ထိန်းသိမ်းကြမယ်

"ဥတုရာသီ တောကို မှီ၏၊ တောတောင် စိမ်းမှ စမ်းရေရ၏ "တဲ့။ ကျနော်တို့ ငယ်ငယ်က စာသင်ခန်းထဲမှာ သင်ခဲ့ဖူးတဲ့ ဆိုရိုးလေး တစ်ပုဒ်ပါ။
တောတောင်ရဲ့စိမ်းလန်းရှင်သန်မှုနဲ့ သဘာဝစိမ့်စမ်းရေတို့ အပြန်အလှန်ထိန်းကျောင်းမှု ရှိတဲ့အကြောင်းလေးကို ရေးထားတာ ဖြစ်ပါတယ်။သစ်ပင်တစ်ပင်စိမ်းလန်းစိုပြည်နေစေဖို့ တောထဲတောင်ထဲမှာဆိုရင် စိမ့်ရေစမ်းရေကပဲ အထောက်အကူဖြစ်သလို စိမ့်ရေစမ်းရေတွေ ပေါပေါများများ စီးနေနိုင်ဖို့ကလည်း တောတောင်သစ်ပင်တွေ အုပ်ဆိုင်း ကြီးထွားနေဖို့လိုအပ်ပါတယ်။
ကမ္ဘာပေါ်မှာ လူသားတွေမရှိပဲ သဘာဝပတ်ဝန်းကျင်က ရှင်သန်နိုင်ပါတယ်။ လူသားတွေကတော့ သဘာဝပတ်ဝန်းကျင် မရှိပဲ ၊သစ်ပင်တွေမရှိပဲ ရှင်သန်နေထိုင်လို့ မရနိုင်ပါဘူး။ သစ်ပင်တစ်ပင် ရှင်သန်ကြီးထွားဖို့ နှစ်နဲ့ချီစောင့်ရတတ်ပေမဲ့ လူ့လက်ချက်နဲ့ သစ်ပင်တစ်ပင်ဘဝ အဆုံးသတ်သွားဖို့ကတော့ နာရီပိုင်း စက္ကန့်ပိုင်းလောက်ပဲ ကြာတတ်ပါတယ်။

အခုခေတ်ဆို တစ်ကမ္ဘာလုံးအတိုင်းအတာနဲ့တွက်ကြည့်တဲ့အခါ လူသားတေ်ိကြောင့် သစ်တောပျက်စီးမှုနှုန်းဟာ တစ်မိနစ်တိုင်းမှာ ပျှမ်းမျှ ဧက ၅၀ လောက် ပျက်စီးနေတယ်လို့ သိရပါတယ်။ ဘယလောက် နှမြောဖို့ကောင်းတဲ့ အတိုင်းအတာလဲ။
ကျနော်တို့လူသားတွေ အသက်ရှင်နေထိုင်ဖို့ အနည်းဆုံး ကျနော်တို့နားလည်ထားသလို သစ်ပင်တစ်ပင်ကနေ ကာဗွန်ဒိုင်အောက်ဆိုဒ်ကို စုတ်ယူတယ်။ ကျနော်တို့လူသားတွေအတွက်လိုအပ်တဲ့ အောက်ဆီဂျင်ကို ထုတ်ပေးတယ်။ အဲ့လို လူသားတွေရဲ့အသက်ရှင်မှုကို ဖြည့်ဆည်းပေးနေတဲ့ သစ်ပင်တွေကို သတ်လိုက်ပြီး လူသားတွေက ကိုယ်အသက်ကို နုတ်ယူနေကြသလို ဖြစ်နေပါပြီ။
အထူးသဖြင့် ကမ္ဘာမှာ သယံဇာတထွက်ရှိမှု များပြားပြီး ကမ္ဘာ့အဆင်းရဲဆုံးနိုင်ငံစာရင်းဝင်တဲ့ မြန်မာနိုင်ငံပါပဲ။ ကျနော်တို့ မှတ်မိသလောက် သစ်တောတွေ သစ်ပင်တွေက ဒီ ဆယ်စုနှစ် နှစ်ခုလောက်အတွင်းမှာကို အတော်ကြီး ကုန်စင်ပြောင်းလဲလာနေပါပြီ။ တောင်တွေဆို ကတုံးတွေဖြစ်လာတယ်။ တချို့ သစ်ထုတ်ယူရခက်တဲ့ နေရာတွေမှာလောက်သာ အပင်ကြီး တချို့ကိုပဲမြင်ရတော့တဲ့အထိ တောတွေ တောင်တွေက ကွက်ကျားဆန်လာနေပါပြီ။ ဖားကန့်လို နေရာမှာလည်း ဘယ်လို သဘာဝပတ်ဝန်းကျင်အကြောင်းမှ ဟောပြောလို့ ရနိုင်မှာ မဟုတ်တော့ပါဘူး..။ တချို့ သစ်ထုတ်လုပ်တဲ့နေရာတွေမှာ သစ်ပင်ထိန်းသိမ်းမှုအကြောင်း သွားပြောလိုက်ရင်တော့ ကျနော်တို့အတွက် ခေါင်းတစ်လုံးပဲ လက်ဆောင်ပြန်ပေးခံလိုက်ရတော့မယ် ထင်ပါရဲ့။

ကျနော်တို့နိုင်ငံဟာ ဆင်းရဲတဲ့နိုင်င့်ဖြစ်တယ်။ အဲ့ဒီအတွက် လူတစ်ယောက်ဟာ သဘာဝပတ်ဝန်းကျင်ကို ချစ်တတ်ဖို့ထက် ကိုယ့်ဝမ်းရေးသည်သာ ကိုယ့်ပြဿနာ ဖြစ်နေတတ်တယ်။
အိန္ဒိယကငြိမ်းချမ်းရေးခေါင်းဆောင်ကြီး မဟတ္တမဂန္ဓီပြောခဲ့ဖူးတဲ့ စကားတစ်ခွန်းရှိပါတယ်။
"လူ့လိုအပ်ချက်အတွက်ကမ္ဘာကြီးမှာအလုံအလောက်ရှိပါတယ်။ ဒါပေမဲ့ လူ့လောဘအတွက်တော့မရှိဘူး " တဲ့။
ကျနော်တို့ရှင်သန်နေထိုင်လို့ရတဲ့ အသက်ရှင်ဖို့အတွက်သက်သက်ဆို ရေ.မြေ.လေ.နေ.အစားအသောက်.အဲ့ဒါတွေအားလုံးကို ကမ္ဘာကြီးကနေ အလုံအလောက်ရရှိနိုင်ပါတယ်..ဒါပေမဲ့ လူ့လောဘတွေ ချမ်းသာမှုတွေအတွက်ကတော့ ဘယ်လိုလုံလောက်ပါ့မလဲ..လူဆိုတာ ရလေလိုလေအမျိုးတွေ မဟုတ်လား....

ဒီတော့ ကျွန်တော်တို့တွေ သဘာဝပတ်ဝန်းကျင်ကို ထိန်းသိမ်းခြင်းဖြင့်
တန်ဖိုးမြင့်ကြရအောင်

Linnthu
Msc 212
Photo crd google

ထိန်းသိမ်းကြမယ်​

ထိန်းသိမ်းကြမယ်