ပြောမယုံကြုံမှသိ

ပြောမယုံကြုံမှသိ-၁

ပရလောကသားတွေအကြောင်းဆိုတာ တကယ်ပဲ ယုံရခက် မယုံရခက်ပါလား.............။ကျွန်တော်ငယ်စဉ်ကတည်းက အခုအသက်အရွယ်ထိ ပရလောကနဲ့ပါတ်သက်လို့ တခါမှမကြုံဖူးဘူးဗျ......................။
မယုံ ကြုံမှသိဆိုသလို တကယ်တွေ့တော့မှ ယုံမိပါတော့တယ်...။သရဲခြောက်ခံရတဲ့အကြောင်းတွေ၊ မှင်စာတွေ့ခဲ့ပုံတွေ၊ ပရလောကသားတွေက ကိုယ်ထင်ပြတဲ့ပုံတွေကို ရွာကလူတွေစပ်မိလို့ပြောကြရင် ကျွန်တော်အမြဲနားထောင်မိတယ်ဗျ...။စိတ်လဲဝင်စားတယ်..။အဲလိုမျိုးကိုယ်သာတွေ့ရင် ဘာလုပ်မိမလဲလို့ ကိုယ့်ကိုယ်ကိုလဲ ဝေဖန်ကြည့်ဖူးတယ်..။ရှေးလူကြီးတွေကပြောဖူးတယ်ဗျ.....................။သရဲခြောက်ခံရရင် အဲလူဟာ ကံနိမ့်ညံ့နေလို့တဲ့..။ကျွန်တော်ကပဲ အမြဲကံမြင့်နေလို့လားတော့မသိဘူးဗျ..။တခါမှတော့ သရဲအခြောက်ခံရဖူးဘူးဗျ..။ဒါပေမဲ့ ကျွန်တော့ရဲ့ ကံနိမ့်ညံ့တဲ့ နေ့ရက်တွေရောက်လာခဲ့ပြီ ထင်ပါတယ်................။

ကျွန်တော်တို့နယ်ဘက်မှာ စပါးရိတ်ရင် ရိတ်သိမ်းခြွှေလှေ့စက်နဲ့ ရိတ်ကြတာဆိုတော့ စပါးတွေကိုတခါတည်း အိမ်မသယ်နိုင်ကြဘူးလေ.....။လယ်တွေထဲမှာတင် ပုံထားပြီး လူစောင့်အိပ်ကြရတယ်ဗျ...။အဲအချိန်ဆို လယ်တောတွေထဲမှာ မီးတဝင်းဝင်းနဲ့ပေါ့...။ ညအခါ လယ်တောတွေထဲမှာ မီးတဝင်းဝင်းနဲ့ဆိုတော့ သိပ်တော့ကြောက်စရာမလိုဘူးဗျ...။အဲလိုနဲ့ အဖေက သား ဒီနေ့ လယ်ဃောကြီးက လယ်တွေရိတ်တာ..။စပါးပုံးကြီးတွေမသယ်နိုင်လို့ မင်းအဲကိုသွားအိပ်လိုက်အုံး......................။ဗျာ................။လယ်ဃောကြီးဆိုတဲ့ အသံကြားလိုက်တာနဲ့ ကျွန်တော့စိတ်တွေ ပျာယာခက်သွားတယ်ဗျ..,..........။လယ်ဃောကြီးဆိုတဲ့ လယ်ပွဲက ရွာရဲ့မြောက်ဖက် နာရီဝက်လောက်လမ်းလျောက်ရင် ရောက်တယ်ဗျ..။သစ်ပင်ကြီးတွေနဲ့ အုပ်ဆိုင်းပြီ........သရဲအရမ်းခြောက်တယ်ဆိုပြီး နာမည်ကြီးတဲ့နေရာတခုပေါ့.......။ဟာ...အဖေကလဲ အဲလယ်ဃောကြီးက သရဲအရမ်းခြောက်တာတဲ့ဗျ....။တစ်ယောက်အိပ်ရမှာလား...။တယောက်ထည်းဆိုရင်တော့ ကြောက်တယ်....။သွားအိပ်ရဲဘူး.............။ဟား......ဟား.........။
မင်းတစ်ယောက်ထည်း မဟုတ်ပါဘူးကွာ...။မင်းအကိုနဲ့ပါကွ..။မင်းတစ်ယောက်ထည်းလဲစိတ်မချပါဘူး...။ဟုတ်ကဲ့ပါ.. ။နှစ်ယောက်ဆိုရင်တော့ ကြိုက်သလောက်ခြောက် အက်ကွဲနေအောင်ခြောက်ပါစေ အိပ်ရဲတယ်....။ဟာမင်းကလဲကွာ ကိုယ့်လယ်ပွဲ ကိုပဲ...။အဲလယ်ပွဲက ကိုယ့် အရှင်ဆိုရင်မခြောက်ပါဘူးကွ....။စိမ်းတဲ့သူပါရင်တော့....။ဟာ အဖေကလည်း ကြောက်ပါတယ်ဆိုမှ...။ကဲကဲ မင်းထမင်းချိုင့်နဲ့ထည့်သွား တော်ကြာမိုးချုပ်နေမယ်...။မင်းအကိုက ရောက်နှင့်နေပြီ...။မင်းလာလိမ့်မယ်လို့ပြောထားတယ်...။ဟုတ်ကဲ့....။အဲခါနဲ့ အမေကထမင်းချိုင့်တွေ စောင်ထုပ်တွေထုပ်ပေးပြီး ညကြအိပ်မပျော်ရင် ရေနွေးသောက်ရအောင် ရေနွေးခရားကို လက်ကဆွဲပြီး သွားခဲ့တယ်ပေါ့ဗျာ.....,....................။

ကျွန်တော်သွားတဲ့အချိန်က နေဝင်မိုးချုပ်အချိန်ပေါ့...။ဝိုးတိုးဝါးတားနဲ့ အရားအားလုံးမကွဲတကွဲ မှုန်မှုန်ဝါးဝါးနဲ့ဆိုတော့ သွားရင်းသွားရင်း ကျောတွေတော့ ဖြန်းခနဲ ဖြန်းခနဲ ကြက်သီးတွေထနေတာပေါ့ဗျာ...။ဟင်..ငါဘာလို့ကြောက်နေလဲ..။ဘေးပတ်ဝန်းကျင်မှာ လူတွေရှိနေတာပဲ...။ကိုယ့်ကိုယ်ကို အားတင်းထားတုန်း....ဖွားခနဲ...ဖွားခနဲ...ဆေးလိပ်မီးကြီးတဖွားဖွားနဲ့ဗျာ ကျွန်တော့ရှေ့မလှမ်းမကမ်းမှာ....။ဟား.......။အမလေး......ဆိုပြီး ခေါင်းကြီးပဲ ကြီးလာသလိုလို....။ဆံပင်တွေပဲထောင်လာသလိုလို..ဖြစ်သွားပြီး လက်ထဲကိုင်ထားတဲ့ ဓာတ်မီးနဲ့ ဆက်ခနဲထိုးကြည့်လိုက်တော့...။ဟာ.....ကိုသန်းလွင်ရာ...အမှောင်ကြီးထဲမှာဗျာ......အသံမပေးဘာမပေးနဲ့...။ဟင် ..လှန့်လိုက်တာဗျာ....။ဟား......မင်းလာလိမ့်မယ်လို့ မင်းအကိုပြောသွားတယ်ကွ...။မှောင်နေရင် ငါ့ညီကိုလိုက်ပို့လိုက်ပါအုံးဆိုလို့ ငါစောင့်နေတာကွ...။အေးဗျာ.....။ကျွန်တော်လဲကြောက်နေတာဗျ....။မင်းအကြောင်းသိလို့လဲ ငါစောင့်နေတာကွ.........။ကိုသန်းလွင်ဆိုတာကလဲ ကျွန်တော့ အကိုဝမ်းကွဲဗျ....။ကျွန်တော့ဆို သိပ်အလိုလိုက်တဲ့ အကိုပေါ့...။ကဲကဲ သွားရအောင် မင်းအကို တစ်ယောက်တည်းပျင်းနေလောက်ပြီ....။

ညီအကိုနှစ်ယောက်သား စကားတပြောပြောနဲ့ သွားရင်း....ကိုသန်းထွန်း...ကိုသန်းထွန်း...ဟေ့....မီးတွေမွှေးလို့ပါ့ရောဟ...အေးကွာ....ငါ့အကျင့်သိရဲ့သားနဲ့ တောထဲအိပ်ရင်မီးလေးမွှေးပြီးနေရတာကိုက သဘောကျတာကွ...။ဒါနဲ့ မင်းတို့ ဘာတွေလုပ်နေတာလဲကွ...။ထင်းတွေလဲယူမလာဘူး..။ဘယ်ကထင်းတွေလဲဗျ.....။ဟာ...ခုနတောင်နားက..ရှားပင်တွေအောက်မှာ....ထင်းတွေချိုးနေတာမင်းတို့မဟုတ်ဘူးလားဟ....။ဘယ်ကလာ ကျုပ်တို့ တန်းတန်းမက်မက်လာတာ ဘာထင်မှမချိုးဘူး....။ဟာ....။နေဝင်ရိုးရီ ဆိုတော့ လူကသိပ်မသဲကွဲဘူးကွ မင်းတို့ နှစ်ယောက်မှတ်နေတာ.....။ပြီးတော့ တဲဆီကို စကားတပြောပြောနဲ့ လာတာကွ....။ငါလဲ...မင်းတို့ နှစ်ယောက်ဆိုပြီး အေးဆေးလုပ်နေတာ....။အဲဒါဆိုရင်တော့....သရဲခြောက်ပြီကွ.....။စရောက်ရောက်ချင်းကိုပဲ ပညာပြပြီဟေ....။ကြောက်တတ်တဲ့ ကျွန်တော်နဲ့ သရဲခြောက်တဲ့ လယ်ဃောကြီးနဲ့တော့ တွေ့ပြီဗျာ......။လယ်ဃောကြီးတဲ့....မခေပါ့လားဟ.........။လယ်ကန်သင်းပေါ်က ဇီးပင်အုပ်အုပ်လေးအောက်မှာဆောက်ထားတဲ့ တဲလေးရှေ့မှာ မီးဖိုလေး ဖိုပြီးနေနေတာဗျ...။ကဲကဲ ထမင်းစားရအောင် ဗိုက်ဆာပြီကွ...........။ဟုတ်ကဲ့..ဆိုပြီး ကျွန်တော်လဲ ယူလာတဲ့ ချိုင့်လေးတွေ လှပ်ပြီး ညီအကိုနှစ်ယောက်သား စာစာနဲ့ ထမင်းစားတာပေါ့...။ကိုသန်းလွင် စားအုံးဗျာ...။ထမင်းတွေမှအများကြီး...။ဟာ....စားပါကွာ..။ငါကစားခဲ့ပြီးသားကွ...။အိမ်ကစားလာပြီးမှ ငါ့စပါးပုံလဲလာကြည့်ရင်း မင်းညီကိုလိုက်ပို့တာကွ...။အင်းဗျာ...မဆာဘူးဆိုရင်လဲ ရေနွေသောက် လ္ဖက်သုပ်စားအုံးဗျာ...။သောက်မှာပေါ့ကွာ အေးဆေးပေါ့...။ဟာ.........မေ့နေတယ်ဟေ.,............။ဘာတုန်းဟ သန်းထွန်းရ အလန့်တကြားကွာ...။ဦးဦးဖျားဖျား ထမင်းဒါနလုပ်ဖို့မေ့နေတယ်ဟေ...............။ဟင်.....မင်းကလဲကွာ...ဒီလယ်ပွဲအကြောင်းလဲ မင်းသိရဲ့သားနဲ့ကွာ...။အေးဗျာ...။ကျုပ်လဲဆာဆာနဲ့စားလိုက်တာဗျို....။ကဲကဲ ငါ့ညီ ကျွန်တော်တို့ဟာ လယ်ရှင်တွေပါ....... မခြောက်ပါ မလှန့်ပါနဲ့.......ဘာညာဘာညာ...........ပြောပြီးထမင်းလေး ဆီးပင်ခြေရင်းပုံလိုက်အုံးကွာ...။ကျွန်တော်လဲ အကိုပြောတဲ့အတိုင်း ပြောဆိုပြီးထမင်းပုံလိုက်တာပေါ့...။အဲလိုနဲ့ ခနကြာတော့...............

Photo, google
written by htetlinaungg
MSC: 078