Ranub bineh gle, meuputie karang.
Ranub bineh blang, meuputie tangke.
Dengan karena, karab trok Ramadhan.
Meuah lon tuan, ngon puteh hate.
Mungken lam haba, serta lam karang.
Kadang komentar, kateupeh hate.
Lon lakei meuah, bak abang abang.
Seureuta cut intan, rakan lam WA
Meupat nasalah, tulong maafkan.
Ngon karna Tuhan, meuah neulahe.
Bekle na saket, hate di dalam.
Tulong maafkan, baten ngon lahe.
Miseu nibak lon, katreb lon siram.
Hana le dendam, di dalam hate.
Kagleh ban mandum, dosa di rakan.
Kalon maafkan, ngon puteh hate.
Teuma lon tanyong, kanibak rakan.
Meupue lon tuan, meuah ka neubre ?
Miseu ka neubre, meuah neulayang.
Harap balasan, Allah peusampe.
Allah sep seunang, ria hana ban.
Bila nyan dendam, tan na lam hate.
Ka terhapus bandum, ubena kesalahan.
Puteh lom teuman, ka gleh brok fi'e.
Dengan beureukat, buleun Ramadhan.
Buleun yang terang, fahla dum sampe.
Maka neusambot, ngon hate lapang.
Serta lam badan, beungeh bekna le.
Neubeoh beujioh, sifeut meudendam.
Neupeupoe lam blang, bah tikoh reule.
Jinoe neusambot, buleun Ramadhan.
Teukeudi Tuhan, Rahmat keu hase.
Meuah lon sampai, dalam tulisan.
Keurakan sayang, hantrok lon sampe.
Semoga teuhah, neubri balasan.
Ngon hate lapang, dosa bekna le.
Kasep eh noe, haba lon layang.
Kata maafan, roet sastra ca'e.
Salam'alaikom, akhe lam kalam.
Jinoe lon tuan, meujak balek le.
Congratulations @galaklong! You have completed some achievement on Steemit and have been rewarded with new badge(s) :
Click on any badge to view your own Board of Honor on SteemitBoard.
To support your work, I also upvoted your post!
For more information about SteemitBoard, click here
If you no longer want to receive notifications, reply to this comment with the word
STOP