Di dalam panton, loen suson kata.
Kadang na punca, hanjeut loen atoe.
Kadang na bareh, hana pah banja.
Kadang na kata, hana pah tutoe.
Uloen mulai, meu atoe kata.
Ka kisah cinta, yang ka teu puroe.
Kisah di uloen, di lam cinta.
Ngoen sidroe dara, jinoe loen atoe.
Masa phoen dile, di ucap kata.
Janji setia, sumpah di hambo.
Kadi meu janji, han bagi cinta.
Sampo oh tuha, beu jeut keu judo.
Teuma oh jinoe, ka laen cara.
Sumpah setia, man dum ka hanco.
Uloen di tinggai, han le di gisa.
Saket meu cinta, loen teu duek taheo.
Bak uroe senin, kaji meu pesta.
Undangan duka, cinta yang hanco.
Uloen di undang, langsong loen teu ka.
Kadoe uloen ba, ie mata loen roe.
Encin meu palet, taloe meu puta.
Meu nyoe tan harta, hana keuh judo.
Meu nyoe meu janji, hana yang nyata.
Meu nyoe meu cinta, bek keuh teu lanjo.
Oh watei putoh, saket lam dada.
Lage loen rasa, duka meu atoe.
Keu pue keuh janji, meu nyoe tan nyata.
Keu pue keuh cinta, meu nyoe tanjudo.
Yang lepah saket, meu palet dada..
Ngon ureung tuha, gata duk lintoe.
Watei lon kalon, bak uroe pesta.
Leu pah thad tuha, kulet kabeh roe ..buaaa
Congratulations @teukuzul! You have received a personal award!
Click on the badge to view your Board of Honor.
Congratulations @teukuzul! You received a personal award!
You can view your badges on your Steem Board and compare to others on the Steem Ranking
Vote for @Steemitboard as a witness to get one more award and increased upvotes!