Ndryshe siç ishim mësuar në vitet e kaluara, këtë sezon Juventus do të luajë më shumë ndeshje gjatë orarit të drekës. Pesë ndeshje janë programuar në orën 15:00 nga java që vjen deri në Krishtlindje (Fiorentina, SPAL, Lecce, Atalanta dhe Udinese), ndërsa kundër Sassuolo-s do të luhet në 12:30 të dielën e 1 dhjetorit. Pas kësaj zgjedhjeje, në bashkëpunim me Federatën, Tuttosport shkruan se është nevoja për të kapur sa më shumë tregun aziatik dhe në këtë mënyrë ndeshjet e Juves të transmetohen në "prime time". E fituar sigurisht që del edhe Federata që mund të shesë më mirë kampionatin italian në tregjet aziatike. Ndeshjet e Juven në 15:00 do të transmetohen direkt në orën 20:00 në Indonezi, 21:00 në Kinë dhe 22:00 në Korenë e Jugut.