كلب الجيرمان شيبرد German Shephered كلب الراعي اللألماني :
وهو الكلب ذو الأصول الألمانيه الذي كان يستخدم في رعاية الأغنام منذ عشرات العقود .. ثم كانت هناك بعض المحاولات من محبي هذه السلاله لتجميع مواصفات ثابته لها .. و بدأوا في محاوله تجميع العديد من أشكال هذه السلاله من عدة مدن ألمانيه لإقامه هذه المدرسه من الكلاب .. و كان حينها لم تكن كلاب الجيرمن كما نعرفها اليوم .. فكان منها من هو ذو أذن منتصبه (واقفه) و منهم ذوي أذن مرتخيه .. إلي أن نصل لأول صوره عرفنا فيها كلب الجيرمن شيبرد
و يظهر فيها الكلب الجيرمن الأصل الأصيل لهذه السلاله .. بدون أي تلاعب .. و يظهر فيها الكلب .. بأذن منتصبه .. و ميل في الظهر و ماسك أسود ( يعني اللون الأسود في وشه أكنه لابس ماسك ) بالإضافه للعراقيب ..( العراقيب هي الحته اللي قبل الأخيره في رجل الكلب من تحت .. تحسها عامله زي الكعب كده .. الجيرمن لازم تكون العراقيب دي تكون فيه و هي ان الحته اللي شبه الكعب دي تكون ملامسه للأرض .. او مايله للأرض زي هنا كده
بص علي رجل الكلب اللي ورا يمين .. هتلاقي ان طرف الرجل ملامس الأرض عادي جدا .. كما مع رجله هتلاقي في جزء يكاد يلمس الأرض .. هي دي العراقيب ..
نرجع لمكان ما كنا .. الجيرمن الأصل .. هنلاحظ هنا إختلاف كبير بين الجيرمن دلوقتي و الأصل .. و هو لفة الضهر بالَافه للحجم اللي تضاخم جامد .. الكلاب الجيرمن قديما كان عندها ميل في الضهر .. بس مكنش فيه لفة ظهر أو هامب زي دلوقتي .. زي الصوره دي كده هتلاقي الكلب في نص ضهره عنده حته عاليه و نازله بميل لحد الأخر.
تقليب و مواصفات :
نروح بقي للنقطه اللي ناس كتير بتتلخبط فيها .. و هي تقليب الجيرمن شيبرد دلوقتي .. سؤال ضيع سنين من عمري و من عمر ناس كتير أوي ... علشان لما أشوف كلب جيرمن .. أبقي عارف ببص علي 6 او سبع حاجات بعرف منهم الكلب ده درجه تقليبه اد ايه
1 - الكسحه : الهامب + الميل ( سبق شرحهم )2- إنتصاب الأذن : سبق أيضا شرحها3- الألوان : نقطه مهمه جدا .. علميا و علي الورق هي دي أشكال أو ألوان الجيرمن شيبرد ..
ركز و دقق و بص فيهم علي كل حاجه قلتها براحتك .. مع ملاحظه ان دلوقتي اللون المحمرر ده دلوقتي بقي أكتر لون مرغوب ( ده علي حسب إحتكاكي بالسوق ) + ان فيه الأسود و الأبيض و دو هيتم شرحهم لوحدهم علشان منتلخبطش4- العراقيب : سبق شرحها 5- الديل : لازم يكون طويل و ميكونش رفيع .. يكون متناسب مع شكله .. مع ملاحظه ان ليه رسمه بتكون امتداد اللون الأسود من الظهرلحد أخر الديل .. بس ده مش أساسي6-الخشب .. الخشب كلمه بنقولها نقصد بيها العضم .. يعني عضم الكلب كل ماكان عريض كل ماكان احسن .. و دي انت بتعرفها من الخبره لما بتشوف جراوي كتير اوي و تبقي عارف عمر كل كلب المفروض يكون ازاي و حجمه ايه7- الشعر : شعر الجيرمن مقسم لثلاثة انواع .. شورت هير ( شعر قصير ) -مديم هير ( متوسط ) وهو الغالب في المسابقات الدوليه مع الشورت هير + اللونج هير .. اللي بيكون نادر .. في الجيرمان8- البوز : بوز الجيرمن لازم يكون بشكله شبه مستطيل .. و حط تحت شبه دي 100 خط .. و بنسبة 95 % البوز بيكون غامق خالص
هي دي تعتبر المواصفات العالميه .. يعني الحاجات دي كلها لو متجمعه في كلب زي مانا كاتبها يبقي الكلب ده بيور 100 % طبعا تيجي تبص عندنا في مصر تلاقينا بنربي معيز .. مالناش دعوه بيها big grin .. و أقصد بالكلام ده .. كل كلب و له تمنه .. علي حسب تقليبه
تعالوا بقي نتكلم شويه عن بعض الكلاب و السلالات .. تعتبر من نفس عائلة الجيرمن أولا .. لو انت فاكر ان فيه حاجه اسمها بلاك جاك .. إطلع بره big grin .. بلاك جاك ده إختراع مصري .. مفيش حاجه اسمها بلاك جاك ولا بيبقي لابس جاكيت أسود .. ولا كرافته بمبي .. ده هلس ..
ثانيا .. عندنا غير الجيرمان شيبرد .. البلجيان شيبرد .. وهو الراعي البلجيكي .. اللي انا شخصيا بحترمه اكتر من الجيرمن .. مع انه مالوش ولا مسابقات عالميه ولا بتاع .. بس كلب .. شجاعته بتعجبني كمدرب .. و البلجيان شيبرد .. ماعندوش ولا هامب ولا ميل في الظهر .. بيكون في كسحه بسيطه اوي اوي في اخر الظهر .. و بيكون حجمه اكبر من الجيرمن و مفيش منه غير اللونج هير و ألوانه عادة مابتكونش حمرا .. بتكون أسود في بيج أو أسود في أصفر .. و ديله بيكون تخين و طويل .. و عنده عراقيب بس مش عاليه زي الجيرمن .. صراحه الكلب ده مفيش حد هاوي هيعرف يطلعه من وسط كلاب .. لازم حد يكون محترف بمعني الكلمه .. بس برضو لازم تكون عندك فكره علي الأقل عنه
ثالثا: البلاك جيرمان: فيه منه نوعين .. ألماني و بلجيكي
الألماني : بيكون شعره متوسط .. بيكون فيه الميل و ساعات الميل و الهامب
البلجيكي :بيكون شعره طويل و أكبر و برضو مش شرط فيه الميل و الهامب
المالينوس : و هو من سلالة الراعي .. و هو كلب من أصول بلجيكيه .. فائق الذكاء و تستخدمه أيضا قوات الشرطه
الوايت جيرمان : و هو الجيرمان شيبرد الأبيض .. و هو نسخه من الجيرمن و لكن لونه يكون أبيض حليب .. بس اليومين دول كترت أوي الوايت جيرمان اللي مفيهاش كسحه .. بس الناس مبيفرقش معاهم اوي بسبب جمال الكب .. و هو في نفس مستوي ذكاء سلالته زي ده
المهام التدريبيه ..
كل الكلاب اللي تم ذكرها دي .. مميزاتها العقليه و ذكائها متقارب جدا .. و الكلاب دي تعتبر من أفضل الكلاب في العالم لذكائها الفائق .. و علي فكره .. الألمان كانوا بيدربوا الكلاب الجيرمن علي النزول تحت الدبابات و المشي تحتها .. و وقت الحرب كانوا بيلبسوا الكلاب بدل فيها مفرقعات بوقت او تايمر و يروح الكلب ياعيني ينفذ التدريب و يمشي تتحت الدبابه تقوم القنابل مفرقعه فيه و في الدبابه .. و هو من الكلاب الحراسه رقم 1 في العاااااالم بدون منازع .. و اللي يقولك غير كده قوله سوري big grin لأن الكلب ده لما بيتدرب حراسه .. بيبدأ دورية حراسه من أول الليل لحد منتصف النهار .. لو سمع أي صوت أو شاف أي حركه بيلجأ أول حاجه للنبااااح المتواصل .. مش زي كلاب تانيه بتستني لما تيجي فرصه علشان يهاجم و يعض بس.. بالإضافه لبنيانه القوي .. و هو يعتبر من الكلاب كبيرة الحجم ..
نقاط الضعف .. ممكن نأخذ في الإعتبار عند تحديد نقاط الضعف اننا لازم نقارن بالكلاب التانيه علشان نعرف هو قليل ف إيه .. عضته بالنسبه لكلاب كتير تعتبر مش قويه أوي .. و بقول بالنسبه لكلاب كتير .. يعني بالسنبة للبني أدم .. كده كده هتسبب ضرر فظيع ..
نقاط القوه .. المرونه .. البنيان المتناسق .. الذكاء .. و تعتبر هجمة الجيرمن شيبرد من أقوي هجمات الكلاب في العالم .
Hi! I am a robot. I just upvoted you! I found similar content that readers might be interested in:
https://www.facebook.com/FamousDogsinNewCairo/posts/250515168405724
Well described
Congratulations @abdallaibrahim! You have received a personal award!
Click on the badge to view your Board of Honor.
Do not miss the last post from @steemitboard:
SteemitBoard World Cup Contest - The semi-finals are coming. Be ready!
Participate in the SteemitBoard World Cup Contest!
Collect World Cup badges and win free SBD
Support the Gold Sponsors of the contest: @good-karma and @lukestokes
Congratulations @abdallaibrahim! You received a personal award!
You can view your badges on your Steem Board and compare to others on the Steem Ranking
Vote for @Steemitboard as a witness to get one more award and increased upvotes!