သတိမူစရာ

အူမကြီးကင်ဆာဟာ ၁၉၉၀ ပြည့်နှစ် နောက်ပိုင်းတွေမှာ အလွန်အဖြစ်များတဲ့ ရောဂါတစ်ခု ဖြစ်လို့လာပါတယ်။ကြိုတင်ကာကွယ်ခြင်းဟာ ကုသခြင်းထက် ပိုကောင်းတယ် ဆိုတာကိုတော့ လက်ခံသဘောပေါက်ကြမှာပါ။ ဒါကြောင့် ရင်သားကို ကိုယ့်ကိုယ်ကို ပုံမှန်စစ်ဆေးသလို၊ မှည့်ကို အမြဲတမ်း သတိပြုစောင့်ကြည့်သလို၊ ဝမ်းနဲ့ ပတ်သက်လို့လည်း အမြဲဆင်ခြင် စောင့်ကြည့်သင့်ပါပြီ။

ကံကောင်းထောက်မတဲ့ အချက်ကတော့ အူမကြီးကင်ဆာဟာ ကာကွယ်နိုင်တဲ့ ကင်ဆာအမျိုးအစားထဲမှာ ပါတာကြောင့် အောက်မှာဖော်ပြသွားမယ့် လက္ခဏာရပ်တွေကို အစဉ်မပြတ် သတိမူသင့်ပါတယ်။ အထူးသဖြင့် မိသားစုမျိုးရိုးရှိသူတွေမှာ ပိုသတိထားရပါမယ်။ လက္ခဏာရပ်တွေ တွေ့တဲ့အခါ ဆရာဝန်နဲ့ ပြသတိုင်ပင်ပြီး ဆရာဝန်က လိုအပ်တယ်ထင်ရင် အူမှန်ပြောင်း ရိုက်တာမျိုးတွေ ပြုလုပ်စေပါလိမ့်မယ်။
ဝမ်းသွားပြီးနောက် သွေးအနီရဲရဲတွေ တွေ့ရတာဟာ လိပ်ခေါင်းတွေ၊ ဂရင်ဂျီနာတွေကြောင့်လည်း ဖြစ်နိုင်ပေမယ့် သွေးထွက်များတာမျိုးဖြစ်စေ၊ အနီပုပ်ပုပ်၊ မရမ်းရောင်လိုမျိုးတွေ ထွက်လာခဲ့ရင်ဖြစ်စေ အူမကြီးကနေ ထွက်လာတာ ဖြစ်နိုင်တဲ့အတွက် ဆရာဝန်နဲ့ ပြသသင့်ပါတယ်။