DONYA MEUTUKA
Hudep dalam donya saudara beu ingat-ingat
Bala dengan nikmat sigoe-goe kadang meutuka
Meujan watee saket hana trep pih kana ubat
Meujan watee sehat han ta thei tuhan bri bala
Dalam pergaulan meunan cit wahe ee sahbat Musoh dengan sahbat sigoe-goe ta turi hana Ureung yang ta sayang kadang-kadang tukang upat Yang ta benci that-that kadang nyan yang tulong gata
Donya nyoe ka akhe that ganjei watee ta kalon Agam dengoen inong oeh ta eu hana le beda Jiduek ateuh honda jimeuwa -wa sang lagee ngoen Padahai ngoen inong meurie bungkoh ubee raya
Yang leumpah that ganjei jinoe lahei dum piasan Inong dengoen inong meukawen agam ngoen agam Aleh pakriban cara tamah warga ngoen turunan Goh na lam sejarah meuhase apam ngoen apam
Meunoe keuh dum lahee jameun akhe dalam donya Ureung hana meufom bak junjong hukom rabbana Pu buet pu pu yang roeh ta pajoh pu pu yang hawa Tapi uroe dudoe tanggong krudroe hai syedara
Nyoe haba sipatah lon peugah si alakada Beutoi dengan salah aci neu cuba peurasa Koen haba fiteunah lakee meuah nyoe na gasa Meunyoe teupeh hatee bek sampe tanyoe meudesya
Nyoe kon keu meuron-ron peugoet panton hura-hura Panton ulon suson haba peu ingat syedara Kureung dengoen leubeh bek na teupeh hatee gata Geulantoe geu tanyoe meurunoe adat budaya.
Teurimong geunaseh.
Wassalam
Harap untuk ukeu di ikoet kaidah sya’e dalam meupantoen, segi mimik, irama, dan tata bahasa. Seuleubeh jih nyan seb meutuah makna. Cas ile!
Mnye jameun jnoe koen meutapeugah,
Ata yg kapah pih meutuka,
Apalagi mnyoe ata yg salah,
Man koen pantah donya meutuka, 😀
Terimong geunasweh Gure