"Patawad ang Hiling"
Nagkamali sa isang sandali.
At sa panahong napakaikli
Sakit ay hindi ko na mabawi.
Inaako ko ang aking kasalanan
Ako'y humihingi ng kapatawaran.
Sa nagawang ikinagalit mo ng husto
Ito'y totoo, hindi ko iyon ginusto.
Kaya sana'y patawad ang hiling
Tampo'y patulugin mo na ng mahimbing.
Ika'y napakaimportante para sa'kin
Mahalagang-mahalaga higit pa sa'kin.
Pagsasamahan natin ay subok na
Alam natin yan, puno pa ng saya.
Sorry na oh, wag kanang magtampo
Alisin ang tampo, magbati na sana tayo.
Ilang taon na din ang ating naging samahan
Subok na ng panahon, marami ng pinagdaanan.
Tampuhan lang ito, wag naman sanang totohanan
Tampuhan lang at napakasimple lang ng dahilan.
Bati na tayo please lang pwede ba?
Ibalik ang dati na puno ng saya.
Puno ng tawa, at mga pangungutya
Ganun tayo dapat, palaging maligaya.
Maraming salamat sa pagbasa! (Thank you for Reading!)
Nawa'y nagbigay-aliw ang tulang ito sa inyong mga magiliw kong magbabasa. Kung may mga komento o suhestiyon kayo sa naturang tula, huwag mag-atubiling ilahad ang inyong mga opinyon. Ako'y lubos na magpapasalamat kung ako'y iyong tutulungan sa paghubog ng aking kakahan.
Muli, maramng salamat po!
Dem feelz! Getting into that kind of situation really gets you stressed out! Hope this ain't happenin to you right now.