- Wetin I really trip for about this we community na d originality of d language we dey use relate o. All of una go just agree wimme say e dey easy to yan person mind with this pidgin language unto say na like our mothertongue. Person no need teacher to learn the language at all.
Another thing na the kind happy people weh dey d community, with dem, dulling na impossibility. - Wetin I go suggest make una dey do na to dey make Friday special as una dey make Sunday special, make e no b like say religious sentiment dey d community.
Na ontop genesisproject community I hear about d birth of naijapidgin community from @ogoowinner specifically. - Na unto religious preference o, make una stop to make Sunday important, come leave Friday behind. As e b say Islam and Christianity na d two major religions 4 we country, Una suppose recognize the two. If Una fit dey do contests based on Sunday church movement, make una dey do on Fridays too based on Jumaat service.
I no kuku be muslim, na just my own observation.
All of una weh dey make us jolificate ontop dis we community unto different contests una dey arrange dey use bless we, I dey ontop postrate dey hail una o, God go bless una yapayastically.
Steemit, I hail o...
@naijapidgin, I hail pass...
