လူ့ဘ၀ကိန်းဂဏန်း

လူ့ဘဝကို ကိန်းဂဏန်းနဲ့တွက်ကြည့်ရင် ရက်သုံးသောင်းပဲ ရှိပါတယ်။ မယုံရင် တွက်ကြည့်လိုက်ပါ။
30,000÷ 365 = 83(နှစ်)
တကယ် ၈၃နှစ်ထိ အသက်ရှင် ခဲ့ရင်တောင် ပျှမ်းမျှ ရက် ၃သောင်းပဲ ရှိပါတယ်။ ဒါတောင် ကျွန်တော်တို့ ရက်ပေါင်း ဘယ်လောက်ကို မသိမသာကျော်ခဲ့ သလဲဆိုတာပြန်မနှုတ်ကြည့်ရသေးပါဘူး။

Images Credit - Original Source
ကျွန်တော် အစက လူ့ဘဝကို ဖာသိဖာသာပဲထင်ခဲ့တာ။
ဒီနေ့ပြီး မနက်ဖြန်။
မနက်ဖြန်ပြီး သန်ဘက်ခါ။
သန်ဘက်ခါပြီး ဖိန်းနွှဲခါပေါ့။
ဒါပေမယ့် ဒီ ကိန်းဂဏာန်းကိုမြင်ပြီးတဲ့နောက်ပိုင်းမှ လူ့ဘဝဟာ တိုတိုလေးပါလားဆိုတာ သိလိုက်ရတယ်။
သင် ငြိမ်ငြိမ်လေးထိုင်ပြီး တွေးခဲ့မိဖူးသလား။
သင့်ရဲ့ဘယ်နှစ်ရက်က ပျော်ရွှင်ခဲ့လဲ?
ဘယ်နှစ်ရက်က ဒေါသထွက်ခဲ့သလဲ?
ဘယ်နှစ်ရက်က ငြိမ်ငြိမ်သက်သက်ဖြတ်သန်းခဲ့လဲ?
ဘယ်နှစ်ရက်က ပြီးပြည့်စုံတယ်ခံစားရလဲ?
ဘယ်နှစ်ရက်က အထီးကျန်တယ်ထင်ရသလဲ?
ဘယ်နှစ်ရက်က မိမိကိုယ်ကိုယ် အတွက်လဲ?
ဘယ်နှစ်ရက်က သူတစ်ပါးအတွက် ဖြစ်ခဲ့သလဲ?
ဒီလောက် လူ့ဘဝ ရက်ပေါင်းတိုတိုလေး အတွင်းမှာ….ဘယ်လို အခိုက်အတန့်တွေက တန်ဖိုးအရှိဆုံးအချိန်တွေလဲ? လူ့ဘဝဟာ တန်ဖိုးရှိမှန်း ကျွန်တော်တို့သိကြပါတယ်။ ဒါပေမယ့် ဘယ်နှစ်ယောက်ကများ သွားတန်ဖိုးထားပေးတတ်ကြလို့လဲ??
ရှေးလူကြီးတွေပြောဖူးတယ်။ ” ကောင်းကင်က အပ်တစ်စင်းနဲ့ လူ့ပြည်က အပ်တစ်စင်းထိဖို့လွယ်မယ်.. လူဖြစ်ဖို့က ခဲယဉ်းတယ် .. ဒါပေမယ့် သေဖို့ကတော့ မြေကြီးလက်ခတ်မလွဲဘူးဟေ့“ တဲ့။ ဒါ့ကြောင့် ကျွန်တော်တို့တစ်ရက် အသက်ရှင်နိုင်သရွေ့ တစ်ရက် မိမိကိုယ်ကို ဘယ်လိုမြတ်နိုးရမလဲဆိုတာ တွေးတတ်ဖို့လိုမယ်။ မိမိအိပ်မက်အတွက် အကောင်အထည်ဖော်နေစဉ် ဘေးက ဖြတ်သွားတဲ့ရှုခင်းကို ကြည့်ဖို့လဲ မမေ့ပါနဲ့။ လူ့ဘဝ ရက် သုံးသောင်းရဲ့ ကုန်ခါနီးကျမှ ဘေးကရှုခင်းတွေ မကြည့်ရမိပါလားလို့ နောင်တရနေလဲ မထူးတော့ပါ။
မိမိကိုယ်ကို နေရာလွတ်ပေးထားပါ။ မိမိရဲ့ အချိန်တွေကို အလုပ်က တစ်ကန့်.. မိသားစုက တစ်ကန့် ခွဲထားပါ။ ဖျော့တော့တော့ နေရောင်ခြည်လေးကိုနင်းသွားရင်း ပန်းခြံထဲက မြက်ခင်းကြားက အုတ်လမ်းလေးပေါ် လျှောက်ကြည့်ပါ။ ငြိမ်သက်တဲ့ညအခါမှာ ဝရန်တာပေါ်က ပလက်ကုလားထိုင်ပေါ်ထိုင်ရင်း လပေါ်က နတ်သမီးလေးနဲ့ ယုန်ပြေးလွှားဆော့ကစားတာကို ကြည့်ရင်း ကောင်းကင်ပေါ်က မိမိရဲ့ ဂြိုလ်ခွင်ကို ရှာကြည့်ပါ။

Images Credit - Original Source
သေသေချာချာ စူးစူးစိုက်စိုက်လုပ်ကြည့်ပါ… လူ့ဘဝထဲက ပုန်းအောင်းနေတဲ့ သင်လှည့်မကြည့်ခဲ့တဲ့ ရှုခင်းလှလှလေးတွေ အများကြီး ကျန်သေးနေတယ်ဆိုတာ သင်ရိပ်စားမိလာမှာပါ။ အမည်မသိကဗျာဆရာ တစ်ယောက်ပြောဖူးတယ်။ ”လူ့ဘဝကိုခံစားတတ်တဲ့ထဲမှာ သဘာဝကိုခံစားတတ်ခြင်းက အကောင်းဆုံးဖြစ်တယ်တဲ့” လူ့ဘဝဟာ နဂိုကတည်းက အရောင်အသွေးစုံစုံလင်လင် ရှိပြီးသားပါ။ အလုပ်..ကျောင်း.. ပိုက်ဆံ.. ဂုဏ်ဒြပ်.. တွေကလွဲရင် အခြား ကျွန်တော်တို့သွားရှာဖွေဖို့ အများကြီး အများကြီး ကျန်ပါသေးတယ်။
အရသာရှိတဲ့ စားသောက်ဖွယ်ရာ.. နွေးထွေးတဲ့ မိသားစုဘဝ.. ပြာလဲ့လဲ့ကောင်းကင်.. စိမ်းညိုညို မြက်ခင်း.. ဖြူဖွေးဖွေး တိမ်တိုက်.. ကျယ်ပြောလှတဲ့ ပင်လယ်ပြင်…မြင့်မားလှတဲ့ တောင်တန်းတွေ..သီချင်း.. အတွေး.. တရားဓမ္မ.. သူငယ်ချင်းသံယောဇဉ်..စာပေ.. အားကစား.. တွေဟာ ကျောင်းစာအုပ် နဲ့ အလုပ်ပဲကလွဲရင်ရှာဖွေသင့်တဲ့အရာတွေပါ…။ တကယ်လို့ သင်က အလုပ်မှအလုပ်ပဲ.. ကျောင်းစာမှ ကျောင်းစာပဲလို့ ဖြစ်နေခဲ့ရင်တောင် အချိန်ပေးပြီး မိမိပတ်ဝန်းကျင်က အလှများကို ခံစားကြည့်လိုက်ပါ.. ဒီအချိန်မှ မခံစားကြည့်ရင် ဘယ်အချိန်ကို စောင့်စားနေဦးမှာလဲ?? မိမိကိုယ်ကို မြတ်နိုးတတ် ချစ်တတ်ပြီး အမြင်များပြောင်းလဲကြည့်ပေးပါ။
ကောင်းကင်က ဒီလိုပဲပြာတယ်။ သစ်ပင်တွေက ဒီလိုစိမ်းစိုတယ်။ လူ့ဘဝဟာလည်း တကယ်တော့ ဒီလိုပဲ လှပတယ်။ နှစ်တစ်ထောင်မှ တစ်ခါ မဖြစ်တဲ့လူ့ဘဝကိုတန်ဖိုး ထားတတ်နိုင်ကြပါစေ…..။