စာပေနှင့်လောက

လောကတွင်လူတော်တော်များများသည်သူများပြောသမျှကိုလွယ်လွယ်နှင့်ယုံကြည်ကြသူများကများကြသည်ဟုထင်ပါသည်။ကိစ္စတစ်ခုကိုကိုယ်ပိုင်ဉာဏ်ဖြင့်စဉ်းစားအဖြေရှာပြီးဖြစ်နိုင်၏၊မဖြစ်နိုင်၏ကိုမဆုံးဖြတ်ဘဲသူများပြောသမျှယုံပြီးလိုက်လုပ်ကြသူများကထုနဲ့ထေးပင်။တစ်ချို့သောကိစ္စရပ်များဆိုလျှင်မဖြစ်နိုင်မှန်းသိပါလျှက်နှင့်၊တရားနည်းလမ်းမကျမှန်းကိုသိသိကြီးနှင့်ပင်လျှင်အများထုံးစံအတိုင်းပေါ့ကွာ။အများမိုးခါးရေသောက်ရင်သောက်ရမှာပဲဟုလွန်စွာလွဲမှားသောအယူဝါဒကိုတရားသေကိုင်ထားလေ့ရှိကြသည့်အတွက်အမှန်တရားနှင့်ဝေးရင်းဝေးရင်းဆင်ခြင်တုန်တရားကင်းမဲ့လာကြလေတော့သည်။စဉ်းစားဉာဏ်မသုံးဘဲသူများပြောတာယုံ၊ပြောတာလုပ်ပြီးကြာလာတော့အကြံတုံးဉာဏ်တုံးများဖြစ်လာကြတော့သည်။ရိုး ရာမှ အ၊အ ရာမှ န သောအဖြစ်သို့အလိုလိုရောက်ရှိလာကြတော့သည်။အဓိကအကြောင်းအရာမှာဦးနှောက်အာဟာရချို့တဲ့မှုကြောင့်ဟုထင်ပါသည်။ဦးနှောက်သည်အစားအသောက်မှရသောအာဟာရအပြင်စာပေနှင့်ပြင်ပအတွေ့အကြုံတို့မှရရှိသောတွေးခေါ်မှုများဖြစ်ပေါ်လာစေရန်လှုံ့ဆော်မှုလိုအပ်ပေမည်။စာပေနှင့်အဆက်အသွယ်ပျက်တောက်နေသောသို့မဟုတ်လုံးဝအဆက်အသွယ်မရှိသောပတ်ဝန်းကျင်တစ်ခုဖြစ်တည်လာခြင်းသည်
လူ့လောကအတွက်အလွန်အန္တရာယ်များသောဖြစ်ရပ်တစ်ခုလည်းဖြစ်သည်။ထိုသို့သောပတ်ဝန်းကျင်တွင်ကျင်လည်နေရသောသူတို့သည်မြင်သမျှအမှန်၊ကြားသမျှအမှန်ဟုယူဆကာတစ်ဦးတစ်ယောက်ကပြောသမျှခိုင်းသမျှကိုမှားမှန်းမသိ၊မှန်မှန်းမသိအားတက်သရောလိုက်ပြီးလုပ်ကြပေတော့မည်။ဦးဆောင်ဦးရွက်လမ်းပြဆောင်သူကမှန်ကန်သော၊အကျိုးရှိစေမည်ဖြစ်သောကိစ္စကိုဝါဒလွှင့်ပြီးလုပ်စေခဲ့လျှင်အကြောင်းမဟုတ်ပေ။မဟုတ်မတရားသည့်ဘက်တွင်အသုံးချခံခဲ့ရလျှင်မှန်းဆ၍မရသောပျက်စီးဆုံးရှုံးမှုကိုခံစားရမည်မှာပြုလုပ်သူ၎င်းတို့ကိုယ်တိုင်ပင်ဖြစ်သည်ကိုမသိရှာကြပေ။ထိုသို့သောပတ်ဝန်းကျင်သည်အဓိကရုန်းဖန်တီးရန်အတွက်လည်းလွန်စွာလွယ်ကူသဖြင့်လူယုတ်မာတို့၏စားကျက်လည်းဖြစ်သည်။အဓိကဖြေရှင်းနိုင်မည့်နည်းလမ်းမှာဗဟုသုတဆိုင်ရာစာပေများလူအများကြားတွင်ပျံ့ပွားအောင်နည်းမျိုးစုံဖြင့်လုပ်ဆောင်ပေးရန်လိုအပ်သည်။

လူတို့သည်မိမိကျင်လည်ရာပတ်ဝန်းကျင်တွင်လျှောက်လှမ်းကြရင်းမှားသည်လည်းရှိကြ၏၊မှန်သည်လည်းရှိကြ၏၊တစ်ချို့အောင်မြင်သွားကြသည်၊တစ်ချို့ဘဝပျက်သွားကြသည်ကိုတွေ့ဖူးကြပါလိမ့်မည်။မိမိမဖြတ်သန်းရသေးသောအရွယ်၊မကျင်လည်ဖူးသောပတ်ဝန်းကျင်ကိုကြိုတင်သိရှိထားလျှင်အမှန်တကယ်လျှောက်လှမ်းသောအခါတွင်အမှားအယွင်းနည်းနိုင်ပါသည်။ဘယ်နေရာကချောက်၊ဘယ်နေရာကကုန်းဆိုတာကိုသိပြီးသားသူအဖို့ခလုတ်တိုက်နိုင်ခြေနည်းသကဲ့သို့ဖြစ်သည်။ထိုသို့ကြိုတင်သိရှိနိုင်ဖို့ရန်အတွက်ဘဝနှင့်ပတ်သက်သောတန်ဖိုးရှိစာကောင်းပေမွန်များကိုဖတ်ရှုရန်လွန်စွာအရေးကြီးလှသည်။စာကိုဖတ်ရှုရာ၌နှေးနိုင်သမျှနှေးလျှင်ကောင်းပါလိမ့်မည်။ဖော်ပြပါအကြောင်းအရာကိုဖတ်ရှုရင်းမိမိနားလည်သလားဆိုသည်ကိုဆန်းစစ်ရင်းသဘောပေါက်မှရှေ့ဆက်သင့်သည်။အချို့သောသူများကမိမိဘယ်နှစ်အုပ်ဖတ်ပြီးကြောင်းလူအများကိုကြွားရုံလောက်သာဖတ်ရှုလေ့ရှိကြသည်။ကြာလာလျှင်မေ့ပျောက်သွားကြတော့သည်။စာဖတ်သည်ဆိုရာ၌ဖတ်ပြီးသွားသည်နှင့်မပြီးပေ။မိမိဖတ်ရှုထားသောအကြောင်းအရာတို့ကိုတကယ့်လက်တွေ့ဘဝတွင်လိုအပ်လျှင်လိုအပ်သလိုပြန်လည်ထုတ်နှုတ်ပြီးအသုံးချနိုင်ဖို့လွန်စွာအရေးကြီးသည်။

စာအုပ်စာပေလူ့မိတ်ဆွေဆိုတာကိုကြားဖူးကြပါလိမ့်မယ်။မိတ်ဆွေဆိုတာကိုယ့်ရဲ့ကောင်းကျိုးကိုလိုလားတဲ့သူတွေအကုန်အကြုံးဝင်ပါတယ်။ဆိုးကျိုးပေးမယ့်သူဆိုရင်တော့အဲဒီလူဟာမိတ်ဆွေစာရင်းမှာမပါတော့ပါဘူး။ရန်သူဖြစ်သွားပါပြီ။ယနေ့ခေတ်တွင်လောကကိုကောင်းကျိုးမပေးဘဲဆိုးကျိုးဖက်ကိုသာဦးတည်သည့်အရည်မရအဖတ်မရစာပေများမြောက်များစွာပေါ်ထွက်လာသည်ကိုတော့အားလုံးသိကြမည်ထင်ပါသည်။ထို့ကြောင့်စာအုပ်စာပေလူ့မိတ်ဆွေဆိုပေမယ့်လူ့ရန်သူစာပေဆိုတာရှိလာပြီဆိုတာကိုလည်းသဘောပေါက်ထားရပါမည်။ထိုသို့ဆိုလျှင်စာမဖတ်ရတော့ဘူးလားဆိုတော့မဟုတ်ပါ။ဖတ်ရပါမည်။အရင်ကထက်ပို၍ပင်ဖတ်ရပါမည်။လောကကိုအကျိုးပြုမည့်စာကောင်းပေမွန်များကိုရွေးချယ်ဖတ်ရှုဖို့တော့အလွန်အရေးကြီးပါသည်။
သုတ၊ရသစာပေအစုံကိုဖတ်ရှုသင့်သည်။ဘာမှမဟုတ်သောစာပေများကိုဖတ်ရှုနေလျှင်လည်းအချိန်သာကုန်သွားမည်။ဘဝအတွက်လည်းအနည်းငယ်မျှပင်အထောက်အကူပြုမည်မဟုတ်ပေ။
ဘဝနှင့်ပတ်သက်သောအကြောင်းအရာတို့ကိုစာဖတ်ခြင်းဖြင့်ရရှိနိုင်သည်ဆိုသော်လည်းအလုံးစုံပြီးပြည့်စုံအောင်ကားရနိုင်ကြမည်မဟုတ်ပေ။ပညာရပ်တစ်ခုသည်သင်ယူရာတွင်ထမင်းစားရေသောက်လောက်ပဲသင်ယူလို့ရပါသည်။စာအုပ်စာပေဖတ်ရှု၍ဖြစ်စေ၊ကိုယ်တိုင်ကိုယ်ကျအနီးကပ်သင်ယူ၍ဖြစ်စေပညာရပ်တစ်ခု၏အခြေခံသဘောတရားကိုသာသင်ယူလို့ရပါသည်။ကျွမ်းကျင်အဆင့်သို့ရောက်ရန်မှာစာထဲတွင်မပါသောမိမိကိုယ်တိုင်၏ကြိုးစားအားထုတ်မှုပင်ဖြစ်ပါသည်။ဤအရာကိုကားမည်သည့်ဆရာမှ၊မည်သည့်စာအုပ်မှစွမ်းနိုင်မည်မဟုတ်ပါ။

ဥပမာပြရလျှင်လူတစ်ယောက်ဂစ်တာတီးသင်သည်ဆိုပါဆို့်။တစ်ချို့ကဆရာနှင့်လက်တွေ့သင်သည်။တစ်ချို့ကvideoသင်ခင်းစာတို့၊စာအုပ်တို့ဖတ်ပြီးသင်ကြသည်။သူတို့နှစ်ဦးစလုံးအခြေခံအဆင့်လောက်တော့တီးတတ်ခေါက်တတ်သွားကြသည်။ဆရာကလည်းထိုထက်ပို၍သင်မပေးနိုင်ပါ။ကျွမ်းကျင်ပညာရှင်တစ်ယောက်ဖြစ်ဖို့အတွက်ကျတော့မိမိသင်ယူထားသောအရာကိုအခြေခံပြီးကိုယ့်ရဲ့ကိုယ်ပိုင်လေ့ကျင့်နိုင်မှု၊ကိုယ်ပိုင်အတွေးအခေါ်ကွန်းမြူးနိုင်မှုတို့ကအဆုံးအဖြတ်ပေးသွားကြပါတယ်။စာတွေ့နှင့်လက်တွေ့ဘဝကိုအချိုးညီညီပေါင်းစပ်ယူနိုင်အောင်ကြိုးစားမှသာအောင်မြင်မှုရရှိနိုင်ပါလိမ့်မည်။ဆိုလိုချင်သည်မှာစာအုပ်ထဲတွင်အားလုံးမရှိပါ။မိမိအရည်အချင်းနှင့်လည်းပေါင်းစပ်ဖို့လိုအပ်ပါသည်။တကယ့်အပြင်လောက၌ဆောင်ရွက်ရာတွင်စာအုပ်ထဲမပါသည့်အရာများရှိသလိုစာအုပ်ထဲကအတိုင်းလုပ်၍မရသောအရာများလည်းရှိသည်ကိုသတိပြုရမည်။စာအုပ်ထဲမှစာကိုအသိဉာဏ်သို့ပြောင်း၍လိုအပ်သလိုအသုံးချနိုင်အောင်ကြိုးစားရမည်။စာဖတ်များသောသူငယ်ချင်းတစ်ယောက်အခြားသူများနှင့်စကားပြောလျှင်စာအုပ်ကြီးထဲကအတိုင်းပြောကြသည်ကိုတွေ့ဖူးကြပါလိမ့်မည်။ထိုသို့ပြောနေခြင်းမှာနားထောင်ရသူပင်ကြာလာလျှင်စိတ်ထဲတစ်မျိုးကြီးဖြစ်လာတတ်ပါသည်။မိမိဖတ်ရှုထားသောစာကိုကြက်တူရွေးစာပြန်သလိုကြီးဖြစ်နေပါသည်။

အချုပ်အားဖြင့်ဆိုရလျှင်လောကကြီးသာယာဝပြောရန်အတွက်လူတိုင်းအခြေခံတွေးတောဆင်ခြင်နိုင်မှုရှိရမည်။ထိုသို့သောအသိစိတ်ဓာတ်ကိုရရှိရန်အတွက်ဦးနှောက်ကိုအားဖြစ်စေမည့်စာကောင်းပေမွန်များကိုတတ်နိုင်သမျှရှာဖွေဖတ်ရှုပြီးတစ်ဆင့်ပြန်လည်းအသုံးချနိုင်ကြရန်ကြိုးစားကြရမည်။မသုံးဘဲထားသောဓား၊မသွေးဘဲထားသောဓားတုံးသလိုအကြံတုံးဉာဏ်တုံးများမဖြစ်ရလေအောင်စာကောင်းပေမွန်များဖြင့်မိမိတို့၏ဦးနှောက်ကိုအမြဲတမ်းသွေးပေးနေဖို့တော့အရေးကြီးလှပါသည်။

လွတ်လပ်စွာကွဲလွဲနိုင်ပါသည်။မိမိ၏အယူအဆအရေးအသားသာဖြစ်ပါကြောင်း။

အားလုံးကျန်းမာချမ်းသာကြပါစေ
Ye Thiha Kyaw

Msc No.093
11.1.2018,Thu @yethihakyaw

စာ​ပေနှင့်​​လောက

စာပေနှင့်လောက