Balak 6 (Pakig-angay)

[redspider]

“Pakig-angay”

Source:

Ang kalantip sa hunahuna kawang kung taas ta ug garbo,
Sa mga sitwasyon ilabina kung maka-atubang ug edukado,
Pero ang ka-maayo mo hunahuna wala sa naabot nga kurso
Kay naya walay grado nga maayo nga mudiskurso ug sa isigkatawo.

Ang kalantip sa hunahuna kawang lang kung dili kini gamiton,
Sa pakig-angay bisan pa man sa mga estado ning panahon.
Kay matud pa sa mga magtutudlo ug mga katigulangan,
Nga ang pakig-angay sa kahibalo maayo ug dili dautan.

Hayan usa ka dakong talinghaga kini kanako nagpabilin,
Nga hangtud karon kanunay akong namalandong sa daplin.
Daplin sa dalan sa akong pagpatigayon matag-adlaw,
Kung ang gasa sa kahibalo anaa ba kanako mipatigbabaw.

Karon mga higala ako mangutana kaninyo,
Kung karon nakig-angay ka ba sa imong mga kahibalo?
Kay dinhi sa steemit usa ka dakong gamit
Nga paagi aron kita makapadayag sa atong ka lantip.

Usahay lisud ang magtuki sa mga butang ning kalibutan,
Apan sa hinay-hinay siguradong ang tumong masabtan.
Dan dili igsapayan ang kalisud sa mahinaboan sa pagpadayag,
Kay sigurado ko sa pakighinabi mo dri sa steemit dako ug kahayag.

___________________________________________________________________________

Atangi ang umaabot nga mga balak ug uban pang mga kaugalingong mugna,
gikan sa inyong higala
@redspider