Salam ‘alaikom lon puphon kalam
Keu bah tron u blang bacut lon rika
Keu ureung meugoe lon kisah nadham
Le that perhatian dari Pemkab Aceh Utara
Seulama Cek Mat yang duek pimpinan
Ureung tron u blang brat that geu bina
Geu bantu bibet, pupok ngon ‘langai’
Meunan chit jalan dan prasarana
Visi dan misi keu pertanian
Bek na le rakan yang deuk ngon papa
Rakyat di Pase beu makmu saban
Mata pencaharian beusama rata
Keurija tani kon buet meu-ayang
Bek gata pandang ngon siblah mata
Dari endatu sampoe bak moyang
Ureung tron u blang cukop that mulia
Cukop that suci raseuki meugoe
Nafakah tapuwoe lam rumoh tangga
Udep bahgia lakoe – sambinoe
Hana le pengphoe sampoe-an tuha
Oleh seubab nyan wahee rakan droe
Bek le meulaloe bak jambo jaga
Bak warong kupi kajeut gese droe
Bek supot uroe raseuki hana
Yang muda-muda mantong that gagah
Bek gata susah mita keurija
Umong di Pase luwah meuhalak
Beu ek tagarap ngon jaroe gata
Mulai Seunuddon sampoe u Sawang
Luwah tanoh blang seureuntang mata
Tapula pade, jagong ngon kacang
Komoditas nyan meuhai that hareuga
Jinoe di Pemkab cukop perhatian
Na keuh binaan geubi beulanja
Lam APBK geuplot anggaran
Na lom tambahan lam APBN dan APBA
Kon cilet-cilet bantuan di sinan
Angka trilyunan geuplot beulanja
Lam thon 2013 untuk pertanian
Na pembangunan waduk raksasa
Waduk geubangun di Paya Bakong
Sinan meutampong ie raya teuka
Hana le banjer jile lam gampong
Karena meusinthong lam kulam raya
Watee musem khueng ie krueng rap tho krang
ie lam kulam nyan geupakek teuma
Geubulueng-bulueng dalam saluran
Geupeutron u blang rata jeut jeumba
Lueng irigasi pih kana sinan
Tameugoe di blang jeut kapan saja
Han le meuhambat ngon ujeun pirang
Atawa kadang banjer ka teuka
Meunan rencana fungsi waduk nyan
Keu ureung meublang manfaat ganda
Di Paya Bakong sampoe u Lapang
Meunan chit rakan di Samudera
Di Jungka Gajah pih luwah that blang
Di Nibong meunan chit Simpang Paya
Di Pirak Timu ngon Matangkuli
Ureung meutani han le seungsara
Krueng Keureutoe pucok ateuh gle
Aneuk rangkile sinan meudoda
Keu ureung meugoe et nhoe lon ca’e
Meunyoe na singke meu’ah lon pinta
follow and upvote me @nasirage
Hikayat Meugoe di Bumoe Pase. Bak lon Hikayat Tupe Malem Dewa na
@janvanhoess
Meutuleh Ju....kop bereh ta meuhikayat bak steemit...hwhe
Haba loun balah mangat that hate, haba meu cae tanyo cit ka biasa, beutoi nyan, salem meuturi manteng. Malam na bak loun dalam ca e
Ha-ha-ha...bereh bereh...tapuga keulayi meukisah dalam bentuk hikayat supaya anak anak jaman now jituri sastra khas Aceh literasi yg booming di jameun endatu...salam kembali...
Long neuk balah, hana tuoh balah, sebab hana careng meuhikayat heheheh....
Hahaha....watee awai kon na hikayat raja si ujud...Hoka....
Hikayat yang indah penuh makna dan story petani sawah.
Terimakasih brother @murtalabuwah....literasi sastra asli Aceh warisan endatu syeh Rihanna Krueng raya
Mantap gure long..
Sira tapiyoh heck bak rangkang tasuson hikayat saboh Pucok....
Your Post Has Been Featured on @Resteemable!
Feature any Steemit post using resteemit.com!
How It Works:
1. Take Any Steemit URL
2. Erase
https://3. Type
reGet Featured Instantly – Featured Posts are voted every 2.4hrs
Join the Curation Team Here | Vote Resteemable for Witness
This post has received a 0.18 % upvote from @drotto thanks to: @banjo.
Memang bereh Pak @nasirage selain jadi seorang penulis nasional, rupanya juga seorang petani profesional.
Karena geupeugah le ureung tuha: panglima Ulee buet ibadat, panglima Ulee hareukat meugoe....hehe