သေနတ်ပီးသေနတ်လွဲသမားများနှင့်ကျွန်တော်

စာတစ်ပုဒ်ကိုရေးသားရာ၌ပထမဆုံးအဓိကပြုသတိထားရသောအချက်မှာနိုင်ငံရေး၊ဘာသာရေးနှင့်ငြိစွန်း၍ဖြစ်စေ၊ပုဂ္ဂိုလ်ရေးရာထိခိုက်ငြိစွန်း၍ဖြစ်စေ၊တရားအစွဲမခံရစေဖို့နှင့်ထောင်တန်းမကျဖို့ဖြစ်သည်။ထိုကဲ့သို့သတိသွင်းပြီးမှကိုးကားသင့်သောစာအုပ်ကိုးကား၊လက်တွေ့ကွင်းဆင်းထိတွေ့လေ့လာသင့်သောကိစ္စကိုလက်တွေ့ကွင်းဆင်းလေ့လာရသည်။ပြီးမှအနုပညာလက်ရာမြောက်အောင်စာပေအနုပညာအတတ်ဖြင့်ဖန်တီးရေးသားရသည်။စိတ်ကြိုက်ရောက်ပြီဆိုမှစာဖတ်ပရိသတ်ထံတင်ပြရသည်။

ကျွန်တော်သည်လွန်ခဲ့သော၁၅နှစ်ကျော်ကသေနတ်ပီးသည်၊သေနတ်လွဲသည်ဟုဆိုကြသောဝက်စွယ်ကင်းပိတ်(ဝက်စွယ်ဘင်းပိတ်)၊ချိုးအမြုတေ(ချိုးအမတေ)၊ဧကမုတ်အုန်းကိုဂဝံရုပ်ထုထားသောသိဒ္ဓိမြောက်အရုပ်အစရှိသည်တို့ကိုသုတေသနပြုလေ့လာရင်းသေနတ်ပီး၊သေနတ်လွဲသမားများနှင့်သူတို့လောကကိုထဲထဲဝင်ဝင်ဆက်ဆံလေ့လာခဲ့ဖူးသည်။

သေနတ်ပီး၊သေနတ်လွဲသမားများနှင့်သူတို့အရောင်းအဝယ်လောကသည်ပုန်းလျှိုးကွယ်လျှိုး၊ခိုးကြောင်ခိုးဝှက်မဟုတ်ကြ။ပြောင်ပြောင်တင်းတင်းပင်လျှင်လက်ကမ်းကြော်ငြာများဝေငှကာရောင်းကြ၊ဝယ်ကြ၊စမ်းသပ်ကြ၊စစ်ဆေးကြသည်။

ကျွန်တော်မှတ်မိသမျှတင်ပြကလက်ကမ်းကြော်ငြာတွင်(၁)မိုးကြိုးသွား၊ကြေးသေပစ္စည်း၊(လက်နှိပ်မီးပြတ်)၊(၂)ပြဒါးငုပ်၊၃၅ိသားထက်မနည်းရ၊ကြေးရည်ကြိုပြီးသားဖြစ်ရမည်။(၃)ကျည်အပိတ်၊ကျည်အလွဲ၊အပိတ်-သေနတ်သုံးချက်ပစ်စမ်းမည်၊အလွဲ-သေနတ်သုံးချက်ပစ်စမ်းမည်။(၄)ကျောက်လိပ်-ခက်မငါးဖြာလိပ်ကွက်ပါရမည်။(၅)ပြဒါးထွက်(၆)ပြဒါးခဲ(၇)ပြဒါးရည်ကြည်(၈)ခြသံ-ကလာပ်လုံး၊နွားနို့သွေးပြန်ဖြစ်စသည်စသည်တို့ပါဝင်ပြီးဥပဒေနှင့်ငြိစွန်းသောပစ္စည်း၊ဘုရား၊ရှေးဟောင်းပစ္စည်းများကိုအရောင်းအဝယ်လုံးဝပြုလုပ်မပေးပါ၊သတိ ဟု ရေးသားထားသည်။

ကျွန်တော်ကနားမလည်သည်များကိုမေးသည်။မမြင်ဖူးသည်များကိုကြုံကြိုက်ကကြည့်သည်။ပစ္စည်းရှိရာဒေသ၊ရပ်ရွာနေရာ၊အမည်ကိုခေါင်းထဲမှတ်သားရသမျှမှတ်သားသည်။ပစ္စည်းရှင်ရောပွဲစားလုပ်နေသူပါမေးခွင့်သာကစေ့စေ့စပ်စပ်မေးသည်။ဒါကဘာပစ္စည်းလည်း၊ဘာအာနိသင်ရှိလည်း၊ကျည်ပိတ်ဆိုတာကျည်ပိတ်ပစ္စည်းချ၊သေနတ်နဲ့ပစ်၊ကျည်မီးမကူးကကျည်ပိတ်(မီးမကူး၊မီးသေ)၊ကျည်တော့ထွက်သည်။ကျည်လွဲပစ္စည်းကိုမထိမှန်။သုံးချက်ပစ်မီးမကူးကကျည်ပိတ်၊မီးတော့ကူးသည်၊မမှန်ပဲလွဲက ကျည်လွဲ။

ထားပါတော့၊ပိတ်ပိတ်လွဲလွဲ။ကျွန်တော်သိလိုသည်မှာပစ္စည်းဘယ်နှမျိုး၊အရောင်းအဝယ်ဘယ်နှပွဲဖြစ်ခဲ့ဖူးသလဲ၊အောင်ခဲ့ဖူးသလဲဟုမေးရာတစ်ပွဲမှမအောင်ခဲ့သေးပါ။အောင်လိုက်ကပွဲခနင့်နေအောင်ရမည်။ငွေသိန်းရာ၊ထောင်၊သောင်းရမည်တဲ့။ဘယ်နှပွဲမှမအောင်မြင်ဖူးပဲဘာ့ကြောင့်သဲသဲမဲမဲလုပ်နေသလည်း။အခြားလူများအောင်သွားလို့ငွေတွေထုပ်ထမ်းသွားရတာမြင်ဖူးလား၊တွေ့ဖူးလားမေးတော့မမြင်ဖူးပါ။ဒါဖြင့်ကြားဖူးသလား၊လိပ်စာနေရပ်နာမည်ပြောပြပါဆိုတော့ကြားရုံသာကြားဖူးပါသည်၊၊အတိအကျပြည့်ပြည့်စုံစုံမသိပါတဲ့။လက်ဖွဲ့နှင့်ခြင်္သေ့ကဇောင်းအမြုတေရုပ်ပူးတွဲပစ်စမ်းရာကျည်လွဲပါသည်။လက်ဖွဲ့သမားကသူ့ကြောင့်၊ကဇောင်းအမြုတေသမားကသူ့ကြောင့်စွမ်းသည်ပြော၍ငွေလျာထားခွဲဝေရာအဝေမတည့်၍အရောင်းအဝယ်မဖြစ်ဟုဆိုသူကဆို၏။

ထိုကျည်လွဲ၊ကျည်ပိတ်ပစ္စည်းများရှိကောင်းရှိပါလိမ့်မည်။ရှိလည်းရှိချင်ရှိပါလိမ့်မည်။ရှိ၍လည်းဝယ်၊ဝယ်၍လည်းရှာရောင်းဖြစ်ကောင်းဖြစ်နိုင်ပါသည်။လွယ်လွယ်ကူကူ၊သက်သက်သာသာ၊ပေါပေါများများရှိနိုင်လိမ့်မည်ဟုမထင်မြင်မိပါ။ပြောရမှာအားနာသော်လည်းအားနာနာနှင့်ရှေ့မျက်နှာနောက်ထားပြောရပါမည်။သိုက်စာအညွှန်းအရသိုက်ရှာသလို၊သိုက်တူးသလိုများဖြစ်နေမည်လား။(စကားချပ်-ကျွန်တော့်စကားရင့်သီးလွန်းပါကတောင်းပန်ပါသည်။)

နိုးလေးပါးကိုအများကြားဖူးကြပါသည်။(၁)သိုက်စာဖတ်ရာနားထောင်ပါဥစ္စာရနိုးနိုး၊
(၂)ဆေးစာဖတ်ရာနားထောင်ပါရောဂါပျောက်နိုးနိုး၊
(၃)ကဝိဆရာနောက်ကပါပညာရနိုးနိုး၊
(၄)ကျောင်းကခင်ကြီးအထင်ကြီးမင်းသမီးရနိုးနိုး။

ဘယ်ပစ္စည်းကသိန်းရာ၊ထောင်၊သောင်းဟုပေါ်ပေါ်ထင်ထင်ဈေးပြောနေကြသည်။ရကကိစ္စမရှိ။မရကအချိန်ကုန်၊ငွေကုန်၊လူပင်ပမ်း၊စိတ်ဆင်းရဲ၊ဗျာများရသည်။ဝယ်ရောင်း၊ရောင်းဝယ်လုပ်နေသူများ၊ပွဲစားများကိုမနာလိုတိုရှည်စိတ်၊ပျက်စီးစေလိုစိတ်ဖြင့်ဆန့်ကျင်ရေးသားနေသည်မဟုတ်ပါ။ဓမ္မဓိဋ္ဌာန်ကျကျဝိုင်းဝန်းစဉ်းစားကြဖို့အဖော်ညှိနေခြင်းသာဖြစ်ပါသည်။

ဟတ္ထိပါလပျို့ဆရာက ဖြစ်ခေါင့်ဖြစ်ခဲ၊ကျောက်စစ်သဲကို၊ရွဲရွဲဆီရည်၊ထွက်စိမ့်မည်ဟု၊ဆုံကျည်အဝ၊ပွတ်မှားကြသို့၊ထိုမှတစ်ပါး၊ယောက်ျားမီးရှာ၊ညဉ့်အခါဝယ်၊ရောင်ဝါကွန့်မြူး၊ပိုးစုန်းကြူးကို၊မူးတူးမင်တင်၊ကယ်ကောင်းထင်၍၊တောက်ရှင်နိုးနိုး၊မှိုက်ကောက်ရိုးဖြင့်၊မှုတ်ကြိုးသံပ၊သက်မချသို့၊ဗာလအစစ်၊သူမိုက်ညစ်လျှင်၊ဆန်ဖြစ်စေကြောင်း၊ဖွဲကိုထောင်းသော်၊ပန်းညောင်းကာမျှ၊ဆန်မရသို့၊နွမနို့ရည်၊ချို၌တည်ဟု၊ကြိုးရှည်များလျား၊တိုင်ချည်ထား၍၊ရှိရှားပန်းလျ၊ညှစ်လှည့်ထသို့၊မောဟထူထပ်၊တောသွားညှပ်လျှင်၊တံလျှပ်ကိုရေ၊မိုက်မှားချေ၍၊လိုက်လေလိုက်လေ၊ငတ်မပြေသည်၊ပန်းခြေလက်ချ၊သောက်ချင်ထသို့ ဟုညွှန်ပြစပ်ဆိုတော်မူခဲ့ပါသည်။

ဟတ္ထိပလပျို့လာအထက်ပါဖော်ပြချက်များသည်သေနတ်ပီး၊သေနတ်လွဲသိဒ္ဓိဝင်ပစ္စည်းရှာဖွေနေသူ၊ရောင်းဝယ်သူ၊ပွဲစားလောက်မျှသာရည်ညွန်းသည်မဟုတ်ပါ။ကျွန်တော်တို့လူသားအားလုံးနှင့်လည်းတိုက်ရိုက်သက်ဆိုင်ပါသည်။စာဖတ်သူများအနေဖြင့်လည်းဟတ္ထိပါလပျို့လာစကားနှင့်ငါတို့လည်းဘယ်လိုသက်ဆိုင်နေသလဲဟုရိုးသားစွာအဖြေရှာဆန်းစစ်သင့်ပါသည်။ကျွန်တော်အပါအဝင်လူသားများစွာသည်မရွာသောမိုးကိုမျှော်ကိုး၍များပန်းမျိုးစေ့မကျဲမစိုက်မိဖူးလား၊သစ်ခြောက်ပင်အောက်ပန်းကောက်မသွားမိဖူးလား၊ကန္တာရတောခေါင်ခေါင်မှာအတောင်ကျွတ်သောကြိုးကြာရေရှာမရမဖြစ်ခဲ့ဖူးဘူးလား၊ကျောက်ခဲရေညှစ်မိ၊သဲဆီပွတ်မိ၊ပိုးစုန်းကြူးဖြင့်မီးမွှေးမိ၊စပါးမထောင်းပဲဖွဲထောင်း၍ဆန်ထုတ်မိ၊မထုတ်မိ၊နွားမချိုနို့ညှစ်မိမမိ၊တံလျှပ်ရေထင်ဖြစ်မိမမိ၊ရိုးသားသန့်စင်စွာတွေးကကျွန်တော်တို့လည်းရံဖန်ရံခါသတိကင်းကွာကလုပ်မိလေ့ရှိကြပါမည်။တံလျှပ်ရေထင်၊ရွှေသမင်အလိုက်မှားတာတိရစ္ဆာန်ပါ၊ကျွန်တော်တို့သည်လူသားပါ။လူသားဟူသည်ဘယ်လောက်မှားမှား၊ဘယ်လောက်မိုက်မိုက်၊မှားမှန်း၊အကျိုးမရှိမှန်းသိကရပ်တံ့ပြီးအကျိုးရှိရာအမှန်လမ်းကြောင်းပေါ်လျှောက်လေ့ရှိပါသည်။

ပုထုဇဉ် လူသားဖြစ်သောကျွန်တော်တို့သည်လောဘ၊ဒေါသ၊မောဟအဝိဇ္ဇာကြောင့်တံလျှပ်ရေထင်ခဲ့ဖူး၊သဲဆီပွတ်ခဲ့ဖူး၊ပိုးစုန်းကြူးဖြင့်မီးမွှေးခဲ့ဖူး၊ဖွဲဆန်ထောင်းခဲ့ဖူး၊နွားမချိုနို့ညှစ်ခဲ့မိတန်ကောင်းပါသည်။(စာရှည်လျားမသွားစေရန်အသေးစိတ်ရေးမပြတော့ပါ။စာဖတ်သူကိုယ်တိုင်လွတ်လွတ်လပ်လပ်ဓမ္မဓိဋ္ဌာန်ကျကျစဉ်းစားပါ။)နောင်တွင်ထိုသို့မလုပ်မိစေရန်သတိ၊ပညာရှေ့ထားစဉ်းစားချင့်ချိန်ရန်လိုအပ်လှပါသည်။ဖုံးဝှက်ကွယ်ဆင်ခြေပေးရှောင်တိမ်းမနေပဲသင်ခန်းစာယူရန်လိုအပ်လှပါသည်။သိဒ္ဓိဝင်ပစ္စည်းလေ့လာစဉ်ကပြသကူညီကြသောပစ္စည်းရှင်များ၊ရောင်းသူများ၊ဝယ်သူများ၊ပွဲစားများ၊ကြော်ငြာစာရွက်ကမ်းသောသူများကျန်းမာချမ်းသာကြပါစေ။ရောင်းပန်းဝယ်ပန်းလှ၍သိန်းရာ၊ထောင်၊သောင်းဂဏန်းရှိပစ္စည်းကြီးများအရောင်းအဝယ်တည့်ကြပါစေ။သေနတ်ပီးသမား၊ကျည်လွဲသမားများထံမှလေ့လာရသောအချက်များကိုစုပေါင်း၍ကျောက်လိပ်၊ဧကမုတ်အုန်း၊ဝက်စွယ်ကင်းပိတ်ဟုမဂ္ဂဇင်းဝတ္ထုရှည်ကိုရေးသားပြီးငွေတာရီမဂ္ဂဇင်းသို့ကျွန်တော်ပို့ခဲ့ရာနှစ်လခွဲ၍စာမူထည့်ပေးသဖြင့်စာမူခနှင့်မဂ္ဂဇင်းနှစ်အုပ်ရရှိခဲ့ပါသည်။ကျွန်တော့်ကိုစာမူခပေးခဲ့သောမြဝတီစာပေတိုက်ငွေတာရီမဂ္ဂဇင်းနှင့်စာမူရေးသားနိုင်ရန်အကျိုးပြုအချက်အလက်ပေးခဲ့သောသေနတ်ပီးသမားများ၊ကျည်လွဲသမားများကျန်းမာချမ်းသာစေရန်လည်းမေတ္တာပို့သလျှက်ရှိပါကြောင်း။

ကျန်းမာချမ်းသာဘေးကင်းကြပါစေ
တွင်းကြီးဝမ်းမောင်(မြောင်)
@twingyiwunmaung
MSC-154
1.2.2018,Thu

သေနတ်​ပီး​သေနတ်​လွဲသမားများနှင့်​ကျွန်​​တော်​

သေနတ်ပီးသေနတ်လွဲသမားများနှင့်ကျွန်တော်