Lagos State polytechnic Ikorodu Library Complex
Naija people I hail una
As I see this challenge, I happy like pikin wey dem give sugar lick.
Before I join steemit, I Don do MMM... Na the week wey I put my money the thing close. That time, I pack all my money put am since I don hear testimonies from my sure padi dem say e dey pay wella. As dey con shut down, my hand fall sotey I cry wella.
How I take Sabi steemit
Person wey bring me come here na @marvel1206 . Him na confirm person because na on top gaming group we for jam and he con show me love teach me everything wey help me Succeed for here.
Watin make me like steemit
E no be like facebook wey we go dey post dey like with no gain. For here as you dey drop post, u dey sure say money go show for your account.
Watin make me like am again be say you fit write anything wey you like as e dey your mind since rule no dey to select watin you suppose post.
As e be say sbd na cryptocurrency, the price go dey increase as time dey go and na that one sweet pass.
I no fit lie, I no dey lack again like before because pay dey always enter my account at least once a week.
As I Don dey here, I con Don get passion to write poems wella and me don sabi new friends wey we dey reason together on top steemit matter.
I go still dey hail my guy @marvel1206 anytime anyday wey he make me sabi steemit. Na God go reward you.
Still your boy @johnakharia
Na so broda! Na so me too the hail you as you make me start here
Thanks my Oga
O boy
😂😂😂