Simbah Ing Dolanan Bocah
Ngono ya ngono ning aja ngono
Ngendikane simbah kawit jaman semana
Sanajan ukarane prasaja
Nganti dina iki durung bisa dakbatang
Semone kebak panantang
Golekana tapake kuntul nglayang
Apadene galihe kangkung
Yen netramu durung cetha anggone nyawang
Lan ambegmu isih kumalungkung
Ora prelu ngona ora prelu ngono
Geneya perkara jethungan lan gobag sodor bae
Dadi adol wani ilang deduga
Apa ora luwih becik bali menyang jamuran
Sinambi ngresepi endahe padhang bulan
Tanganku lan tanganmu raket gegandhengan
Njembarake kalangan
Ayo bali tetembangan
Benthike panemu aja nggugu karepe nepsu
Gathengan krikil uga isih ana sing pokil
Apameneh gendra ngilangake dhuwit negara
Wis ….
Sedhela meneh wancine surup
Aja lali reresik lan raup
Diundamana kaya ngapa
Datan nemu pedah lan guna
Mung kang kudu dieling-eling
Kiwa lan tengenmu kabeh mitra
Dina sesuk isih butuh kanggo andum crita
Kebumen, 20180808
Lingkar Sastra Gombong (Lisong)
Tak paham artinya saya, ya baca ja.
Translate lah google wis pinter
Pinter kang sekolah ya,,,,,,,,,,,,,,,,,
Posting bagus.. sudah kami resteem ke 7860 follower.. Byteball tebar hadiah. Segera klaim airdrop anda!. (Sececah kontribusi kami sebagai witness di komunitas Steemit Indonesia.)