံကြည်နိုင်သလိုနှင့် ခေါင်းကိုသာတဆတ်ဆတ်ခါရင်း ပြန်ပြောလိုက်သည်။
"ဟင့်အင်း ဟင့်အင်း . . . . ရှင်လိမ်နေတာ စေတန် . . တီဂေါလ်က အဲ့လိုမျိုးလုပ်စရာ ဘယ်လိုအကြောင်းမှမရှိနိုင်ဘူး . . အာဒံနဲ့ဧဝတုန်းကတောင်မှပဲ ရှင်ဖျက်ဆီးလို့ပဲ ပန်းသီးတစ်လုံးကြောင့် ကမ္ဘာဂြိုဟ်ကလူတွေ ခုထိကျိန်စာသင့်နေကြရတာ . . . . "
"ဟားဟား . . . မင်းအရမ်းရယ်ရတယ် မီရာ . . . ကမ္ဘာဂြိုဟ်ကလူတွေက အာဒံနဲ့ဧဝစားခဲ့မိတဲ့ ကမ္ဘာဦးပန်းသီးကြောင့်ကျိန်စာသင့်နေရတာတဲ့လား . . ဟုတ်လား . . သူတို့သာကျိန်စာသင့်နေရတာဆိုရင် သူတို့ဘာကြောင့်ပျော်နေရတာလဲ . .
အခုနီဘီရုမှာကောသူများတွေကိုပျော်အောင် halo ချင်းချိတ်ပေးနေတဲ့မင်းတောင် ပျော်နေလို့လား . . .
ကြည့်စမ်းပါဦး . . .မင်း halo ချင်းချိတ်ပေးနေတဲ့သူတွေကျတော့ကော . .သူတို့ပျော်နေကြတယ်ထင်လို့လား . . . သူတို့ခမျာ မင်းကိုကြောက်ကြလန့်ကြလို့ မဟာရာဇ်မှာ နေ့မအိပ်ရဲ ညမအိပ်ရဲနဲ့ အခုဆို သူတို့စိတ်ထဲမှာ စိုးရွံ့မှုတွေ ထိတ်လန့်မှုတွေနဲ့ ငြိမ်းချမ်းမှုကို ဖျက်ဆီးတာ တီဂေါလ်လား . . စေတန်ဆိုတဲ့အကျွန်ုပ်လား သေချာစဉ်းစားပါ . . ."
"ကျွန်မ . . . ကျွန်မ . ."
မီရာတစ်ယောက် တွေဝေသွားပြီးဘာပြောလို့ပြောရမှန်းမသိသော အခြေနေတစ်ခုသို့ ရောက်ရှိသွားခဲ့ပါသည်။ မီရာက သူ့အပေါ်တွင်ရှိသော သူနှင့်အိုင်းစတိုင်းတို့ halo ချင်းချိတ်ဆက်ဖြစ်ပေါ်လာသော အချစ်ဓာတ်ဖူးစာအငွေ့အသက်များကိုကြည့်ပြီးနောက် -
"ကျွန်မ . . ကျွန်မ အိုင်းစတိုင်းနဲ့ချစ်သူမဖြစ်ချင်ဘူး . . .ဒါပေမယ့် အခု သူနဲ့ halo ချင်းချိတ်ဆက်မိသွားပြီ . . ."
ဟုပြောလိုက်သည်။ အိုင်းစတိုင်းကတော့ ခေါင်းကိုသာ ငုံ့ထားလိုက်သည်။ အနည်းဆုံးတော့ အိုင်းစတိုင်းက သူရှိနေစဉ် သူ့ဘေးမှာ မီရာဒီလိုစကားမျိုးကိုပြောရန် အားနာသင့်သည်ဟု ထင်မိသည်။ စေတန်က အိုင်းစတိုင်းကို တစ်ချက်သာလှည့်ကြည့်ပြီးနောက် မီရာ့ကိုကြည့်ကာ -
"ငါဘာမှတော့ သိပ်မပြောချင်တော့ဘူး . . မီရာ . . ငါဘာပြောပြော အားလုံးက ငါ့ကို ကုန်းချောတယ်လို့ပဲထင်ကြမှာလေ . . . မင်းနဲ့ နိမ်နဲ့ ပြန်နီးစပ်ဖို့ အဖြေတစ်ခုကတော့ရှိမှာပဲ . . . ဒါပေမယ့် တစ်ခုတော့ပြောပြချင်တယ် . . .
ညီမျှခြင်းဆိုတာသာရှိနေရင် ငြိမ်းချမ်းမှုဆိုတာဘယ်တော့မှရှိလာမှာမဟုတ်ဘူး . ၊ နိမ်နဲ့နီးစပ်အောင်လုပ်ဖို့ကတော့ မင်းဘာသာမင်းသာ ကြိုးစားကြည့်ပေါ့ . . ."
ဟုသာပြောလိုက်ပြီး အားလုံးကိုကြည့်ကာ -
"ကဲ အစည်းအဝေးသိမ်းမယ် . ."
ဟု အလွန်အောင်သောအသံကြီးနှင့်ပြောလိုက်ပါတော့သည် . . .။
မီရာက အိုင်းစတိုင်းကိုကြည့်ကာ . . .
"အိုင်းစတိုင်း . . . ငါသွားတော့မယ် . ."
ဟုသာပြောကာ လှည့်ထွက်ခဲ့ပါတော့သည်။ အိုင်းစတိုင်းက မီရာ့လက်ကိုဆွဲကာ -
"ဘယ်သွားမလို့လဲ မီရာ . . "
ဟုပြောလိုက်သည်။
"ငါလုပ်ပေးခဲ့သမျှအကုန်လုံးကို ဘာမှမဖြစ်ခဲ့သေးတုန်းကလို အရာရာကို ပြန်ရုတ်သိမ်းပေးမလို့ . . ."
"မီရာ . . . နင်အဲ့လိုလုပ်လိုက်ရင် ဘာဖြစ်လာမယ်ဆိုတဲ့ အကျိုးဆက်ကို နင်သိလို့လား . . နောက်ပြီး နင်မသိဘဲနဲ့ဘာတွေသွားလုပ်ဦးမလို့လဲ . . ."
မီရာက အိုင်းစတိုင်းရဲ့လက်ကိုဆတ်ခနဲပြန်လွှတ်ချပြီးနောက် -
"အိုင်းစတိုင်းရယ် . . နင်စဉ်းစားကြည့်ပါဟာ . . . တကယ်တမ်းမှာ ငါဟာ ကမ္ဘာဂြိုဟ်ရဲ့ချစ်ခြင်းတရားတွေကို တာဝန်ယူထားရပြီး နီဘီရုနဲ့ လားလားမှမဆိုင်တဲ့သူတစ်ယောက်ပါဟာ . . . တာဝန်တစ်ခုကြောင့် ဒီစတုပြည်ထောင်မှာ လာဝင်စားနေရတဲ့သူ . . ငါ့အတွက် ဘာအကျိုးအမြတ်မှမရတဲ့အပြင် ငါ့ချစ်ခြင်းတရားတွေက တာဝန်တစ်ခုနဲ့ပြန်ပြီးထိန်းချုပ်ခံထားရပြန်တယ် . . .ပန်းတိုင်မရှိတဲ့တာဝန်မျိုး . . . သူတို့ချိတ်ခိုင်းတဲ့ halo ၄၀၀ မှာ အခု ၄၀၀ မြောက်က ဘာလို့ . .ဘာလို့ ငါနဲ့နင်ရဲ့ halo တွေဖြစ်နေရတာလဲ အိုင်းစတိုင်း . . . ငါ့ . . . ငါ့မှာ ငါနဲ့ချစ်တဲ့ နိမ်နဲ့ ဝေးပြီပေါ့ အိုင်းစတိုင်းရဲ့ . . .
နင် . . နင်ကတော့ အသက်ဓာတ်မဲ့တဲ့ ပရမတ္တအမှုန်က ပြန်လည်မွေးဖွားလာသူဆိုတော့ ဒါတွေဘယ်ခံစားတတ်ပါ့မလဲ . ."
ဟုပြောလိုက်သည်။
"အသက်ဓာတ်မဲ့တဲ့ ပရမတ္တအမှုန်" ဆိုသော စကားလုံးတို့က အိုင်းစတိုင်းရဲ့ နှလုံးသားထဲကို ပြင်းထန်စွာ အကြိမ်ကြိမ်ပဲ့တင်ရိုက်သွားခဲ့ပြီးနောက် မီရာ့ကိုစေ့စေ့ကြည့်ကာ -
"ဘာ . . . အသက်မဲ့တဲ့ ပရမတ္တအမှုန်ကပြန်လည်မွေးဖွားလာလို့ ခံစားချက်မရှိဘူး . . .ဟုတ်လား မီရာ . . .
အေး . . ခံစားတတ်တယ်ဟ . . ခံစားတတ်တယ် . . .ပဋိသန္ဓေချင်းမတူပေမယ့်လည်း super massive black hole ထဲမှာ ခြားနားစွာ ပဋိသန္ဓေနေခဲ့ရပေမယ့်လည်း ခံစားတတ်တယ် . . နင်အခု ငါ့ခေါင်းပေါ်မှာမြင်နေရတဲ့ နင်နဲ့ချိတ်ထားတဲ့ halo တွေလား . . .ဒါ အတုအယောင်မဟုတ်ဘူး . . . ခံစားချက်ကြောင့်ဖြစ်တာဟ ခံစားချက်ကြောင့်ဖြစ်တာ . . .
တစ်ခါတည်းပြောလိုက်မယ် . . . ဒီ halo က စေတန်ငါ့ကို တပ်ပေးခဲ့တာမဟုတ်ဘူး . . . halo ဆိုတာ ဖန်ဆင်းချင်တိုင်းဖန်ဆင်းလို့ရတဲ့အရာမဟုတ်ဘူး . . ခံစားချက်အရ အလိုအလျောက်မွေးဖွားလာတဲ့အရာ . . .
ပြောမယ်ဟာ . . . နင့်ကို စေတန်ရဲ့ ပရိယာယ်က လွတ်မြောက်စေအောင် ကြံရင်း နင့်အပေါ်ဖြစ်လာတဲ့ ဂရုနာစိတ်ကနေပေါက်ဖွားလာတဲ့ အချစ်စိတ်ကြောင့်ဖြစ်လာတဲ့ halo ဟ . . . "
ဟုအော်ဟစ်ပြောဆိုလိုက်ရင်း မီရာ့ကိုသာဖက်ထားလိုက်ရင်း မျက်ရည်တို့က အတောမသတ်နိုင်ဘဲကျလာပါတော့သည်။
"နင့်ကို ငါအရမ်းချစ်တယ် . . မီရာရ . . နင့်ကိုငါအရမ်းချစ်တယ်. . ."
မီရာကတော့ ဘာလုပ်လို့ပင်လုပ်ရမှန်းမသိတော့ဘဲ မျက်ရည်တို့ကကျလာပြီး . . .
"အိုင်းစတိုင်း . . ငါ . .ငါ . .ငါ့မှာချစ်သူရှိတာကို နင်လည်းသိရက်နဲ့ဟာ . . . နင်ငါ့ကို ချစ်လို့မရဘူး. . .ဟ . . ဘာမှမဖြစ်ခဲ့တုန်းကအတိတ်လို ငါအကုန်ပြန်ရုတ်သိမ်းခဲ့ရင်အခု halo လည်းပျက်သွားမှာ . . . ."
ဟုသာပြောရင်းနှစ်သိမ့်လိုက်သည်။
သူတို့နှစ်ဦးလုံးကတော့ အကြောင်းကိုယ်စီနှင့်ငိုကြွေးကာ အတန်ကြာစကားတစ်ခွန်းမှမပြောဘဲ ပွေ့ဖက်လျက်သာရှိနေကြလေသည်။ အချိန်အနည်းငယ်ကြာတော့မှ မီရာက အိုင်းစတိုင်းနှင့် ဖယ်လိုက်ပြီးနောက် -
"ငါ အရာအားလုံးကို ဘာမှမဖြစ်တုန်းကလို သွားပြင်တော့မယ်နော် . .အိုင်းစတိုင်း . . . အရာအားလုံးအဆင်ပြေသွားမှာပါ . . ."
ဟုသာပြောရင်း အိုင်းစတိုင်း၏ အဝေးသို့သာတစ်လှမ်းချင်း လှမ်းရင်းသာ တရွေ့ရွေ့ထွက်ခွာသွားပါတော့သည်။ သို့သော် မီရာ အိုင်းစတိုင်းဘေးမှ ခြေလှမ်း ၁၀ လှမ်းခန့်ပင်မပြည့်သေးချိန်မှာ နိမ်ရဲ့ အော်ခေါ်သံအချို့ကို မီရာကြားလိုက်ရသည်။
"မီရာရေ . . . မီရာ . . . ."
"နိမ် . . .နိမ် . . ရှင်ဘယ်မှာလဲ . . ."
နိမ်က ခဏနေတော့ မီရာ့နားကိုရောက်လာပြီးနောက် -
"မီရာရယ် . . . ဒီဘက်နေရာတွေရဲ့ ကောင်းကင်ယံမှာ အလင်းတန်းတွေတွေ့လို့လိုက်လာတာ . . .တော်ပါသေးရဲ့ . မီရာ ဘာများဖြစ်နေပြီလဲလို့ . . . .ဒါနဲ့ခဏနေဦးမီရာ . . ."
ဟုပြောလိုက်ပြီးနောက် နိမ်က မီရာ့ရဲ့ ဦးခေါင်းပေါ်ကိုတစ်ချက်ကြည့်မိလိုက်သည်။ မီရာ့ ဦးခေါင်းအနီးတစ်ဝိုက်မှာတော့ ကောင်းကင်ကအလင်းတန်းအချို့ရဲ့ ရောင်ပြန်ဟပ်မှုကြောင့် halo ကွင်းလေးက အရောင်သဲ့သဲ့လေးပေါ်နေလေသည်။ နိမ်က မီရာ့နားကနေ တစ်လှမ်းချင်းလှမ်းကာ လှည့်ပတ်ကြည့်ရှုရင်းနှင့်ပင်-
"မီရာ . . .နေဦး . . . မီရာ့ရဲ့ ခေါင်းပေါ်ကကွင်းလေးက halo ဆိုတာလေးလား . . .ကိုယ် . .ကိုယ် halo တွေကို မြင်နိုင်နေတာတော့ မဟုတ်ပါဘူးနော် . . "
ဟုပြောလိုက်သည်။ မီရာကတော့ စကားကိုပိတ်သော်လည်းမရ။
"နိမ့် . . မဟုတ်ဘူး . . နိမ့် . . မီရာ ရှင်းပြ . "
"ဟုတ်တယ် . . မီရာ . . .မီရာ့ရဲ့ခေါင်းပေါ်မှာ တကယ်ပဲ halo လေးရှိနေတယ် . . . . ဟိုတစ်ယောက် . .
မီရာ့ရဲ့နောက်ကတစ်ယောက်ကလည်း halo ထွက်နေတယ် . . . မီရာတို့ halo နှစ်ခုကြားမှာ ပန်းရောင်အခိုးအငွေ့လေးတွေနဲ့ပါလား . . .
ဟား . . .မီရာ . . . ကိုယ် halo တွေ မြင်နေနိုင်ပြီကွာ . . .ဟာ ကိုယ်အရမ်းပျော်တာပဲ . . ."
နိမ်ကတော့ halo နှစ်ခုစလုံးကို သေချာကြည့်ပြီးပျော်နေသော်လည်းအခြေနေတို့ကိုသိနေသော မီရာနှင့် အိုင်းစတိုင်းတို့ကတော့ မျက်နှာတည်နှင့်သာ မလှုပ်မယှက် ငြိမ်သက်ကာသာနေမိနေလေသည်။
"မီရာ . . . ဒါဆို မီရာ halo အခု ၄၀၀ မြောက်ပြီပေါ့နော် . . .ကိုယ်အရမ်းပျော်မိတာပဲ . . . ကိုယ်တို့ကို ဒါဆို ဘယ်အရာကမှ မခွဲနိုင်တော့ဘူးပေါ့ . . ."
နိမ်ကပြောရင်းနှင့် မီရာ့လက်ကလေးကို လှမ်းကာဆွဲကိုင်လိုက်သည်။ နိမ်ရဲ့လက်က မီရာ့အနားအရောက်တွင် ရုတ်တရက်အေးစက်သွားပြီး မီရာ့လက်များကပါအေးစက်လို့နေလေသည်။
မီရာ နိမ့်ရှေ့မှာ မျက်ရည်တွေကိုဖုံးကွယ်မထားနိုင်တော့ . .။ မျက်ရည်စက်တို့ကကျလို့သာလာလေသည်။ သို့သော် ကောင်းကင်အလင်းတန်းများကြောင့် နိမ်ကတော့ ဒါကိုမမြင်မိပါ။ သို့သော် . .
"ဟင် . . .မီရာ့လက်တွေကအေးစက်နေတာပဲနော် . . .
နောက်ပြီး ကိုယ့်လက်တွေလည်းအေးစက်ပြီးတော့ ထုံကျင်နေတာပဲ . . .
ဘယ်လိုဖြစ်တာလဲဟင် မီရာ"
ဟုသာမေးလိုက်သော်လည်း မီရာကတော့ ဘာကိုမှထွေထွေထူးထူးမဖြေဘဲ နိမ့်ကိုသာ မျက်လုံးအဝိုင်းသားလေးနဲ့ကြည့်နေမိလေသည်။ နိမ်ကတော့ ဆက်၍ -
"မီရာ . . .ဘာဖြစ်တာလဲလို့ . ."
ဟုမေးသော်လည်း မီရာကဘာမှမပြောသောကြောင့် နိမ်က ဘာမှသာမပြောဘဲ မီရာ့နှုတ်ခမ်းကိုစုပ်ယူနမ်းရှိုက်လိုက်ပါတော့ သည်။ နမ်းလိုက်သည်ဟုသာဆိုသော်လည်း မီရာ့အနားသို့ရောက်ခါနီးစဉ်တွင် နိမ့်နှုတ်ခမ်းများခြောက်ကပ်အက်ကွဲသွားသလို မီရာ့နှုတ်ခမ်းများ ခြောက်ကပ်အက်ကွဲသွားသောကြောင့် ထင်မိသည်။ ကွဲအက်နေသော နှုတ်ခမ်းနှစ်ခုအထိအတွေ့ကတော့ ဘာအသိကိုမှမပေးနိုင်ဘဲ ကွဲအက်အက်နှုတ်ခမ်းတွေ စပ်လာသလို ကျဉ်လာသလို . . .။ နိမ်က မီရာနှင့်နှုတ်ခမ်းချင်းခွာလိုက်ပြီးနောက် မီရာ့ပုခုံးကိုကိုင်ရင်း -
"မီရာ . . . ကိုယ့်ကိုပြောပါဦး . . .ဘာတွေဖြစ်နေတာလဲဟင် . . အခုတာဝန်အရ halo ၄၀၀ ပြည့်ပြီမဟုတ်လားလို့ . . . ကိုယ်တို့ ပေါင်းဖက်လို့ရပြီမဟုတ်လားဟင် . . ."
ဟုပြောလိုက်သည်။ မီရာက နိမ့်ကိုကြည့်နေဆဲကနေ သက်ပြင်းတစ်ခုချလိုက်ရင်း အေးစက်စွာပင်ပြန်ပြောလိုက်သည်။
"နှစ်ယောက်ကြားမှာ နွေးထွေးမှုတွေပျောက်ဆုံးပြီး အေးစက်မှုတွေဝင်လာတာ . .
ကုန်ကုန်ပြောမယ် . . . အချစ်တွေထုံသွားတာ . . "
"ဟမ် . . . ဘယ်လိုမီရာ . . ."
"စေတန်ဆိုတာထက် ကိုယ်ချင်းစာစိတ်မဲ့တဲ့ တီဂေါလ်ရဲ့လုပ်ရပ်တွေပဲ . .
ကျွန်မလုပ်ခဲ့တဲ့ အရာတွေအကုန် ပြန်သွားရုတ်သိမ်းရမယ် . . အရာအားလုံးက အရင်လိုပြန်ဖြစ်စေရမယ် . . ."
ဟုပြောရင်း လက်တစ်ဖက်ကို ရမ်းလိုက်ရာ အိုင်းစတိုင်းကော နိမ် ပါလွင့်စင်သွားပြီး မီရာကတော့ အဝေးတစ်နေရာကိုသာ ခပ်သုတ်သုတ်လျှောက်သွားပါတော့သည်။ အိုင်းစတိုင်းကတော့ ထကာ-
"မီရာ . . . အကုန်မှားမယ်နော် . . အားလုံးက စေတန်ရဲ့ ပရိယာယ်သပ်သပ်တွေချည်းပဲ . . ."
ဟုအော်လိုက်သော်လည်း မီရာကတော့ ကြားနိုင်လိမ့်မည်ဟုပင် မထင်ရလောက်အောင် အတော်ဝေးဝေးသို့ပင်ရောက်နေလေပြီ . . .။
ရွေးချယ်စရာမရှိတော့ပြီမို့ မီရာ့နောက်ကိုလိုက်ရန်တစ်နည်းသာ ရှိပါတော့သည်။
× × × × × × × × × × × × ×
ဇာတ်သိမ်းပိုင်းကိုဆက်ရန်
Own Feeling @ 2018 by
ကာရှိုင်း (ကြယ်စင်ချစ်သူ)